Wednesday, May 30, 2012

ဒီပဲယင်း သမိုင်းမှန် ပေါ်ချင်သူ


(ဒီပဲယင်း ၉ နှစ်ပြည့် အထူးအင်တာဗျူး)

ရန်ကုန် (မဇ္ဈိမ) ။ ။ ၂ဝ၁၂ ခုနှစ်၊ မေလ ၃ဝ ရက်နေ့သည် ဒီပဲယင်း အရေးအခင်း ၉ နှစ် ပြည့်မြောက်သည့်နေ့
ဖြစ်သည်။ ၂ဝဝ၃ ခုနှစ် ဒေါ်အောင်ဆန်းစုကြည်၏ စည်းရုံးရေးခရီးစဉ်အတွင်း ဒီပဲယင်းမြို့နယ် ကျီရွာတွင် တိုက်ခိုက် ခံခဲ့ရသည့် ယင်းဖြစ်ရပ် တွင် မည်သူက အကွက်ချစီမံ၍ မည်သူ ဦးဆောင်ခဲ့သည်၊ မည်သူများ ပါဝင်ခဲ့သည် ဆိုသည် ကို ယနေ့တိုင် ဖော်ထုတ်နိုင်ခြင်း မရှိသေးပေ။

ဖြစ်ရပ်မှန်သမျှ သမိုင်းချည်းပင် ဖြစ်သည်။ သမိုင်းသည် အကောင်းဆုံး ဥပမာ ဖြစ်သည်။ သမိုင်းမှ သာဓကယူ ဆန်းစစ်ရသည်။ ခေတ်အဆက်ဆက် သမိုင်းစစ်ကို ရှာဖွေတူးဆွသူများ ရှိခဲ့သလို သမိုင်းကြောင်း၌ ကမ္ဗည်းတင် မခံဝံ့သူတို့က ဖြစ်ရပ်ဟောင်းကို ဖုံးဖိပြောင်းလဲရန် ကြိုးစားခဲ့ကြသည်။

ဒီပဲယင်း အရေးအခင်းကို သမိုင်းအဖြစ်မှန်အဖြစ် တရားဝင် ပေါ်ပေါက်စေလိုသူများအနက် ဒီပဲယင်းလုပ်ကြံမှု၏ အဓိကပစ်မှတ် ဒေါ်အောင်ဆန်းစုကြည် လွတ်မြောက်ရေးအတွက် အားထုတ်ခဲ့သူ တဦးဖြစ်သည့် ထိုစဉ်က
ဒေါ်အောင်ဆန်းစုကြည် စီးနှင်းသည့် ကားကို မောင်းနှင်ခဲ့သူ ကိုကျော်စိုးလင်းလည်း ပါဝင်နေသည်။
kyawsolwin
သမိုင်းကို အဖြစ်မှန်အတိုင်း ဖြစ်စေချင်သူ ကိုကျော်စိုးလင်း (၂ဝဝ၃ ခုနှစ် ဒီပဲယင်း အရေးအခင်းတွင် ဒေါ်အောင်ဆန်းစုကြည်၏ ကားကို မောင်းနှင်ခဲ့စဉ်က ကိုကျော်စိုးလင်းသည် ဒုတိယနှစ် ဥပဒေကျောင်းသား အရွယ်ဖြစ်သည်။)

ဒုတိယနှစ် ကျောင်းသားအရွယ်သာ ရှိခဲ့သော်လည်း လုပ်ကြံမှု ဖြစ်စဉ်အတွင်း ဒေါ်အောင်ဆန်းစုကြည်နှင့် အနီးဆုံး
နေရာတွင် ရှိခဲ့ပြီး မျက်မြင်သက်သေလည်း ဖြစ်သည့် ကိုကျော်စိုးလင်းနှင့် ဒီပဲယင်း ကိုးနှစ်ပြည့်အဖြစ် မဇ္ဈိမသတင်းဌာနက တွေ့ဆုံမေးမြန်းခဲ့ပါသည်။


ဒီပဲယင်းကိစ္စ ၉ နှစ်ပြည့်တော့မယ် ဒီအချိန်မှာ ဘယ်လိုခံစားရလဲ။

ပြန်ပြီးတော့ သတိရနေတယ်။ ဘာကြောင့်လဲဆိုတော့ ဒီကိစ္စ
ကျနော့်စိတ်ထဲမှာ သူတို့ကို ပြန်ပြီး ထိခိုက်ပါစေ၊ နစ်နာပါစေ၊ ဟိုဟာဖြစ်ပါစေဆိုတဲ့ ဆန္ဒမရှိဘူး။ ဒါပေမယ့် အဖြစ်မှန်လေးကိုတော့ ပေါ်ပေါက်
စေချင်တယ်။ တနေ့ထက် တနေ့တော့ အဲ့ဒီ ခံစားချက်လေးတော့ ရှိနေတာပေါ့။

ကြီးကတရားဝင် ဖော်ထုတ်နိုင်ခြင်းလည်း မရှိခဲ့ဘူး။ အဲ့တာ
ကြောင့် လည်း ဒီ ဒီပဲယင်းကို အမြဲတမ်းပဲ သတိရနေစေဖို့ အတွက်ရယ်၊ နောက်ပြီးတော့ ပြဿနာအရပ်ရပ်ကို
ဘယ်သူက ဘယ်လို စလုပ်တယ် ဆိုတာကို ပြည်သူအားလုံး
က သိစေချင်တဲ့ ဆန္ဒနဲ့ ဒီနှစ်ကို ကျီရွာမှာ သွားပြီး အလှူ
လုပ်ဖို့ စီစဉ်ထားပါတယ်။

အန်တီ့ကားကို မောင်းဖြစ်သွားပုံလေးက စပြီး ပြန်ပြောပြပါဦး။

ကျနော့်အဖေ ဦးကိုကြီး က မန္တလေးတိုင်း NLD တိုင်းဦးစီးမှူး(ဘဏ္ဍာရေး) လုပ်တော့ အဖွဲ့ချုပ်က ကိစ္စတွေဘာတွေ ရှိရင် ကျနော့်အိမ်က ကားတွေဘာတွေ သုံးလေ့ရှိတယ်။ ကျနော်ရယ်၊ ကျနော့်အကိုရယ်က အဲ့လိုကိစ္စတွေမှာ လိုက်ပို့တာရှိတော့ တိုင်းက လူကြီးတွေက ကျနော်တို့ ကား ကောင်းကောင်းမွန်မွန် မောင်းတတ်တာ သိနေတယ်။ အဲ့ဒီမှာ အန်တီ့ခရီးစဉ် ရောက်လာတယ်။ အဲ့ဒီတုန်းက ကျနော်က ဒုတိယနှစ်ပဲ ရှိသေးတယ်။ ဥပဒေ မေဂျာနဲ့။ အစကတော့ ကျနော်တို့က လူငယ်အနေနဲ့ လုံခြုံရေးပဲ လိုက်ရတာ။

အန်တီ့ခရီးစဉ် ဒုတိယတခေါက်အနေနဲ့ ရောက်လာတော့ ကား ကျွမ်းကျွမ်းကျင်ကျင် မောင်းတတ် တဲ့ လူ လေးဦး လိုတယ်ဆိုလို့ ကျနော်တို့ ညီအကို နှစ်ယောက်ရယ်၊ စက်မှုထဲက ဦးကံရယ်၊ မောင်ကိုလေးရယ် ဆိုပြီး လေးယောက်
ပေးလိုက်တယ်။ ဒါပေမယ့် တကယ်တမ်း လိုက်ဖြစ်တာက ဦးကိုလေးနဲ့ ကျနော်နဲ့ နှစ်ယောက်ပဲ။

စမောင်းတော့ ဦးကိုလေး မောင်းတာ။ နောက် ကချင်ပြည်နယ် ခရီးစဉ်တခုလုံး ကျနော် ဆက်မောင်းတယ်။ ကချင်ပြည်နယ် မိုးကုတ်၊ သပိတ်ကျင်းဘက်ကနေ မန္တလေးကို ဝင်တယ်။ မန္တလေးကနေ မုံရွာခရီးစဉ်ဘက် တွေလည်း ကျနော်ပဲ ဆက်မောင်းတာ နောက်ဆုံး ပြဿနာ ဖြစ်တဲ့နေ့အထိပဲ။

မေ ၃ဝ ရက်နေ့ အနေအထားတွေကို မှတ်မိသလောက် ပြန်ပြောပြပါဦး။

တောက်လျှောက် သူတို့ လိုက်နှောင့်ယှက်နေတဲ့ကိစ္စတွေကို သတင်းတွေ ရတယ်။ သိလည်း သိတယ်။ ဘာတွေလဲ ဆိုတော့ ကြံ့ခိုင်ရေးဝတ်စုံတွေနဲ့ လိုက်ပြီး နှောင့်ယှက်နေတယ်ဆိုတော့ ဆိုးဆိုးဝါးဝါးကြီး နှောင့်ယှက်လိမ့်မယ်တော့ မထင်ဘူး။ စီစဉ်နေတယ်ဆိုတဲ့ သတင်းတွေ၊ နှောက်ယှက်မယ်ဆိုတဲ့ သတင်းတွေလည်း ကြားတယ်။ နောက် ဘုတလင်နဲ့ မုံရွာက ခရီးစဉ်ကို လိုက်ပို့တဲ့ ကျောင်းသားလေးတွေ အပြန်မှာ အဖမ်းခံရတယ်ဆိုတဲ့ သတင်းလည်း ကြားတယ်။ ရှေ့ပြေး လွှတ်တဲ့သူကလည်း ပြန်မလာနိုင်ဘူး။ ပြန်မလာနိုင်ပေမယ့် သတင်းကတော့ အဆက်မပြတ် ကြားနေတာ။

အဲ့ဒီနေ့က လမ်းကြောင်းတခုလုံးမှာ အန်တီရှိနေတဲ့ နေရာအထိ သတင်းတွေ ရောက်လား။ သတင်းပို့မှု အစပ်အဆက် ရှိနေလား။

ရှိတယ်။ ဒါပေမယ့် နှောက်ယှက်မယ်လို့ပဲ ကြားနေတာ။ နောက်ပြီး ဘုန်းကြီးအတုတွေ၊ အတုတွေဆိုတာက သင်္ကန်း
တောင် မဝတ်ရသေးဘူး။ ကတုံးစိမ်းတွေနဲ့ ကားကြီးတွေနဲ့ ထွက်သွားတယ်။ သွားလိုက်လာလိုက် လုပ်နေတယ် ဆိုတဲ့ သတင်းလည်း ကြားရတယ်။ ဒါပေမယ့် အန်တီကတော့ အဖွဲ့တွေအားလုံးနဲ့ သွားမယ့် ခရီးစဉ် ဆက်ထွက်တယ်။

အဲ့ဒီအချိန်က သူတို့ဘက်က အနှောက်အယှက်ပေးရင် ညပိုင်းတွေများတယ်။ မိုးကုတ်၊ သပိတ်ကျင်း ဘက်မှာဆိုရင် လာကြည့်တဲ့ ပြည်သူတွေကို လေးဂွတွေ၊ ခဲတွေနဲ့ ထုတာ၊ မီးမောင်းတွေထိုးတာ၊ သံပုံးတွေရိုက်တာ မျိုးပေါ့နော်။
နေ့လည်ပိုင်းဆို သူတို့က သိပ်ပြီးတော့ မလုပ်ကြဘူး။ ဆန္ဒပြသလို သာမန် နှောင့်ယှက်တာလေးတွေလောက်ပဲ လုပ်တယ်။ အဲ့တော့ ကျနော်တို့က ညကို အရောက်မခံဘဲ မောင်းတာ များတယ်။ နောက်တချက်က အဲ့ဒီနေ့က ကျနော်တို့ဘက်က ခရီးစဉ် မိုင်တွက်တာလည်း မှားတယ်။ မိုင်အကွာအဝေးကို ၁၄ မိုင်လို့ ရေးထားတဲ့ နေရာမှာ ၁ ပြုတ်ပြီး ၄ မိုင်လို့ ဖြစ်နေတာလည်း နောက်ပိုင်းမှာ ကျနော်တို့ သွားတွေ့ရတယ်။

ကျီရွာကို ရောက်တဲ့အချိန်မှာ ဘုန်းကြီး နှစ်ပါးက “ဒကာမကြီး မနက်ကတည်းက ကျနော်တို့ စောင့်နေလို့ပါ။ ရပ်ပြီး
နှုတ်ဆက်စကားလေး ပြောပေးပါ”လို့ ပြောလာတယ်။ အချိန်က ငါးနာရီခွဲ ခြောက်နာရီလောက် ရှိပြီ။ မမှောင်သေး ဘူး။ မှောင်ရီပျိုးပြလေး။ ဘုန်းကြီးက တောင်းတောင်း ပန်ပန်နဲ့ ပြေးပြီးတော့ လိုက်ပြောတဲ့ အခါကြတော့ အန်တီက “ငါ့သားရယ် ရပ်ပေးလိုက်ပါဦး” ဆိုတော့ ကျနော်က ရပ်လိုက်တယ်။ အဲ့ဒီမှာ ဘုန်းကြီးနှစ်ပါးရယ် ရွာသားတွေကော အများကြီး စောင့်ပြီး ကြိုနေတယ်။ ဘုန်းကြီးအိုကြီး တယောက်လည်း ပါတယ်ပြောတယ်။

ရပ်လိုက်တဲ့ အချိန်မှာ နောက်က လိုက်လာတဲ့ ကားတန်းကလည်း တော်တော်များတယ်။ ကား အစီးရေတော့ မမှတ်မိဘူး။ ကားတန်းရပ်သွားတော့ နောက်က လိုက်လာတဲ့ ကားတွေထဲက ဘုန်းကြီးအတုတွေကော လူတွေကော တုတ်တွေနဲ့ ဆင်းလာပြီးတော့ ကြိုတဲ့သူတွေကိုကော၊ ကျနော်တို့နောက်က လိုက်လာတဲ့ ကားတွေပေါ်က လူတွေကိုကော တန်းရိုက်တော့တာပဲ။

PA က လုံခြုံရေးအတွက် ဆင်းပြီးတော့ ကြည့်တဲ့အချိန်မှာ နောက်မှာ စရိုက်နေပြီလို့ သိတော့ အန်တီ မဆင်းဖြစ်တော့ ဘူး။ မဆင်းဖြစ်တော့ဘဲ PA ပါ ပြန်တက်၊ ကားတံခါးတွေကို Lock ချ လိုက်တယ်။ ကျနော့်ရှေ့မှာက ကား သုံးလေးစီး
လောက်တော့ ရှိတယ်။ ဘဘဦးတင်ဦး ကားကလည်း ရှေ့မှာပဲ။ အနီးကပ် လုံခြုံရေးတွေကတော့ ကျနော့်ကားပေါ် မှာပေါ့။ မန္တလေး တိုင်းက လုံခြုံရေးအဖွဲ့တွေကတော့ ရှေ့မှာကော နောက်မှာကော ပါတယ်။

နောက်ကနေ ရိုက်လာတဲ့အချိန်မှာ လုံခြုံရေးအဖွဲ့တွေက “ကိုကျော်စိုးလင်း မောင်းမောင်း” ဆိုပြီး ပြောတယ်။
နောက်က အမျိုးသမီးတွေပါတဲ့ ကားတစီးက ကျော်တက်ပြီး ကျနော်တို့ ကားနား ရောက်လာတယ်။ ဆိုင်ကယ်တွေနဲ့ လိုက်လာတဲ့ ကျောင်းသားတွေကလဲ ပြန်ချမယ်၊ ပြန်ထုမယ် ဆိုတော့ အန်တီက တားခိုင်းလိုက်တယ်။ မလုပ်ပါနဲ့ သူတို့က ဘယ်လိုအကြံအစည်နဲ့မှန်း မသိဘူးဆိုပြီး အန်တီက တားတော့ သူတို့က မလုပ်ဖြစ်တော့ဘူး။

နောက်ကနေ ရိုက်လာရင်းနဲ့ ကျနော်တို့ ကားနားအထိ ရောက်လာတယ်။ ကျနော်တို့ ကားနား ရောက်လာတော့ ကိုတိုးလွင်တို့ တခြားလုံခြုံရေး အဖွဲ့ဝင်တွေက တားတယ်။ “ဒါ ဒေါ်အောင်ဆန်းစုကြည်ကားနော်။ မင်းတို့ သမိုင်းဝင် သွားမယ်နော်” ဆိုပြီး တားတယ်။ တားတော့ သူတို့ ရိုက်တာ တန့်သွားတယ်။ ကျနော်တို့ ကားနားကို အရင်ရောက် လာတဲ့ ရှေ့ဆုံးက ၄၊ ၅ယောက်က ဘုန်းကြီးဝတ်တွေ။ သင်္ကန်းတွေနဲ့ တုတ်တွေနဲ့။ ညာဘက်လက်တွေမှာ လက်ပတ် အဖြူတွေ ပတ်ထားတယ်။

အဲ့ဒီမှာ ဘဘဦးတင်ဦး ရောက်လာတယ်။ “မင်းတို့ကောင်
အဲ့ဒီမှာ ဘဘဦးတင်ဦး ရောက်လာတယ်။ “မင်းတို့ကောင်တွေက ဘယ်ကလဲ။ ဘာလို့ရိုက်တာလဲ” ဆိုပြီး မေးနေတုန်း ဘဘဦးတင်ဦးကိုပါ သူတို့ ရိုက်ချလိုက် တယ်။ နောက် အန်တီ့ဘက်အခြမ်းက လုံခြုံရေးယူထားတဲ့ ကိုတိုးလွင်ကိုလည်း
သူတို့ ရိုက်ချလိုက်တာ ကိုတိုးလွင်က ပုံလျက်သားလေး လဲသွားတယ်။
အဲ့နေရာမှာပဲ ပုံကျသွားတော့ သေပြီလို့ပဲ ထင်လိုက်တယ်။

တွေက ဘယ်ကလဲ။ ဘာလို့ရိုက်တာလဲ” ဆိုပြီး မေးနေတုန်း ဘဘဦးတင်ဦးကိုပါ သူတို့ ရိုက်ချလိုက်တယ်။ နောက် အန်တီ့ဘက်အခြမ်းက လုံခြုံရေးယူထားတဲ့ ကိုတိုးလွင်
ကိုလည်း သူတို့ ရိုက်ချလိုက်တာ ကိုတိုးလွင်က ပုံလျက်
သားလေး လဲသွားတယ်။ အဲ့နေရာမှာပဲ ပုံကျသွားတော့
သေပြီလို့ပဲ ထင်လိုက်တယ်။

ကျနော့်စိတ်ထဲမှာ အဲ့ဒီတုန်းက တော်တော် ဒေါသဖြစ် သွားသေးတယ်။ နောက်ကနေ ပြေးလာတဲ့ သူတွေက
ပြေး၊ လိုက်ရိုက်တဲ့သူတွေက လိုက်ရိုက်နဲ့ဆိုတော့လေ။
တချို့ဆို ကိုယ်တုံးလုံး ကျွတ်တွေနဲ့ ထွက်ပြေးလာတာကို လိုက်ရိုက်နေတာလည်း တွေ့တော့ ဒေါသဖြစ်ပြီး ပထမ တခုခု တုန့်ပြန်မယ် စဉ်းစားသေးတယ်။ ကျနော် ကားကို ဘက်ဆုတ်လိုက်တယ်။ ဘက်မဆုတ်ခင် လီဗာကို အကျယ်ကြီး နင်းလိုက်တယ်။ ကိုယ့်လူတွေလည်း ရှိတော့ရှောင်လို့ရအောင် အသံ ပေးလိုက်တာပေါ့။

အဲ့ဒီမှာ ကျနော့်ကားရဲ့ တိုက်ရော့နဲ့ ဘီးနဲ့ကြားမှာ သစ်သားချောင်း ဘယ်အချိန်က ထိုးခံထားလဲ မသိဘူး။ စတီရာရင်
ခေါက်လို့ မရအောင် ထိုးထည့်ထားတာ။ ကံကောင်းချင်တော့ ကျနော်က နောက်အရင် ဆုတ်လိုက်တော့ အဲ့ဒီဟာက ကျိုးထွက်သွားတယ်။ ဒိုင်းကနဲ ဘာနဲ့မှလည်း မထိဘဲ အသံထွက်လာတော့မှ တခုခု ကလန့်ထားတာ ကျိုးသွားတာ သိတာ။ နောက်ဆုတ်တဲ့အချိန်မှာ ကျနော့် ညာဘက်က မှန်ကော၊ ဘယ်ဘက်က မှန်ကော၊ နောက်မှန်တွေကော၊ ကားဘက်မှန်နဲ့ မီးသီးတွေကော သူတို့ အကုန်ရိုက်ခွဲကြတယ်။

အဲ့အချိန် ကားဘေးမှာ လုံခြုံရေးတွေ ရှိနေတယ်။ သူတို့က ပေပြီးတော့ အရိုက်ခံနေကြတာ။ ကျနော် ကားနောက် ဆုတ်ပြီ ဆိုတာနဲ့ သူတို့က ကားပေါ်ကို အတင်းဝိုင်းတက်ကြတယ်။ ရှေ့ကို ကြည့်တော့ ကိုယ့်လူတွေက မှောက်နေ တယ်။ ရိုက်တဲ့သူတွေက ရှောင်နေတာနဲ့ ဘယ်သူ့ကိုမှ မတိုက်တော့ပဲ ကျနော် ကျော်တက်ပြီးတော့ အတင်းမောင်း ထွက်ခဲ့တာ။ အဲ့ဒီနေရာမှာ ဆယ့်ငါးမိနစ်၊ မိနစ်နှစ်ဆယ်လောက် ကြာမယ်ထင်တယ်။

အန်တီကကော အဲ့ဒီအချိန်မှာ ဘယ်လိုရှိနေလဲ။ အန်တီက ကား မောင်းထွက်ဖို့တွေဘာတွေ ပြောလား။

အန်တီက ဒီမှာလည်း လူတွေ အရိုက်ခံနေရပြီ။ ပြည်သူတွေလည်း အရိုက်ခံနေရပြီ။ သူများတွေက “မောင်းမောင်း”လို့
ပြောနေကြတယ်။ အန်တီက ဘာမှ မပြောဘူး။ ကျနော့် အမြင်ပေါ့၊ ကျနော့်အတွေးက အန်တီက တကယ်လို့
မောင်းခိုင်းမယ်ဆိုရင် သူများတွေ အရိုက်ခံ နေရတာကို ပစ်ပြီးတော့ ပြေးရာရောက်မယ်။ အဲ့လိုလည်း အဖြစ်မခံချင် ဘူးလို့ ထင်တယ်။ ကျနော် မမောင်းဘဲနဲ့ နေမယ်ဆိုရင်လည်း ဘယ်သူမှ မောင်းလို့မရဘူးလေ။ အကုန်လုံး ပဋိပက္ခ
ဖြစ်သွားနိုင်တယ်။ အဲ့ဒီမှာ ကျနော်ကလည်း အဲ့တုန်းက လူငယ်စိတ်နဲ့ပေါ့နော် ဒေါသလဲ ဖြစ်တော့ ကျနော် ၁ သက်ဆို သူတို့ ၂ သက်ဆိုပြီး ဖြစ်ချင်ရာဖြစ် မောင်းထွက်လိုက်တာ။

နောက်ထပ် သတ်ကွင်းလို တနေရာ ကြုံရတယ် ဆိုတာက ဘယ်လိုမျိုးလဲ။

ဒုတိယနေရာကမှ တကယ့် သတ်ကွင်း။ ပထမနေရာနဲ့ နောက်တနေရာက တမိုင်လောက် ဝေးတယ်။ ကျနော် ထွက်လာတော့ ဘဘဦးတင်ဦးကားတို့၊ အမျိုးသမီးကားတို့ကို ကျော်ပြီး ထိပ်ဆုံးက မောင်းထွက်လာတာ ရှေ့ကိုပဲ အာရုံစိုက်ပြီး မောင်းနေတော့ သူတို့လည်း နောက်က ပါလာတယ်ပဲ ထင်တာ။ ငါးမိနစ်လောက် မောင်းရတယ်။ ရှေ့မှာ ကုန်ကားကြီး ၃ စီး တွေ့တယ်။ အဝေးကတည်းက မြင်တော့ လမ်းကို ဒီကားတွေ ကန့်လန့် ပိတ်လိုက်မှာလည်း စိုးတယ်။ သိပ်လည်း မသင်္ကာဘူးပေါ့ စပြီးလည်း ဖြစ်နေပြီဆိုတော့လေ။

အဲ့တာနဲ့ သူတို့ ထိပ်တည့်တည့်ရောက်ပြီဆိုမှ ညာဘက်ကို လှည်းလမ်းပေါ်ကို ချိုးချပြီး မောင်းမယ် လုပ်မှ ဒီဘက်အခြမ်းမှာ ကားအစီး ၂ဝ၊ ၃ဝ လောက်က မီးတွေဖွင့်ပီး ထိုးထားတာတွေ့ရတယ်။ လမ်းရဲ့ဘေးမှာ ကွင်းက အကျယ်ကြီး ဒိုင်နာလိုလို၊ ကုန်ကားလိုလို ကားတွေ၊ ကွင်းထဲမှာ စီရပ်ထားတာ။ မီးကြီးတွေ လမ်းဘက်ကို ထိုးထားတာ။ ကားသုံးစီးကို ကျော်တော့မှ မြင်ရတာ။ မီးတွေနဲ့ လူတွေလည်း များပါလားပေါ့။ လူတွေက စီရပ်နေတာ မန္တလေးလိုဆိုရင် တပြလောက်ကို ရှိတယ်။ လူအပြည့်ပဲ တုတ်တွေနဲ့ စောင့်နေတာ။ လမ်းဘေးတလျှောက်လုံး အပြည့်ပဲ။ ဟိုမှာက ရိုက်တာနှက်တာ ကိုယ့်ရှေ့မှာတင် ကြုံလာခဲ့ပြီဆိုတော့ ကျနော်က သိလိုက်တယ်။ အဲ့ဒီမှာ သတ်ကွင်းဆိုတာ သိလိုက်တယ်။ တုတ်တွေနဲ့ လူတွေက လမ်းရဲ့ ညာဘက်မှာ။ ကျနော် ဆင်းကျော်တဲ့ ညာဘက်မှာ
ပေါ့နော်။ လမ်းရဲ့ ဘယ်ဘက်မှာက ကြံ့ခိုင်ရေး ဝတ်စုံတွေနဲ့ ဆိုင်းဘုတ်လေးတွေ ကိုင်ပြီးတော့ အရင်နှောက်ယှက် သလို စောင့်နေကြတာ။

ကျနော်က ကားကို ခေါင်းတည်ပြီး လီဗာနည်းနည်း နင်းလိုက်တော့ တုတ်တွေနဲ့ လူတွေက ရှဲသွားတယ်။ ရှဲသွားပြီဆိုမှ ကျနော်က လမ်းပေါ်ကို ခေါင်းတင်လိုက်တယ်။ ကားနောက်မှာကော ဘေးပတ်လည်မှာ တွယ်လိုက်လာတဲ့ အခါကျ
တော့ ဆွဲချပြီး ရိုက်လိုက်မှာကို စိုးတယ်။ ကား လမ်းပေါ် ရောက်သွားတော့ လက်လှမ်းမမီတော့မှ နောက်ကနေ ဝိုင်းထုကြတာ။ အဲ့မှာ ကျနော့်ခေါင်းကို တချက်မှန်တယ်။ ဘာနဲ့ ထုလိုက်လည်း မသိဘူး။ သွေးတွေ ဖြာသွားတယ်။ အန်တီက “ဘာဖြစ်သွားသေးလဲ” မေးတော့ ကျနော် သတိရှိသေးတယ် “ရတယ်”လို့ ပြောလိုက်ပါတယ်။ လမ်းရဲ့ အဆုံးမှာ သစ်သားနဲ့ သံဆူးကြိုးနဲ့ ဘယ်ရီဂိတ် ပိတ်ထားတယ်။ အဲ့တာကို ကျနော်က တိုက်ချိုးပြီး ဆက်မောင်းမယ် လုပ်တော့ ကားနှစ်စီးနဲ့ ဆက်ပိတ်ထားတာ တွေ့ရတယ်။ ကားနှစ်စီးရဲ့ ကြားမှာ လူသွားဖို့ လမ်းချန်ထားတာ ရှိတယ်။ အဲ့ဒီ လူသွားလမ်းက ကျနော့်ကားနဲ့ ကွက်တိဖြစ်နေတယ်။ အဲ့ဒီကနေ လွတ်သွားတာ။ လွတ်သွားတော့ အရှေ့မှာ ရဲ ၁ဝ ယောက်လောက် ရှိမယ်။ သေနတ်တွေနဲ့ ချိန်ထားတာ။ ကျနော်လည်း မထူးဘူးဆိုပြီး ဆက်မောင်းတော့ သူတို့က ဒိုင်ဗင်တွေဘာတွေ ထိုးပြီး ရှောင်တဲ့သူက ရှောင်တယ်။ ဘယ်သူ့ကိုမှတော့ ကျနော် မတိုက်ဖြစ်ပါဘူး။

နောက်တော့ကော ဘာတွေ ဆက်ဖြစ်သေးလဲ။

အဲ့ဒီက လွတ်လာတော့ အန်တီက ပြောတယ်။ ဒီပဲယင်းကိုဝင်မယ် ငါ့သား။ ဒီကိစ္စကို ဖြေရှင်းမယ်။ မဖြေရှင်းလို့ မရဘူးပေါ့ ပြောတယ်။ ကျနော့်ကို ပြောတာပေါ့။ ဖြစ်ချင်တော့ ကျနော်ကလည်း ဒီပဲယင်းကို မရောက်ဖူးတော့ ဒီပဲယင်းကို ကျော်သွားတယ်။ ဒီပဲယင်းက လမ်းဘေးလေး ချိုးဝင်လိုက်ရတာ။ ကျနော်က မြို့ရှောင်လမ်းပေါ့နော် အဲ့ဘက်က ထွက်သွားလိုက်တော့ ကျော်သွားတယ်။ ကျော်သွားပြီးတော့ လမ်းဘေး တောထဲမှာ ခဏဝင်ရပ်တယ်။ ကားပေါ်မှာ တုတ်တွေကော၊ ကားအောက်မှာ ကလန့်ထားတဲ့ တုတ်ကလဲ စဖြစ်တဲ့ နေရာကတည်းက ဒီးဒီး၊ ဒီးဒီး
မြည်ပြီးတော့ ပါလာတာလေ။ နောက်ပြီး ကျနော် တိုက်ဖြတ်လာတဲ့ သံဆူးကြိုးတွေလဲ ကားနဲ့ငြိပြီး ပါလာတယ်။

အဲ့ဒီမှာ တုတ်တွေဘာတွေ ဖြုတ်၊ သံဆူးကြိုးတွေ ဖြည်ပြီး
“ဒါ ဒေါ်အောင်ဆန်းစုကြည် ကားနော်၊ မင်းတို့ သမိုင်းဝင်သွားမယ်” ဆိုပြီး ပြောတဲ့အချိန် သူတို့ ခဏတုန့်သွားတယ်။ နောက်ပြီးမှ “ဟာ.. ဘာပဲ
ဖြစ်ဖြစ် ချကွာ၊ ရိုက်ရိုက်” ဆိုပြီး ဝင်ရိုက်တဲ့ အဖြစ်ကတော့ ကျနော့် စိတ်ထဲမှာ ထင်ကျန်နေ တုန်းပဲ။

တော့အန်တီက လူ ဘယ်နှစ်ယောက်ပါလဲ။ နာမည်တွေ
ပြောဆိုပြီး တခါတည်း အန်တီက သူ့စိတ်နဲ့ပဲ မှတ်ထား
လိုက်တယ်။ အန်တီအပါအဝင် ကျနော်တို့အားလုံး ၁၈
ယောက် ပါတယ်။ အန်တီက ဘယ်သူမှ အန်တီနဲ့ မခွာနဲ့။
ဘယ်မှ မသွားကြနဲ့ အန်တီ့ဘေးမှာပဲ နေလို့ မှာတယ်။
ကြောက်လန့် ပြီး ခွဲထွက်သွားရင် အန္တရာယ်ဖြစ်မှာစိုးလို့
မှာတယ်လို့ ထင်ပါတယ်။

အဲ့ဒီက ပြန်ထွက်တော့ ရေဦးမြို့အဝင် သံလမ်းနားမှာ မောင်းတံဂိတ်လေးတွေ့တော့ ကျနော်က ကားခဏရပ်တယ်။ ကားရပ်တော့ အဘိုးကြီး နှစ်ယောက်က ဒါဘယ်သူ့ကားလဲတဲ့ လာမေးတယ်။ ဒေါ်အောင်ဆန်းစုကြည်ကားပါလို့ ဆိုတော့ တိုင်းမှူးက အမိန့်ချထားတယ်တဲ့။ ဘယ်ကားမှ အဝင်မခံနဲ့လို့ ပြောထားတယ်တဲ့။ အဲ့တာကြောင့်မို့ပါဆိုတော့ ရပါတယ် ကျနော်တို့စောင့်မယ်လို့ ပြောလိုက်တယ်။

နောက် နာရီဝက်လောက် ကြာတော့ ကျနော်တို့ရှေ့က ရထားသံလမ်း တံခါးကြီးကို ပိတ်လိုက်တယ်။ သံလမ်းပိတ်ပြီး သံလမ်းရဲ့ ဟိုဘက်မှာ ဘယ်ရီဂိတ်တွေ ချလိုက်တယ်။ ရေဦးဘက်က စစ်သားတွေ ထွက်လာပြီး ကျနော်တို့ကို ဝိုင်းလိုက်တယ်။ ဝိုင်းတာတော့ တော်တော်ဝေးဝေးက ဝိုင်းတာပါ။ သေနတ်တွေနဲ့ပဲ။ ဝိုင်းပြီးတော့ ဒီအတိုင်းပဲ ကြည့်နေကြတော့ ကျနော်တို့လဲ အေးအေးဆေးဆေးပဲ နေလိုက်တယ်။

အဲ့ဒီလို ဝိုင်းပြီး နာရီဝက်လောက် ထပ်ကြာတော့မှ စစ်တပ်ယူနီဖောင်းနဲ့ အရာရှိကြီးတယောက် ရောက်လာတယ်။ အသက်က ၅ဝ လောက်ရှိမယ်။ သူက ကျနော့်ကို နားထင်ကို သေနတ်နဲ့ ချိန်တယ်။ ချိန်ပြီးတော့ “မင်းလိုက်မလား မလိုက်ဘူးလား” ဆိုပြီး မေးတယ်။ အန်တီ့ကို ကြည့်တော့ အန်တီက ခေါင်းညှိမ့်ပြတော့ “လိုက်မယ်”လို့ ပြောလိုက် တယ်။ “အဲ့တာဆို နောက်က လူတွေ တက်”ဆိုပြီး သေနတ်တွေနဲ့ ချိန်ပြီး တက်ခိုင်းတယ်။ နောက်က လူတွေပါ တက်တော့မှ သံလမ်းတံခါးနဲ့ ဘယ်ရီဂိတ်တွေပါ ဖယ်။ ရှေ့က ရဲကားနဲ့ သူတို့က အနောက်က လိုက်လာကြတယ်။
ဘေးက မော်တော်ပီကယ်တွေ ဘာတွေနဲ့ပါ ခေါ်ပြီးတော့ ရေဦး ရဲစခန်းထဲ ရောက်သွားတယ်။

ရေဦး ရဲစခန်းရောက်ပြီး ဘာဆက်ဖြစ်ကြလဲ။

ရေဦး ရဲစခန်းရောက်တော့ အန်တီက ပြောတယ်။ “ရှင်တို့ သတ်ချင်ရင် ကျမတို့ကို ဒီနေရာမှာ သတ်ချင် သတ်ပစ် လိုက်။ အဲ့လိုမှ မဟုတ်ဘူးဆိုရင် ကျမတို့ကတော့ ဒီကိစ္စကို ဖြေရှင်းရမှာပဲ”လို့ ပြောတယ်။ အဲ့ဒီမှာ သူတို့က အန်တီ့ကို အဲ့လိုတော့ မဟုတ်ပါဘူး။ ဖြေရှင်းဖို့ ကျနော်တို့နဲ့ လိုက်ခဲ့ပေးပါဦး လို့ ပြောတယ်။ အဲ့မှာ အန်တီက “မလိုက်နိုင်ဘူး၊ ဥပဒေကြောင်းအရ ဖြေရှင်းမှ သာလျှင် လိုက်မယ်”လို့ ပြောလိုက်တယ်။ နောက် ၁ဝ မိနစ်လောက် နေတော့ ဥပဒေ
ကြောင်းအရ ဖြေရှင်းပေးပါ့မယ်လို့ သူတို့က ပြောတယ်။ အဲ့ဒီမှာ အန်တီနဲ့ ကိုထွန်းဇော်ဇော်ရယ်၊ ကိုထွန်းမြင့်ရယ် လိုက်သွားတယ်။ ကိုထွန်းဇော်ဇော်နဲ့ ကိုထွန်းမြင့်ကို အန်တီက သက်သေအနေနဲ့ ခေါ်သွားလိုက်တာ။ ကျနော်ကတော့ ကားနဲ့ ကားမှာပါတဲ့ သက်သေခံပစ္စည်းတွေကို စောင့်ကြည့်တဲ့ အနေနဲ့ ကျန်ခဲ့တယ်။ ကျန်တဲ့သူတွေ အားလုံးကိုတော့ သူတို့က အချုပ်ထဲ ထည့်လိုက်တယ်။

ရဲစခန်းကို သက်သေဆိုပြီး လိုက်လာတဲ့သူတွေ ၄၊ ၅၊ ၆ ယောက်ရှိတယ်။ အဲ့ဒီလူတွေမှာလည်း စရိုက်တုန်းက လူတွေ ပတ်ထားတဲ့ လက်ပတ်အဖြူတွေ ပတ်ထားတာတွေ့တယ်။ သူတို့က ရပ်ကွက်လူကြီးတို့၊ ရပ်ကွက်အုပ်ချုပ်ရေးမှူးတို့ အဲ့လိုလူတွေ။ ကျနော်တို့ကိုလည်း ဗီဒီယို မှတ်တမ်း တင်တာတွေဘာတွေ လုပ်တယ်။ အဲ့ဒီက ထောက်လှမ်းရေး ထင်တယ် တယောက်က “မင်းတို့က စရိုက်လို့ ငါတို့က လုပ်ရတယ်” ဆိုပြီး ကျနော့်ကို ပြောတယ်။ အဲ့မှာ ကားပေါ် ပါတဲ့ သက်သေပစ္စည်းတွေ စာရင်းတွေလုပ်။ စာရင်းတွေ လုပ်ပြီးပြီဆိုမှ ကျနော့်ကိုပါ အချုပ်ထဲ ထည့်လိုက်တယ်။ အဲ့ဒီမှာ ကျနော်တို့ကို ထမင်းလည်း မကျွေးဘူး။ အဲ့ဒီညနဲ့ နောက်နေ့ တနေ့လုံး ထားတယ်။

အန်တီနဲ့ လိုက်သွားတဲ့ နှစ်ယောက်က သိပ်မကြာဘူး ပြန်ရောက်လာတယ်။ ကျနော်တို့ ၁၇ ယောက်ကို နောက်နေ့ ညနေမှာ ဒိုင်နာ ၂ စီးနဲ့ ရွှေဘိုထောင်ကို ပို့တယ်။ ဒိုင်နာ ၂ စီးကို တာလပတ်တွေနဲ့ အုပ်ပြီးတော့ ရဲတွေနဲ့ ခေါ်သွား တယ်။ ရွှေဘိုထောင်ရောက်တော့ ကျနော်တို့ တယောက်စီကို ရာဇဝတ်သား ၂ ယောက်၊ တန်းစီးလိုမျိုးပေါ့ အဲ့လို လူတွေနဲ့ ထားတယ်။ အဟန့်ပေါ့ဗျာ။ ဒါပေမယ့် သူတို့က ကျနော်တို့ကို ဘယ်သူမှ ရိုင်းရိုင်းပြပြ မဆက်ဆံပါဘူး။
ကောင်းကောင်းမွန်မွန် စောင်တွေဘာတွေနဲ့ ထားပါတယ်။

ရွှေဘိုထောင်မှာ ကိုတိုးလွင်ကိုလည်း ကျနော်တို့ ပြန်တွေ့တယ်။ စရိုက်လို့ ကျနော်တို့ကား ထွက်လာတဲ့အချိန်မှာ သူက မှောက်ကျန်နေခဲ့တော့ သူ့ကို ကျနော်တို့က အသေဆိုပြီး တွက်ထားတာ ရွှေဘိုထောင် ရောက်မှ ပြန်တွေ့တာ။ သူကလည်း ခေါင်းတခေါင်းလုံး အရိုက်ခံထားရတာ ပွစိကို လန်နေတာပဲ။ အဲ့ဒီအချိန်အထိ သူ့ကို ဆေးကုမပေး ထားဘူး။

အဲ့ဒီမှာ ည ၂ နာရီလောက်မှာ ရွှေဘိုထောင်ကနေ ပြန်ထုတ်တယ်။ ပြန်ခါနီးမှ ကိုတိုးလွင်ကို ပတ်တီးတွေစည်းပြီး ကျနော်တို့နဲ့ ပြန်ထည့်ပေးလိုက်တယ်။ ကျနော်တို့ထဲက မုံရွာက ကျောင်းသားလေး တယောက်ကိုတော့ သူတို့
ရွှေဘိုထောင်မှာပဲ ထားခဲ့တယ်။ ကျနော်တို့ကို ခေါင်းစွပ်တွေ စွပ်ပြီး ကုန်ကားကြီးပေါ် တင်တယ်။ ကားပေါ်ရောက်
တော့ မျက်နှာဖုံး ပြန်ချွတ်တယ်။ ကားပေါ်မှာ မတ်တပ်မရပ်ခိုင်းပေမယ့် ပတ်ဝန်းကျင်ကို မြင်ရတော့ တံတားဦးဘက်
ရောက်နေတာ ကျနော်သိရတယ်။ အဲ့ဘက်က ရောက်နေကျဆိုတော့ ကျနော်က သိတယ်လေ။ နောက် ကျနော်တို့ကို မျက်နှာဖုံးပြန်စွပ်ပြီး နာမည်တွေခေါ်ပြီး လေယာဉ်ပေါ် တင်တယ်။

လေယာဉ်ပေါ်မှာ ကျနော်တို့က မျက်နှာဖုံးစွပ်တွေက မွန်းတယ်။ လေယာဉ်ပေါ်ကနေ ဘယ်မှလည်း ထွက်ပြေးလို့ မရပါဘူးလို့ တောင်းပန်တော့မှ မျက်နှာဖုံးစွပ်တွေ ချွတ်ပေးတယ်။ လေယာဉ်က ထိုင်ခုံတွေနဲ့ပဲ။ ဒီဘက်ထိုင်ခုံ နှစ်ခုံ ဟိုဘက်နှစ်ခုံ နှစ်တန်းပါတယ်။ လေယာဉ်မယ် ပါတယ်။ ဒီဘက်မှာ ကျနော်တို့ကို နှစ်ယောက်စီ ထားလိုက်တယ်။ ဟိုဘက်မှာက စစ် ထောက်လှမ်းရေးတွေ၊ ရဲထဲက SB တို့ ပါမယ်ထင်တယ်။ သူတို့လည်း နှစ်ယောက်စီ ထိုင်တယ်။ ကျနော်တို့ ၁၇ ယောက်ကို သူတို့ကလည်း ၁၇ ယောက် ပါတယ်။

၁ နာရီ၊ ၂ နာရီလောက် ကြာတော့ ခန္တီးကို ရောက်တယ်။ မိုးလင်းပြီ။ ခန္တီးထောင်မှာ ကျနော်တို့ နေဖို့ နေရာတွေချ တယ်။ မင်းတို့ကို ကောင်းကောင်းမွန်မွန် ကျွေးပါ့မယ် ဘာညာပြောပြီး ကျနော်တို့ကို ရွှေဘိုက ထည့်ပေးလိုက်တဲ့ အထုပ်လေးတွေတောင် သိမ်းသွားတယ်။ ကျနော် နေရတဲ့ အခန်းက ၃ ပေ၊ ၈ ပေ လောက် ရှိမယ်။ (ခန္တီးထောင်တွင် ကိုကျော်စိုးလင်း ကြုံတွေ့ ခဲ့ရသည်များမှာ စစ်အစိုးရလက်ထက် နိုင်ငံရေးအကျဉ်းသားများ ကြုံတွေ့ခဲ့ရသည့် အနေအထား များအတိုင်းဖြစ်၍ ချန်လှပ်ထားခဲ့ပါသည်။)

ခန္ဓီးထောင်မှာ ဘယ်လောက်နေခဲ့ရလဲ။

ခြောက်လ။

အဲ့ဒီခြောက်လက တရားခွင်တွေဘာတွေတင်၊ အမှုတွေဘာတွေ စစ်ပြီး ချုပ်တာလား။

တရားခွင် မတင်ဘူး။ ဒီလို မတရားချုပ်နှောင်တဲ့အပြင် မတရားဖမ်းဆီးမှုလို့လည်း ပြောရမှာပေါ့။ အဲ့ဒီမှာ ၁၅ ရက်
လောက်က စစ်ကြောရေး ဝင်ခဲ့ရတယ်။ စစ်ကြောရေးကတော့ တကယ့် ဆိုးဆိုးဝါးဝါး ငရဲခန်းပါပဲ။

စစ်ကြောရေးမှာ အဓိက ဘာတွေစစ်လဲ။

အဓိကကတော့ ကျနော်တို့က စလုပ်တာပေါ့။ ကျနော်တို့က ရိုက်တယ်ဆိုတဲ့ အကြောင်းကို ထွက် ဆိုခိုင်းတာ။ ပထမ တကြိမ် လာစစ်လည်း ကျနော် အမှန်အတိုင်းပြောတယ်။ ဒုတိယ တကြိမ်၊ တတိယ အကြိမ်လဲ အဲ့ဒီအတိုင်းပဲ ထွက်တယ်။ ကျနော်တယောက်တည်းကို လူ ၄၊ ၅၊ ၆ ယောက် လောက်က ဝိုင်းစစ်တာ။ ဒီလူ ၄၊ ၅၊ ၆ ယောက်က
လည်း အဲ့တာကိုပဲ မေးတယ်။ မနက်တခါ၊ နေ့လည်တခါ၊ ညဆိုလည်း ၇ နာရီတခါ၊ ၁၂ နာရီတခါ အဲ့လို စစ်တယ်။

ဒီပဲယင်း ဖြစ်စဉ်ကို အိပ်မက်တွေ ပြန်မက်တာမျိုး၊ ပြန်ပြီး ခံစားနေရတာမျိုး ရှိလား။

ထောင်ထဲရောက်နေတဲ့ အချိန်တုန်းကတော့ နားထဲမှာ အဲ့အဖြစ်အပျက်တွေ ကြားနေရတာမျိုး ရှိတယ်။ ကျနော်က
ဖြစ်တဲ့ နေရာမှာတုန်းက ဘာမှ မဖြစ်ခဲ့ဘူးလို့ ပြောလို့ရတယ်။ ထောင်ထဲ ရောက်မှ နှိပ်စက်ခံရတဲ့ အခါကျမှ မျက်လုံး တဘက် ထိလာတယ်။ မျက်လုံးက အားနည်း သွားတယ် ပြောရမှာပေါ့။ သွားတွေလည်း အခုထိ မကောင်းတော့ဘူး။ နားတွေလည်း သိပ် မကောင်းတော့ဘူး။ အဲ့တော့ ထောင်ထဲက အဖြစ်အပျက်တွေ အိပ်မက်လို ပြန်မက်တာတွေ ရှိတယ်။ အမြဲတမ်း အာရုံထဲမှာ ရောက်နေတာမျိုး ရှိပါတယ်။

အခုအချိန်အထိ ခံစားနေရတာကတော့ ဒီကိစ္စက အစိုးရတရပ်အနေနဲ့ လုပ်ကြံတယ်လို့ သိပေမယ့် ဘယ်သူက ဦးဆောင်ပြီးတော့ လုပ်သလဲ ဆိုတာကို။ တာဝန်ရှိတာတော့ အစိုးရမှာ တာဝန်ရှိတယ်။ အများကလည်း သိတဲ့ အနေအထားရှိတယ်။ ဒါပေမယ့် ဒီဥစ္စာကို ဘယ်သူက ဦးဆောင်ပြီးတော့ အကွက်ကျကျ စီစဉ်ပြီးတော့ လုပ်သလဲ ဆိုတာ အခုအချိန်အထိ မပေါ်ပေါက် သေးဘူး။ နောက်ပြီး လုပ်တဲ့သူတွေ ဘယ်နှစ်ယောက်၊ ဘယ်သူတွေဆိုတာ ကျနော်တို့ တိတိကျကျ ဖော်ထုတ်နိုင်စွမ်း မရှိသေးဘူး။

ကျနော့်စိတ်ထဲမှာ သူတို့ကို ပြန်ပြီး ထိခိုက်ပါစေ၊ နစ်နာပါစေ၊ ဟိုဟာဖြစ်ပါစေဆိုတဲ့ ဆန္ဒမရှိဘူး။ ဒါပေမယ့် အဖြစ်မှန်
လေးကိုတော့ ပေါ်ပေါက်စေချင်တယ်။ တနေ့ထက် တနေ့တော့ အဲ့ဒီ ခံစားချက်လေးတော့ ရှိနေတာပေါ့နော်။

ခန္တီးကနေ ပြန်လွတ်လာပြီး နောက်ပိုင်း အန်တီနဲ့ ဘယ်နှစ်ခါ ပြန်တွေ့ဖြစ်လဲ။

အန်တီ ၂ဝ၁ဝ နေအိမ်အကျယ်ချုပ်က လွတ်ပြီးတော့မှပဲ ကျနော်သွားပြန်တွေ့ဖြစ်တယ်။ အခုဆို ၇ ကြိမ်လောက်
တော့ တွေ့ပြီးပါပြီ။

အန်တီနဲ့ အဲ့ဒီတုန်းက အခြေအနေတွေ ပြန်ပြောဖြစ်လား။ အကို့ ပါဝင်မှုနဲ့ ပတ်သတ်ပြီး အန်တီက ဘာပြောသေး လဲ။

စစတွေ့ချင်းတုန်းက အန်တီက အချိန်သိပ်မရဘူး။ ထွက်လာကာစဆိုတော့ သတင်းယူတဲ့သူတွေ၊ တွေ့ချင်တဲ့ သံအမတ်တွေ၊ သံတမန်တွေ များနေပေမယ့် ကျနော့်ကို အန်တီက တော်တော်လေး အချိန်ပေး စကားပြောဖြစ်ပါ တယ်။ စစတွေ့တဲ့ အချိန်မှာ မြန်မာ့နိုင်ငံရေးဖြစ်စဉ် အခြေအနေပေါ့။ ဒါတွေကိုပဲ အဓိက ကျနော်တို့ ပြောဖြစ်ပါ တယ်။ နောက် ကျနော့်ကို ကျေးဇူးတင်တဲ့ အကြောင်းလည်း ပြောပါတယ်။ ကျနော်က ရှေ့နေတယောက် ဖြစ်နေတယ် ဆိုတော့ ရှေ့နေနဲ့ ပတ်သတ်တဲ့ အကြောင်းအရာတွေလည်း ပြောဖြစ်ပါတယ်။

အခု အခြေအနေတွေ ပြောင်းနေပြီ။ အန်တီလည်း လွှတ်တော်ထဲရောက်သွားပြီ။ ဆိုတော့ တချိန်က အန်တီနဲ့ အသက်အန္တရာယ် အတူကြုံခဲ့ဖူးတဲ့သူ အနေနဲ့ ဒီအနေအထားပေါ်မှာ ဘယ်လိုထင်လဲ။

သူတို့ကို အပြစ်ပေးတာ မပေးတာအပေါ်မှာ
ကျနော်တို့ ဘာဆန္ဒမှ မရှိပါဘူး။ အဖြစ်မှန်လေး
ကို ပေါ်လွင်စေချင်တာပေါ့ဗျာ။ နောင်သမိုင်း ကျရင် ဒါဘယ်လိုက ဘယ်လိုဖြစ်တယ်၊ ဘယ်သူတွေ စီစဉ်ခဲ့လို့ ဘယ်လိုတွေ ဖြစ်တယ် ဆိုတာကို သမိုင်းကြောင်းမှာ တရားဝင်
ပေါ်သွားစေချင်တဲ့ ဆန္ဒရှိပါတယ်။
အန်တီက လွှတ်တော်ထဲရောက်သွားပြီ။ အစိုးရနဲ့ အတိုက် အခံနဲ့ ပေါင်းပြီး အလုပ်လုပ်ရမယ်ဆိုတဲ့ အချိန်ရောက်သွား
တော့ အန်တီလည်း ပိုပြီး တာဝန်တွေ ကြီးလာတယ်လို့ ခံစားရတယ်။ ဖြစ်တဲ့ ပြဿနာတွေ အားလုံး အန်တီ့ဆီကို
တိုက်ရိုက် တိုင်တည်လာကြတယ်။ အရင်က မတိုင်
တည်ရဲ ကြဘူး။ အခုလွှတ်တော်ထဲ ရောက်ပြီဆိုတော့
အန်တီ့ကို ခေါင်းတည်ပြီး တိုင်တည်လာတာတွေ ရှိလာ တယ်။ ရောက်လာတဲ့ ပြဿနာတွေကို အန်တီက
ဖြေရှင်းပေးရတဲ့အပြင် တိုင်းပြည်ရဲ့ အပြောင်းအလဲ အတွက်လည်း ဖြေရှင်းနေရတော့ အန်တီ့အနေနဲ့ တာဝန်တွေ ပိုများလာတယ်လို့ ခံစားရပါတယ်။

ဒေါ်အောင်ဆန်းစုကြည်အတွက် နောက်ထပ် အဲ့လို အနီးကပ်တာဝန် ယူပေးချင်သေးလား။

အန်တီလွတ်ပြီးတော့ ကျနော်က ပြောပါတယ်။ အန်တီ လိုအပ်ရင် ဘယ်အချိန်ဖြစ်ဖြစ် ခေါ်ပါခိုင်းပါ ဆိုတော့ အန်တီ က ကျနော့်မှာက မိန်းမနဲ့ ကလေးနဲ့ မိသားစုနဲ့ ဖြစ်ဆိုတော့ မိသားစုကို ဂရုစိုက်ဖို့ လိုတယ်ပေါ့။ နောက် ရှေ့နေ အနေနဲ့ကော တခြားလုပ်နိုင်တာတွေ ရှိသေးတယ်ပေါ့ အဲ့လို ပြောပါတယ်။

ဒီပဲယင်းကိစ္စလို ဖြစ်ပြီးခဲ့တာတွေ ပြန်ဖော်တာ ဒီမိုကရေစီကူးပြောင်းရေးနဲ့ အမျိုးသား ပြန်လည်ရင်ကြားစေ့ရေးကို ထိခိုက်နိုင်တယ်လို့ ပြောတာတွေလည်း ရှိတယ်။ ဒီအပေါ်မှာကော ဘယ်လိုထင်လဲ။

ဒီဖြစ်ရပ်လေးက သမိုင်းပေါ့ဗျာ။ သမိုင်းအဖြစ်မှန်ပေါ့။ အခု ကျနော်တို့ကို လုပ်တဲ့သူတွေ အားလုံးက တော်တော်များ များက သက်ရှိထင်ရှား ရှိနေကြတုန်းပဲ။ သူတို့ကိုယ် သူတို့ပေါ့ဗျာ “ဟာ… ကျနော်တို့က အဲ့တုန်းက အဲ့လို ဖြစ်ခဲ့တယ်၊ အခုတော့ ကျနော်တို့က ပြောင်းလဲချင်ပြီ” ဆိုတာမျိုးပဲ ဖြစ်ဖြစ်ပေါ့ဗျာ။ သူတို့ကို အပြစ်ပေးတာ မပေးတာအပေါ်မှာ ကျနော်တို့ ဘာဆန္ဒမှ မရှိပါဘူး။ အဖြစ်မှန်လေးကို ပေါ်လွင်စေချင်တာပေါ့ဗျာ။ နောင်သမိုင်းကြရင် ဒါဘယ်လိုက ဘယ်လိုဖြစ်တယ်၊ ဘယ်သူတွေ စီစဉ်ခဲ့လို့ ဘယ်လိုတွေ ဖြစ်တယ်ဆိုတာကို သမိုင်းကြောင်းမှာ တရားဝင်
ပေါ်သွားစေချင်တဲ့ ဆန္ဒရှိပါတယ်။

ဒီပဲယင်းဖြစ်စဉ်မှာ ရိုက်ကြနှက်ကြနဲ့ ငရဲပွက်နေတဲ့အချိန် မှတ်မှတ်ရရ အဖြစ်ဆုံး အပြုအမူ ဒါမှမဟုတ် စကားလုံးက ဘာဖြစ်မလဲ။

စွဲစွဲမြဲမြဲ သတိထားမိတာက ကျနော့်အရှေ့မှာ ပြောကြဆိုကြတဲ့အချိန်မှာ “ဒါ ဒေါ်အောင်ဆန်းစုကြည် ကားနော်၊ မင်းတို့ သမိုင်းဝင်သွားမယ်” ဆိုပြီး ပြောတဲ့အချိန် သူတို့ ခဏတုန့်သွားတယ်။ နောက်ပြီးမှ “ဟာ.. ဘာပဲဖြစ်ဖြစ် ချကွာ၊ ရိုက်ရိုက်” ဆိုပြီး ဝင်ရိုက်တဲ့ အဖြစ်ကတော့ ကျနော့် စိတ်ထဲမှာ ထင်ကျန်နေတုန်းပဲ။
RNDP ညီလာခံတွင် ဖက်ဒရယ်အရေး ဆွေးနွေးမည်

နယူးဒေလီ (မဇ္ဈိမ) ။ ။ စတင်ကျင်းပလျက်ရှိသည့် ရခိုင်တိုင်းရင်းသား ဖွံ့ဖြိုး တိုးတက်ရေးပါတီ RNDP ၏ ပထမအကြိမ် ညီလာခံတွင် ဖက်ဒရယ်အရေး ထည့်သွင်း ဆွေးနွေးသွားမည် ဖြစ်ကြောင်း သိရသည်။

မြန်မာနိုင်ငံတွင် နေ့အထိ စစ်ပွဲများ၊ နိုင်ငံရေးပြဿနာများ ဖြစ်ပွားနေရခြင်းအား ဖြေရှင်းရန်အတွက် တိုင်းရင်းသား အားလုံး လက်ခံနိုင်သည့် ပြည်ထောင်စုစနစ်တခု လိုအပ်ကြောင်း RNDP ပါတီ ဥက္ကဋ္ဌ ဒေါက်တာအေးမောင်က
ပြောသည်။

“Federal အရေးနဲ့ပါတ်သက်ပြီး ကျနော်တို့ မနက်ဖြန် ဆွေးနွေးကြမယ်။ တခုတည်းသော နည်းလမ်း တကယ်စစ်မှန်ပြီး အကုန်လက်ခံနိုင်တဲ့ အနားညီ ပြည်ထောင်စုဆိုတဲ့ တိုင်းရင်းသားတွေ ညီတူညီမျှလက်ခံတဲ့ စနစ်ကြီးတခု decentralize လုပ်တဲ့ စနစ်ပဲ။ ဗဟိုချုပ်ကိုင်မှုကို လျှော့ရမယ်။ အထူးသဖြင့် တိုင်းဒေသကြီးဆိုရင်တောင်မှ ပြည်နယ် ကြီး တခုအောက်မှာရှိတဲ့ အအုပ်ချုပ်ခံ ဒေသလေးတွေဖြစ်ဖြစ် ပုံစံပြောင်းရမှာပေါ့။ ကျနော်တို့က ရှစ်ပြည်ထောင် အလေးအနက်ထားပါတယ်” ဟု ဗုဒ္ဓဟူးနေ့ ညီလာခံ ပထမနေ့ အပြီးတွင် မဇ္ဈိမကို ပြောသည်။

စစ်မှန်ပြီး အပေးအယူမျှတသည့် ပြည်ထောင်စုကို တည်ဆောက်ပါက ဘယ်လိုမှ မပြိုကွဲနိုင်ကြောင်း သူက ဆက်ပြော သည်။

“ဗမာဆိုတာလည်း ပြည်နယ်ကြီးတခု သတ်မှတ်လိုက်။ ကျနော်တို့ကတော့ ပြည်ထောင်စုကြီးကို ပြည်နယ်တွေနဲ့ ဖွဲ့ချင်တယ်။ ပြည်နယ်အသစ်တွေကလည်း သူ့အင်္ဂါအလျောက် ပေါ်လာကြမယ်” ဟု မဇ္စျိမကို ပြောသည်။

ညီလာခံပထမနေ့ကို စစ်တွေမြို့ ပညာလင်္ကာရ ကျောင်းတိုက်တွင် ကျင်းပခဲ့ပြီး သုံးရက်ကြာ ကျင်းပမည့် ပါတီ ညီလာခံတွင် ရခိုင်အမျိုးသားနေ့ သတ်မှတ်ရေး အတွက်လည်း ထည့်သွင်းဆွေးနွေးကြမည်ဖြစ်သည်။

“ကျနော်တို့က Kingdom နဲ့ နေခဲ့ကြတာပါ။ အမျိုးသားလို့ သတ်မှတ်ရင် အမျိုးသားနေ့တနေ့ ရှိရမှာပါ။ အမျိုးသား သီချင်း၊ အမျိုးသားပန်း၊ အကုန်လုံး ကမ္ဘာမှာလည်း သတ်မှတ်ကြတာပဲ” ဟု ဆိုသည်။

၁၉၇၄ ခုနှစ် မဆလ အခြေခံဥပဒေအရ ဒီဇင်္ဘာ ၁၅ ရက်နေ့ကို ရခိုင်ပြည်နယ်နေ့အဖြစ် သတ်မှတ်ခဲ့သော်လည်း သီးခြား ‘ရခိုင်အမျိုးသားနေ့’ သတ်မှတ်ရန် အတွက် ပြည်တွင်း/ပြည်ပ ရခိုင်ပညာရှင်၊ ရခိုင်နိုင်ငံရေးသမား၊ သမိုင်းပညာရှင်များ ဝိုင်းဝန်းစဉ်းစားကြရန် RNDP က ကြေညာချက်တခု ထုတ်ပြန်ဆော်သြခဲ့ဖူးသည်။

ရခိုင်လူမျိုးများ၏ သမိုင်းစတင်သည့် မာယုမင်းဆက် စသည့်နေ့၊ မြောက်ဦးနန်းတော် စတည်သည့်နေ့၊ ရခိုင်ဘုရင်နှင့် ဗမာဘုရင် နယ်ခြားစည်းခြားခဲ့သည့်နေ့၊ ဆရာတော်ဦးဥတ္တမနေ့ စသဖြင့် အဆိုအမျိုးမျိုးရှိနေကြောင်း သိရသည်။

ညီလာခံ ပထမနေ့တွင် အတွင်းရေးမှူး နိုင်ငံရေး အစီရင်ခံစာ၊ ဗဟိုကော်မတီ အစီရင်ခံစာ၊ ငွေစာရင်းနှင့် လွှတ်တော် ၃ ရပ်နှင့်ပါတ်သက်သည့်အစီရင်ခံစာများ တင်သွင်းပြီးဖြစ်ကာ ကိုယ်စားလှယ် ၂ဝဝ ခန့် တက်ရောက်ခဲ့ကြောင်း သိရသည်။

သင်းဖွဲ့ မှတ်ပုံတင်ခြင်းဆိုင်ရာ သတ်မှတ်ချက် ၃ ချက်ကို ပြင်ဆင်စေလို

မေလ ၃၀ ရက်၊ ၂၀၁၂ ၊ ဟံသာ (YPI)

သမ္မတ ဦးသိန်းစိန် အစိုးရသစ်တက်လာပြီးနောက် ထုတ်ပြန်လိုက်သည့် အသင်းအဖွဲ့များ တရားဝင်မှတ်ပုံတင်ခြင်း လုပ်ထုံးလုပ်နည်း သတ်မှတ်ချက် ၃ ချက်ကို အစိုးရအနေဖြင့် ပြင်ဆင်ပေးစေလိုကြောင်း ယနေ့ Central Hotel တွင်ကျင်းပသည့် သတင်းစာရှင်းလင်းပွဲတွင် NGO များက ပြောကြားလိုက်သည်။

အဆိုပါအချက် ၃ ချက်မှာ အသင်းအဖွဲ့မှတ်ပုံတင်ရာတွင် လုပ်ထုံးလုပ်နည်း သတ်သတ်မှတ်မှတ် မရှိသေးသည့် အချက်၊ ဒုတိယအနေဖြင့် မှတ်ပုံတင်ကြေး တနှစ်ကျပ် ၁ သိန်းကို ၅ နှစ်စာ တကြိမ် ထည်းပေးသွင်းရန် သတ်မှတ်ချက်နှင့် တတိယအချက် အနေဖြင့် မှတ်ပုံတင်ရာတွင် မြို့နယ်၊ ခရိုင်၊ တိုင်းမှ တဆင့်နေပြည်တော်အထိ သွားရခြင်းနှင့် တနေရာနှင့် တနေရာ လုပ်ထုံးလုပ်နည်းများ မတူကွဲပြားနေသည့် အချက်တို့ဖြစ်သည်။

ယခုအချက်အလက်များကို Local Resource Center (ဖွံ့ဖြိုးရေးမဏ္ဍိုင်အဖွဲ့) ဟု ခေါ်ဆိုသည့် အဖွဲ့မှ “မြန်မာနိုင်ငံတွင် လုပ်ကိုင်လျက်ရှိသည့် အရပ်ဘက် လူမှုအဖွဲ့အစည်းများ၏ လုပ်ငန်းများ လုပ်ဆောင်နိုင်သည့် အခြေအနေများနှင့် အခွင့်အလမ်းများ ဆန်းစစ်ခြင်း” ဆိုသည့် ခေါင်းစဉ်ဖြင့် ပြီးခဲ့သည့် နိုဝင်ဘာလမှစ၍ သုတေသနပြုလုပ်ပြီးနောက် ထုတ်ပြန်လိုက်ခြင်းဖြစ်သည်။

ယင်းအဖွဲ့က ပြည်တွင်းအဖွဲ့အစည်းပေါင်း လေးဆယ်ကျော် ငါးဆယ်ခန့်ကို တွေ့ဆုံမေးမြန်း၍ ယခုကောက်ချက်ကို ထုတ်ပြန် လိုက်ခြင်းဖြစ်သည်။

ယင်းအဖွဲ့၏ ဒါရိုက်တာ ဒေါ်နီလာမြိုင်က “ကျွန်မတို့နိုင်ငံမှာလက်ရှိ ကိုယ့်ဗိုက်ဆံနဲ့ကိုယ်လုပ်နေတဲ့ ပြည်တွင်း အသင်းအဖွဲ့တွေပေါ့ သွေးလှူတဲ့အဖွဲ့တို့ ကိုယ့်ဟာကိုယ်စာလိုက်သင်နေတဲ့အဖွဲ့ တွေပေါ့၊ အဲဒီလိုအဖွဲ့တွေနဲ့ ပတ်သတ်ပြီး ရှင်းလင်းတိကျတဲ့လမ်းညွှန်မှုမရှိဘူး။ အခုတချို့နေ ရာတွေမှာ အာဏာပိုင်တွေက အဲဒီအဖွဲ့တွေ လည်းမှတ်ပုံတင်ဖို့လိုတယ် လို့ပြောတယ်” ဟု စေတနာ့ဝန်ထမ်း ကူညီသည့်အဖွဲ့များလည်း အခက်အခဲ ကြုံရနိုင်ပုံကို ရှင်းလင်း ပြောဆိုသည်။

ယနေ့ သတင်းစာရှင်းလင်းပွဲသို့ လေ့လာသူအနေဖြင့် တက်ရောက်သူ ၈၈ မျိုးဆက် ကျောင်းသား ခေါင်းဆောင် ဦးကိုကိုကြီး က “အရင်ဆုံး ကိုယ်တိုင်ခံဝန်ချက်ကို တွေ့လိုက်တော့ NGO အဖွဲ့အစည်း ရဲ့ ဥက္ကဋ္ဌ တာဝန်မှအပ မည်သည့်နိုင်ငံရေးမှမလုပ်ပါ ဆိုတာတွေ့ပါတယ် ဒီစကားရပ်က ကျယ်ဝန်း ပါတယ်၊ နိုင်ငံရေးဆိုတာ ဘာကိုဆိုလိုတာလဲ နိုင်ငံရေးလို့ပြောရင် ဘယ်လို နိုင်ငံရေးမှမလုပ်ပါဆိုတဲ့ သဘောသက်ရောက်ပါတယ်။ နောက်တပိုဒ်က ပါတီနိုင်ငံရေးနှင့်ကင်းရှင်းကြောင်း ပါပါတယ် ၊ကျွန်တော်တို့ကလက်ရှိ တည်ဆဲအစိုးရရဲ့ဥပဒေဘောင်ထဲမှာ ဘယ်လိုရပ်တည်ဆောင်ရွက်နိုင်မလဲလို့ လာပြီးလေ့လာတဲ့သူ အနေနဲ့ တော်တော်ကြီးကို စိတ်ပျက်စရာ အခြေအနေနဲ့ကြုံတွေ့နေရပါတယ်” ဟုဆိုသည်။

လက်ရှိမှတ်ပုံတင် လုပ်ထုံးလုပ်နည်းတွင် ရပ်ရွာအခြေပြု၍ လုပ်အားဖြင့်ဖြစ်စေ ၊ ငွေကြေးဖြစ်ဖြစ်စေ၊ ပရဟိတ လုပ်ငန်းများ လုပ်ကိုင်နေသည့် အဖွဲ့အစည်းများ ၊ ဒီမိုကရေစီဖော်ဆောင်ရာတွင် အရေးကြီး သည့်အခန်းကဏ္ဍတွင် ပါဝင်သည့် ပြည်သူ့နီတိသင်တန်းများ၊ လူ့အခွင့်အရေးဆိုင်ရာသင်တန်းများ လုပ်ကိုင်နေသည့် အဖွဲ့အစည်းများ၊ လူမှုကွန်ရက်များ အနေဖြင့် တရားဝင်မှတ်ပုံတင်ရန် လိုအပ်သည့် လမ်းညွှန်မထားသည်ကို တွေ့ရသဖြင့် မြန်မာနိုင်ငံတွင်လက်ရှိလုပ်ကိုင်နေသည့် အသင်းအဖွဲ့ အားလုံး နှင့် အကျုံးဝင်သည့် မှတ်ပုံတင် လုပ်ထုံးလုပ်နည်း တရပ် ချပေးရန်လည်း ထုတ်ပြန်ချက်တွင် အကြံပြု ထားသည်။

ယခု သတ်မှတ်လိုက်သည့် အသင်းအဖွဲ့ များ တရားဝင်မှတ်ပုံတင်ကြေးနှင့်ပတ်သက်၍ မန္တလေး အခြေ စိုက်ဗြဟ္မစိုရ် လူမှုကူညီမှု အသင်းမှ ဒေါက်တာ ၀င်းမြင့်က “ကျွန်တော်တို့ ၂၀၀၁ ခုနှစ်က မှတ်ပုံတင် ကြေးက ကျပ်တစ်ရာ သတ်မှတ်တယ် အခုခေတ်အခြေအနေအရဆိုရင်တော့ ကျပ်တစ်သောင်း လောက်က အများ လုပ်သာကိုင်သာမယ့် ပမာဏဖြစ်မယ်လို့ ယူဆပါတယ် နောက်မှတ်ပုံတင်ကြေး က တနှစ်တခါထမ်းဆောင်ခြင်းဟာ နည်းမှန်လမ်းမှန်ဖြစ်တယ်လို့ ယုံကြည်ပါတယ်”ဟုပြောသည်။

အစိုးရသစ်က ထုတ်ပြန်လိုက်သည့် အသင်းအဖွဲ့များတရားဝင်မှတ်ပုံတင်သည့် ဥပဒေမှာ ၁၉၈၉ ခုနှစ် က ပြဋ္ဌာန်းခဲ့သည့် ဥပဒေကိုအခြေခံထားသည်ဟု သိရသည်။

အသင်းအဖွဲ့များမှတ်ပုံပင်ခြင်းကို မည်သည့်အချိန်ကာလတွင် နောက်ဆုံးထားရမည်ဟု သတ်မှတ် မထားသော်လည်း ဦးဝင်းမြင့်က ၎င်းတို့ကို အာဏာပိုင်များလာရောက်အသိပေးသည့် အချိန်တွင် တလအတွင်း လုပ်ရမည်ဟု ဆိုကြောင်းပြောသည်။

အထက်ပါအကြုံပြုချက် ၃ ချက်ကိုနေပြည်တော်တွင် ရှိသည့် ပြည်ထဲရေးဝန်ကြီးဋ္ဌာန၊ အဆိုပါဌာန လက်အောက်ရှိ အထွေထွေအုပ်ချုပ်ရေးဦးစီးဌာန၊ အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက် မှုဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဋ္ဌာ နတို့အား ယခုအကြံပြုချက်များကို ဝေငှသွားမည်ဟုဆိုသည်။ ။

ဆန္ဒပြမှုများတွင် ပါတီများမပတ်သက်ရန် ခေါ်ယူသတိပေး

By , on May 30, 2012 4:23 pm

လျှပ်စစ်မီး ရရှိရေးနှင့်လုပ်အားခ တိုးမြှင့်ရရှိရေးအတွက် ဆန္ဒပြတောင်းဆိုနေကြသည့် လူထုလှုပ်ရှားမှု များ၌ နိုင်ငံရေးပါတီ များ ပါဝင် ပတ်သက်ခြင်း မပြုရန် ပြည်ထောင်စုရွေးကောက်ပွဲကော်မရှင်က သတိပေး လိုက်သည်။
ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေး (ဓာတ်ပုံ - Reuters)
နိုင်ငံရေးပါတီများသည် ဖွဲ့စည်းပုံအခြေခံဥပဒေနှင့် တည်ဆဲ ဥပဒေများကို လေးစားလိုက်နာပါမည်ဟု ၀န်ခံကတိပြုထားပြီး ဖြစ်ကြောင်း၊ ထိုဝန်ခံချက်အား ပါတီဝင် တဦးဦးက ချိုးဖောက်လျှင် ၎င်းအား ပါတီဝင် အဖြစ်မှ ထုတ်ပယ်နိုင်ကြောင်း ကော်မရှင် ဥက္ကဋ္ဌ ဦးတင်အေးက ပါတီများနှင့်တွေ့ဆုံစဉ် ပြောဆိုခဲ့သည်ဟု ယနေ့ထုတ် နိုင်ငံပိုင် သတင်းစာများ၌ ရေးသားထားသည်။
အမျိုးသား ဒီမိုကရေစီအဖွဲ့ချုပ် (NLD)၊ အမျိုးသား ဒီမိုကရေစီ အင်အားစု (NDF)၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ပြည်ထောင်စု မြန်မာနိုင်ငံ အမျိုးသား နိုင်ငံရေးအဖွဲ့ချုပ်၊ ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ) စသည့် ပါတီများ ကို နေပြည်တော်သို့ ယမန်နေ့က ခေါ်ယူတွေ့ဆုံ ရှင်းလင်းခဲ့ခြင်း ဖြစ်သည်။
ယမန်နေ့က တွေ့ဆုံပွဲတွင် ဖွဲ့စည်းပုံ၌ ပါဝင်သည့် မူဝါဒများကို ဖတ်ပြကြောင်း၊ လက်ရှိဆန္ဒပြမှုများ၌ ပါတီတချို့ပါဝင် ပတ်သက်သည်ဟု တိုင်ထားကြကြောင်းနှင့် မဖြစ်နိုင်သည့်အရာများကို ပါတီများအနေဖြင့် တွန်းအားမပေးကြရန် ဦးတင်အေး ရှင်းပြကြောင်း NDF ပါတီ၏ ဗဟိုအဖွဲ့ဝင်နှင့် ပြည်သူ့လွှတ်တော် ကိုယ်စားလှယ် တဦးဖြစ်သူ ဦးစိုးဝင်းက ဧရာဝတီကို ပြောသည်။
၎င်းက “စက်ရုံ၊ အလုပ်ရုံ ၂၀ လောက်ဆန္ဒပြနေကြတာမှာ ၁၃ ရုံလောက်က ညှိနှိုင်းလို့ရပြီ၊ ၄ ရုံကတော့ နိုင်ငံရေးပါတီတွေက အားပေးနေတဲ့အတွက် ညှိမရ ဖြစ်နေတယ်ဆိုပြီး တိုင်တာတွေရှိတယ်၊ အဲဒီအထဲမှာ နာမည်ထုတ်ပြောတာက NLD၊ NDF တို့ ပါနေတယ်” ဟု ဆိုသည်။
နိုင်ငံရေးပါတီများသည် ပြည်သူ့ ကိုယ်စားပြုဖွဲ့စည်းထားသည့် အဖွဲ့အစည်းဖြစ်သည့်အတွက် ပြည်သူတို့၏ အခက်အခဲများကို ကူညီဖြေရှင်းပေးရန် တာဝန်ရှိကြောင်း၊ အလုပ်သမားရော၊ အလုပ်ရှင်ပါ ပြည်သူများဖြစ်သည့်တိုင် ဒုက္ခအခက်အခဲ ခံစားနေရ
သူများမှာ အလုပ်သမားများသာ ဖြစ်ကြောင်း ဦးစိုးဝင်းက ပြောသည်။
“ကျနော်ကိုယ်တိုင် လွှတ်တော် ကိုယ်စားလှယ် တယောက်အနေနဲ့ အလုပ်သမားတွေနဲ့ တွေ့ဖို့ရှိပါတယ်။ သူတို့ကို ဘာလုပ်ပေးနိုင်မလဲပေါ့။ လွှတ်တော် အနေနဲ့လည်း ဖြေရှင်းပေးဖို့ လိုတာပေါ့” ဟု သူက ဆက်ပြောသည်။
နိုင်ငံရေးပါတီများသည် ဥပဒေ ပုဒ်မ ၄၀၄ (ခ) အရ “နိုင်ငံတော်၏ ကျေးဇူးသစ္စာကို စောင့်သိရိုသေရမည်” ဆိုသည့်အချက်နှင့် ပုဒ်မ ၄၀၅ (ခ) ၌ ပါဝင်သော “ဤဖွဲ့ စည်းပုံ အခြေခံဥပဒေနှင့် တည်ဆဲဥပဒေများကို လေးစားလိုက်နာမည်” ဟု ပါတီ မှတ်ပုံတင်စဉ်ကပင် ၀န်ခံကတိ လက်မှတ်ထိုးပြီး ဖြစ်ကြောင်း၊ ၀န်ခံချက်အား ချိုးဖောက်လျှင် ပါတီမှ ထုတ်ပယ်သည်အထိ အရေးယူနိုင်ကြောင်း ဦးတင်အေးက ဆိုသည်။
လျှပ်စစ်မီး ပြဿနာသည် ယခုမှ ဖြစ်ပေါ်လာခြင်း မဟုတ်ကြောင်း၊ ထိုကိစ္စအား အစိုးရသတင်းစာများက ကျယ်ကျယ်ပြန့်ပြန့် ဖော်ပြမပေးဘဲ သတင်းထိန်ချန် ထားကြောင်း စသည့် ကိစ္စတို့ကို ပြန်လည်ဆွေးနွေးခဲ့သည်ဟု NLD ပါတီ၏ ပြောခွင့်ရသူနှင့် လွှတ်တော်ကိုယ်စားလှယ် ဦးအုန်းကြိုင်က ပြောသည်။
၎င်းက “မီးပြဿနာက ကြာပြီ၊ ဒါကို အဓိက ဖြေရှင်းပေးဖို့ တာဝန်က အစိုးရဖြစ်တယ်၊ အစိုးရ သတင်းစာတွေကလည်း သ တင်းတွေ အမှောင်ချထားတော့ အကြောင်းစုံကို အခု ခေါ်ပြောတော့မှပဲ ကျနော်တို့က သိရတာပါ” ဟု ဆိုသည်။
မိမိတို့၏ လိုအပ်ချက်များ တောင်းဆိုခြင်းသည် ပြည်သူတို့၏ လွတ်လပ်ခွင့်ဖြစ်ကြောင်း၊ ပြည်သူတို့၏ လွတ်လပ်ခွင့် အား ကာကွယ်ပေးရေး တာဝန်သည် ၎င်းတို့ပါတီ၏ အခြေခံမူပင် ဖြစ်ကြောင်း ဦးအုန်းကြိုင်က ပြောသည်။
လူထု ဆန္ဒပြပွဲများသည် ရန်ကုန်၊ မန္တလေး၊ ပြည်၊ မုံရွာ၊ ပုသိမ် စသည့် ဒေသများ၌ ဆက်တိုက်ဖြစ်ပေါ်နေပြီး တပြည်လုံး အုံကြွမှု ဖြစ်လာမည့်အရေးကို အစိုးရ အာဏာပိုင်များက စိုးရိမ်လျှက် ရှိသည်။ မှော်ဘီမြို့နယ် သံမဏိစက်ရုံမှ အစာငတ်ခံ ဆန္ဒပြသည့် အလုပ်သမား တချို့ကိုလည်း ဆေးရုံသို့ ပို့ဆောင်ခဲ့ရသည်။
မြန်မာနိုင်ငံသည် ဒီမိုကရေစီ အသွင်ကူးပြောင်းစ၊ နုနယ်သော ကာလတွင် လိုအပ်ချက်များ ရှိမည်ဖြစ်ကြောင်း၊ နိုင်ငံတကာ၏ စီးပွားရေး ပိတ်ဆို့မှုများ ရုပ်သိမ်းပြီး နိုင်ငံရေးဖြစ်ပေါ် တိုးတက်မှု ပူးပေါင်းဆောင်ရွက်နေသည့် ကာလတွင် မလိုလားအပ်သော
ဆူပူအကြမ်းဖက်မှုကြောင့် တုံ့နှေးသွားမည့် အခြေအနေမျိုး မဖြစ်ရန် အလေးထားဖို့ လိုကြောင်း ဦးတင်အေးက ဆိုသည်။
ဦးတင်အေးက “မဖြစ်နိုင်သေးတာတွေကို ဆန္ဒစော အတင်းတွန်းအားပေး ဆောင်ရွက်ခြင်းဖြင့် မိမိအတွက်ရော နိုင်ငံအ တွက်ပါ အကျိုးမရှိ၊ မလိုလားအပ်တဲ့ ဆူပူမှုတွေ ဖြစ်လာရင် နိုင်ငံတော် တည်ငြိမ်အေးချမ်းရေး ကိုထိခိုက်စေတယ်” ဟု
ဆိုကြောင်း သတင်းစာများ၌ ဖော်ပြထားသည်။
နိုင်ငံရေးပါတီများနှင့် တွေ့ဆုံ ရှင်းလင်းရာတွင် ဦးတင်အေးနှင့်အတူ အမှတ် ၂ လျှပ်စစ်ဝန်ကြီးဌာန ဒုဝန်ကြီး ဦးအောင်သန်းဦး၊ အလုပ်သမား ဒု ၀န်ကြီး ဦးမြင့်သိန်းတို့ကလည်း လက်ရှိ ဆန္ဒပြမှု အခြေအနေများ၊ ၎င်းတို့ဌာနများမှ ဖြေရှင်းပေးနေသည့် အခြေအနေများ၊ အခက်အခဲများကို ရှင်းလင်းပြခဲ့ကြကြောင်း ပါတီ ခေါင်းဆောင်များက ပြောသည်။
အစိုးရ အာဏာပိုင်တို့၏ ခေါ်ယူဆွေးနွေး အသိပေးခြင်းသည် ၎င်းတို့၏ မူဝါဒကို ထုတ်ဖော်ပြောဆိုခြင်း ဖြစ်ပြီး ပြည်သူတို့၏ အခက်အခဲများကို ကူညီဖြေရှင်းပေးရေး ကိစ္စသည် နိုင်ငံရေးပါတီများ၏ မူဝါဒ ဖြစ်ကြောင်းလည်း နိုင်ငံရေး ပါတီများက ဆို သည်။

၈၈ အများစု NGO လုပ်လိုသော်လည်း ဥပဒေက ကန့်သတ်ထားဟု ကိုကိုကြီးပြော


ရန်ကုန် (မဇ္ဈိမ) ။ ။ ၈၈ မျိုးဆက် ကျောင်းသား ခေါင်းဆောင်များအနေနှင့် NGO အဖွဲ့အစည်း သီးသန့်ထူထောင်၍ အမျိုးသားရေး ဆက်လက်လုပ်ဆောင်လိုကြသော်လည်း တည်ဆဲဥပဒေများကြောင့် အဟန့်အတားဖြစ်နေရကြောင်း ကိုကိုကြီး က ပြောသည်။

အသင်းအဖွဲ့ထူထောင်ရေး ဥပဒေ အရ ၎င်းတို့ကဲ့သို့ နှစ်ရှည်နိုင်ငံရေး အကျဉ်းသားဟောင်းများအတွက် ပိတ်ပင်တားဆီး ထားကြောင်း ရန်ကုန်မြို့ စင်ထရယ်ဟိုတယ်တွင် ပြုလုပ်သည့် သဘာဝပတ်ဝန်းကျင် ထိန်းသိမ်းရေးနှင့် ပတ်သက် သည့် အခမ်းအနား တခုတွင် ကျောင်းသားခေါင်းဆောင် ကိုကိုကြီး က ပြောကြားသွားခြင်း ဖြစ်သည်။

“တရားဝင် အသင်းအဖွဲ့အနေနဲ့ လုပ်သွားမှာပါ။ ဒါပေမယ့်
kokogyi
NGO အဖွဲ့အစည်း သီးသန့်ထူထောင်၍ အမျိုးသားရေး ဆက်လက် လုပ်ဆောင်လိုကြသော်လည်း တည်ဆဲဥပဒေများကြောင့် အဟန့်အတားဖြစ်နေရကြောင်း ကိုကိုကြီး က ပြော (ဓါတ်ပုံ မဇ္ဈိမ)
လက်ရှိချထားတဲ့ အသင်းအဖွဲ့ ထူထောင်ရေး ဥပဒေတွေ
က ကျနော်တို့လို လူမျိုးတွေကို ပါဝင်ခွင့်မရှိအောင် တားထားသလိုပဲ။ အသင်းအဖွဲ့တခု ဖွဲ့ရင် ဘယ်လို
နိုင်ငံရေးမှ မလုပ်တဲ့ သူ ဖြစ်ရမယ်။ နောက်တခုက တည်ဆဲဥပဒေတွေနဲ့ မငြိစွန်းသူ ဖြစ်ရမယ် ဆိုတော့
ဒါဟာ ကျနော်တို့ကိုများ ရည်ရွယ် ထုတ်ထားသလားလို့
အောက်မေ့ရတယ်။ တော်တော် စိတ်ပျက်ဖို့ ကောင်းပါ
တယ်။ မည်သည့် နိုင်ငံရေးမှ မလုပ်ပါ ဆိုတာကလည်း ဘယ်လို နိုင်ငံရေးကို ဆိုလိုတာလဲ။ ကျနော်တို့လို
နှစ်ရှည်နေပြီး ထွက်လာသူတွေက ဒီ မြန်မာ့ လူ့အဖွဲ့
အစည်းထဲ ဝင်ဖို့ ထပ်ကန့်သတ်ခံထားရသလိုပဲ” ဟု
ပြောသည်။

၁၉၈၈ မှစ၍ မြန်မာ့နိုင်ငံရေးလောကတွင် ကျင်လည်
ခဲ့ကြသည့် ၈၈ မျိုးဆက် ကျောင်းသားအချို့သာ ပါတီ
နိုင်ငံရေး လောကတွင်းသို့ ဝင်ရောက်မှာဖြစ်ပြီး အများစု
မှာ NGO လောကတွင်းသို့ ဝင်ရောက်ကြမည် ဖြစ်ကြောင်း
၎င်းက ဆက်ပြောသည်။

“ကျနော်တို့က ၈၈ တည်းက နိုင်ငံရေးနယ်ပယ်ထဲမှာ ကျင်လည်ခဲ့တယ်။ သူများလို ဘောပင်တောင်း၊ စာအုပ်တောင်း လည်း လုပ်လာတာ မဟုတ်ဘူး။ ဒါပေမယ့် အသက်အရွယ်နဲ့ ခေတ်စနစ်အရ ပါတီနိုင်ငံရေးကို အရမ်း စိတ်ဓါတ်ပြင်းသူတွေလောက်ပဲ လုပ်ဖြစ်မယ်။ အများစုက ပါတီနိုင်ငံရေးထက် အမျိုးသား နိုင်ငံရေးကိုပဲ လုပ်သွားဖို့ များတယ်။ NGO လို အသင်းတခုအနေနဲ့ ဆက်ရှိသွားမှာပါ” ဟု ပြောသည်။

သို့ရာတွင် မည်သူများက ပါတီနိုင်ငံရေး လုပ်ဆောင်သွားမည် ဆိုသည့်အချက်ကိုမူ ထုတ်ဖော် ပြောကြားသွားခြင်း မရှိချေ။

“ဒီအပိုင်းက ပြောဖို့ စောသေးတယ်။ အခု လွှတ်တော်နဲ့ ပူးပေါင်းဆောင်ရွက်ဖို့ လုပ်နေတယ်။ ဒီထဲကို ကျနော်တို့
ပြောချင်တာကို ပြောနိုင်အောင် ဆောင်ရွက်နေတယ်။ နောက်ပိုင်း နိုင်ငံရေးစိတ်သန်တဲ့ အချို့ကလည်း အဲဒီထဲ သွားဖို့ ပြင်မှာပါ။ ဒါ အဖွဲ့ကွဲတာ မဟုတ်ဘူး။ ဒီလိုမျိုး ပါတီနိုင်ငံရေး မလုပ်ပေမယ့် အမျိုးသားနိုင်ငံရေးတော့ လုပ်မှာပါ။ ရပ်တည်မှု ကွဲတယ်ထင်ပေမယ့် မကွဲပါဘူး” ဟု ပြောသည်။

NGO လုပ်ငန်းနှင့် ပတ်သတ်၍ လေ့လာမှုများ လုပ်ဆောင်နေကြောင်း “လက်ရှိ NGO ဆိုတာကို နားမလည်ကြသေး ဘူး။ NGO ဆိုရင် ဝန်ဆောင်မှုပေးတာလို့ပဲ ထင်နေကြတော့ ဒါကို သေသေချာချာလေးလုပ်ပြီး ဥပဒေပါ အချက်တွေ ကို ပြင်ဖို့ တိုက်တွန်းသွားမှာပါ။ ဒီဥပဒေဟာ အမှောင်ကာလလို့ သတ်မှတ်ထားတဲ့ ၁၉၆၂ နောက်ပိုင်း ထုတ်ပြန်ထားတဲ့ ဥပဒေပါ” ဟု ကိုကိုကြီး က ပြောသည်။

လူမှုရေးလုပ်ငန်း လုပ်ကိုင်နေသည့် အဖွဲ့အစည်းများနှင့် ပတ်သက်ပြီး ဥပဒေသစ်တရပ် ပေါ်ထွက်ရန် လိုအပ်နေပြီ
ဖြစ်ကြောင်း ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောဆိုသွားသည်။
ဒီပဲယင်းကြေညာချက်

 ဒီပဲယင်း တိုက်ခိုက်မှု ( ၉ )နှစ်ပြည့်ပြီ တာန်ရှိသူတွေကိုအရေးမယူ သေးသလိုဒီပဲယင်းလုပ်ကြံခံရမှုမှာကိုယ်တွေကြုံခဲ့ရတဲ့ ပုဂ္ဂိုတွေ အသက် ခန္တာပေးဆက် လိုက်ရသူတွေအတွက်ဘာမှမပြောကြတော့ဘူးလား




ဒီပဲယင်း တိုက်ခိုက်မှုအပြီး ရန်ကုန် အခြေစိုက် အမေရိကန်သံရုံး သွားရောက် အကဲခတ်
 ရိုက်ကူးခဲ့စဉ်ထပ်ဆင့် ဖြန့်ဝေရန်
Digg
Facebook
StumbleUpon
Yahoo! Buzz
del.icio.us
"ဒီကနေ့အထိ အဲဒီကိစ္စကြီးကို စုံစမ်းတယ်လို့ လုံးဝ မသိရဘူး။ စုံစမ်းတယ်ဆိုရင်လည်း ပြည်သူတွေကို အသိမပေးတဲ့ စုံစမ်းမှုဘဲ။ ဒါဟာ မဖြစ်သင့်ဘူးလို့ ထင်ပါတယ်။"
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ရဲ့ စည်းရုံးရေး ခရီးစဉ်ကို တိုက်ခိုက်ခံခဲ့ရတာ ဒီကနေ့ဆိုရင် ၉ နှစ်တင်းတင်း ပြည့်လာခဲ့ပေမဲ့ တာဝန်ရှိသူတွေကို အရေးယူတာမျိုး မရှိပဲ၊ နစ်နာသူတွေသာ အရေးယူခံရတဲ့ အဖြစ်တွေနဲ့ ကြုံခဲ့ရတယ်လို့ သူ့ရဲ့ အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပါတီက ပြောပါတယ်။ လွန်ခဲ့တဲ့ ၂၀၀၃ ခုနှစ် မေလ ၃၀ ရက်နေ့က စစ်ကိုင်းတိုင်း ဒီပဲယင်းမြို့နားမှာ စစ်အစိုးရ ကျော ထောက် နောက်ခံ ပေးထားသူတွေရဲ့ တိုက်ခိုက်မှုအတွင်း သေကျေထိခိုက်ခဲ့ရသူတွေအတွက် ဒီကနေ့ အောက်မေ့ဖွယ် အခမ်းအနားတွေ ပြုလုပ်နေချိန်မှာ အခုလို ပြောဆိုခဲ့ကြတာပါ။ အကြောင်းစုံကိုတော့ ဗွီအိုအေ ထိုင်းအခြေစိုက် သတင်းထောက် မအေးအေးမာ က ပြီးခဲ့တဲ့(၇)နှစ်မြောက်ကတင်ပြထားပါတယ်။

အခုလိုမျိုး ဒီပဲယင်း လုပ်ကြံသတ်ဖြတ်မူကြီးကို ကျူးလွန်ခဲ့တာကို ဥပဒေကြောင်းအရ အရေးယူဆောင်ရွက်တာမျိုးတွေ လုပ်သင့်တယ်၊ ဒီလို မလုပ်ခဲ့တဲ့အတွက် နောက် ဆက်တွဲအဖြစ် ကျူးလွန်သူတွေက သူတို့လုပ်ရပ်မှန်တယ်ဆိုပြီး လို့ထင်မြင်  ယူဆသွား တာဟာ မြန်မာ့သမိုင်းမှာ မကောင်းတဲ့ လက္ခဏာတရပ်အဖြစ် အမျိုးသားဒီမို ကရေစီ အဖွဲချုပ်က ပြောဆိုလိုက်ပါတယ်။ ပြောရေးဆိုခွင့်ရှိသူ ဦးဥာဏ်ဝင်း ပြောပြတာကတော့…
“အန်ကယ်ပြောမှာကတော့ ဥပဒေအရပေါ့နော်။ လူသေတယ်၊ လူသေတယ်ဆိုတာကို အစိုးရကိုယ်တိုင် ကြေညာတယ်လေ၊ လူ ၄ ယောက်။ ဒီထက်မကလည်း သတင်းတွေက အများကြီးပြောတယ်။ အဲဒီတော့ ဘယ်လိုပဲဖြစ်ဖြစ်၊ အဲဒီဟာတွေက သေမှုသေခင်းတွေ ဖွင့်ပြီးတော့ အရေးယူရတယ်၊ စုံစမ်းရတယ်။ အန်ကယ်တို့ ဒီကနေ့အထိ အဲဒီကိစ္စကြီးကို စုံစမ်းတယ်လို့ လုံးဝ မသိရဘူး။ စုံစမ်းတယ်ဆိုရင်လည်း ပြည်သူတွေကို အသိမပေးတဲ့ စုံစမ်းမှုဘဲ။ ဒါဟာ မဖြစ်သင့်ဘူးလို့ ထင်ပါတယ်။ ဒီဥစ္စာက ဘာကို ပြနေသလဲဆိုတော့ ဒီလို အရေးမယူတဲ့ အတွက် ဒီလိုလုပ်တာဟာ မှန်တယ်လို့ အဲဒီအခိုင်းခံရတဲ့ ပုဂ္ဂိုလ်တွေ
ကိုယ်တိုင် အမှားတွေကို အမှန်ထင်နေကြမယ်လေ။ ဒါဟာ သမိုင်း အစဉ်အလာအတွက် မကောင်းဘူး။ နောင်အတွက်လည်း မကောင်းဘူး။”
ဒီပဲယင်း လုပ်ကြံမူကြီးကို ပြန်လည်အမှတ်ရစေတဲ့ပွဲတွေကိုပြီးခဲ့တဲ့(၇)နှစ်မြောက်က ပြည်တွင်းမှာတော့ ရန်ကုန်တိုင်း၊ မကွေးတိုင်း၊ ပဲခူးတိုင်း မန္တလေးတိုင်းက မြို့နယ် ၂၀လောက် စုစည်းပြီး မိထ္တီလာခရိုင်မှာ ပူးပေါင်းကျင်းပခဲ့ကြပါတယ်။ မိထ္တီလာခရိုင် အတွင်းရေးမှူး ဒေါ်မြင့်မြင့်အေး ပြောပြတာကတော့… “မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နဲ့ နောက်လိုက်နောက်ပါ ဒီမိုကရေစီ အင်အားစုကြီးကို အကြမ်းဖက် ရိုက်နှက် သတ်ဖြတ်ခြင်း ခံခဲ့ရတဲ့အတွက် ဒီကနေ့ အဲဒီနေ့မှာ ကျဆုံးသွားခဲ့ကြတဲ့ ရဟန်းရှင်လူ၊ ကျောင်းသားနဲ့ ပြည်သူလူထု၊ ဒီမိုကရေစီ တိုက်ပွဲဝင် သူရဲကောင်းတွေကို ရည်စူးပြီးတော့ ကောင်းရာသုဂတိလားဖို့အတွက် ဆွမ်းကပ်ပါတယ်။”

ဒီပွဲကို ဒီပဲယင်းလုပ်ကြံ သတ်ဖြတ်ခံရမှုမှာ ကိုယ်တွေ့ကြုံခဲ့ရတဲ့သူ ၅ ဦးလည်း တက်ရောက်ခဲ့ကြပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် စီးနင်းလာတဲ့ကားကိုမောင်းခဲ့တဲ့ အန်အယ်ဒီ လူငယ် ကိုကျော်စိုးလင်းကတော့ အဲဒီအချိန်က ဒေါ်အောင်ဆန်းစုကြည် ကိုလုပ်ကြံသတ်ဖြတ်ကြမဲ့ လူအုပ်ကြီး အဆင့်ဆင့်ကို ကျော်ပြီး ဒေါ်အောင်ဆန်းစုကြည်ရဲ့ အသက်ဘေးက လွတ်မြောက်အောင် သူ့အနေနဲ့ စဉ်းစားဆုံးဖြတ် လုပ်ကိုင်လိုက်တာဖြစ်ကြောင်း အခုလို ပြန်ပြောင်းပြောပြပါတယ် ။
“ဘာပဲဖြစ်ဖြစ်ပေါ့ ရိုက်ကွာဆိုပြီးတော့ ဘဘဦးတင်ဦး ကိုလည်း ရိုက်တယ်။ ကျနော်တို့ အဖွဲ့က လူငယ်တွေကိုလည်း အကုန်ရိုက်တယ်။ ကျနော်တို့ ကားကိုလည်း မှန်တွေပေါ့နော် ညာဘက်က မှန်ကိုလည်းရိုက်တယ်၊ နောက်ကြည့်မှန်တွေလည်း အကုန်ရိုက်တယ်။
 ရိုက်တဲ့အခါမှာ ကျနော်က စိတ်ထဲမှာပေါ့နော် အန်တီအနေနဲ့ ကျနော်ကြည့်လိုက်တဲ့အခါ
ရိုက်ခံရတဲ့လူတွေကို ထားပြီးတော့ ပြေးရရင်လည်း သူတို့ အပြောခံရမယ်လေ။ မသွားနဲ့လို့ ပြောရင်လည်း အန်တီအနေနဲ့ အကုန်လုံးကို အသေသတ်ရာကျမယ်။ အဲဒီလို ဆုံးဖြတ်ရ ခက်တဲ့အခါမှာ၊ ကျနော့်ဖာသာ ကျနော် ကားစတီယာရင် လှည့်လို့မရအောင် ဘယ်အချိန်က ထိုးထည့်ထားလည်းမသိဘူး၊ ဒါပေမဲ့ နောက်ဆုတ်လိုက်တော့ အဲဒီဟာက ကျိုးသွားတယ်။ အဲဒီကနေမှ မောင်းလို့လွတ်သွားတယ် ။”
ဒီပဲယင်း တိုက်ခိုက်မှု မတိုင်မီ ဒေါ်အောင်ဆန်းစုကြည် စည်းရုံးရေး ခရီးစဉ်မှာ အနှောက် အယှက်တွေနဲ့ ကြုံခဲ့ရတာပါ ။
ဒီပဲယင်းမှာလုပ်ကြံသတ်ဖြတ် ခံရသူတွေအတွက် ဆွမ်းကျွေးအလှူဒါနပြုမူတွေကို ကရင်ပြည်နယ်က ဖားအံ၊ ရခိုင်ပြည်နယ် တောင်ကုတ်၊ ကချင်ပြည်နယ် မိုးကောင်း၊ ပဲခူးတိုင်း မင်းလှ၊ တောင်ငူ၊ သာယာဝတီ၊ ဇီးကုန်း၊ ရန်ကုန်တိုင်းမှာတော့ တောင်ဥက္ကလာ၊ သင်္ကန်းကျွန်း၊ ဗဟန်း၊ တာမွေ စတဲ့နေရာတွေက ဘုန်းတော်ကြီးကျောင်းတွေမှာလည်း ပြုလုပ်ခဲ့ပါတယ်။ ဒါ့အပြင် ရန်ကုန်တိုင်းက လူငယ်တွေကလည်း ဘုရားပေါ်တက်ပြီး ဆုတောင်းပွဲ ပြုလုပ်ခဲ့ကြပါတယ်။ အလားတူ ဂျပန်နိုင်ငံမှာတော့ လူအင်အား (၅၀၀) လောက်က မြန်မာသံရုံးရှေ့သွားပြီး ပန်းခွေများချခြင်းနဲ့ ဘာသာပေါင်းစုံဆုတောင်းပွဲကို လုပ်ခဲ့ပါတယ် ။
ထိုင်းမြန်မာနယ်စပ် မဲဆောက်မြို့မှာတော့ နိုင်ငံပေါင်းစုံက သံဃာတော်တွေ၊ အလုပ်သမား တွေ လူအခွင့်အရေးလှုပ်ရှားသူတွေက စုပေါင်းပြီး မဲဆောက်မြို့ (UNHCR) ကုလသမဂ
ရုံးရှေ့ကနေ ငြိ်မ်းချမ်းရေးလမ်းလျှောက်ပွဲကိုကျင်းပခဲ့ကြောင်း ဦးဆောင်လှုပ်ရှားတဲ့ သံဃာတော် တပါးဖြစ်တဲ့ အရှင်သောပါက ကလည်း အခုလိုမိန့်ကြားပါတယ် ။
“ဂျပန်ပါမယ်၊ ရုရှားပါတယ်၊ နောက်ပြီးတော့ ဘင်္ဂလားဒေ့ရှ်၊ သီရိလင်္ကာ၊ လာအို နောက် ဒီထိုင်းနိုင်ငံမှာ ဘန်ကောက်ကနေ ဆင်းပြီး ပါကြတယ်။ နောက်ဦးဇင်းတို့ ဗမာတွေပေါ့နော်၊ အားလုံးပေါင်း ပြောမယ်ဆိုရင်တော့ ၇ နိုင်ငံ ပေါင်းပြီးတော့ လှုပ်ရှားဖြစ်ပါတယ်။”

ဒီပဲယင်းလုပ်ကြံသတ်ဖြတ်မူကြီးကိုတော့ အခုထိ မေ့လို့မရသေးကြောင်း၊ လုပ်ကြံသတ်ဖြတ်ခံရမူမှာပါဝင်တဲ့သူတွေကပြောနေကြပြီး၊ နိုင်ငံတကာရောက် မြန်မာတွေကလည်း ဒီပဲယင်းလုပ်ကြံမူကြီးကို ဖော်ထုတ်စုံစမ်း အရေးယူခြင်းမရှိတဲ့ မြန်မာစစ်အစိုးရကို နိုင်ငံတကာ ခုံရုံးတင်ဖို့အတွက် ကြိုးစားလုပ်ဆောင်နေကြပါတယ်။
ယခင် ( ၇ )နှစ် မြောက်က nld(la)nagoya သတင်ဌာနမှကိုးကားပြီးပြန်လည် ဖေါ်ပြခြင်းဖြစ်ပါတယ် ။
ယခုနှစ်မှာတော့ အမေရိကန်ပြည်ထောင်စု အင်ဒီးယားနားပြည်နယ် ဖို့တ်ဝိန်းမြို့
ဗုဒ္ဓ၀ိဟာရ ပအိုဝ်ကျောင်းမှပြုလုပ်နှစ်လည်ဆွမ်းကပ်မည့်ဖြစ်ပါသည် ။

အမျိုးသားလွတ်မြောက်ရေးအင်အားစု ( ဗမာပြည် )

Tuesday, May 29, 2012

ပြည်နယ်ကျောင်းပေါင်းစုံ အမျိုးသ္မီးဘောလုံးပြိုင်ပွဲသတင်း

Middle School Girls Soccer 2012
ယနေ့ မိုးသည်းထန်စွာ ရွာသွန်းနေတဲ့ကြားက မြောက်ဥက္ကလာပ ပြည်သူများရဲ့ ၂၄နာရီ လျှပ်စစ်မီးရရှိရေး ဆန္ဒဖော်ထုတ်ပွဲ..

မိုးသည်းထန်စွာ ရွာသွန်းနေတဲ့ကြားထဲက မြောက်ဥက္ကလာပ လူထုရဲ့ ၂၄နာရီ မီးရရှိရေး ဆန္ဒထုတ်ဖော်ပွဲ..

၂၈ရက်နေ့ ည (၇)နာရီက မိုးများ သည်းထန်စွာ ရွာသွန်းနေသော်ငြားလည်း မြောက်ဥက္ကလာပ ပြည်သူလူထုမှ ဖယောင်းမီးများ မငြိမ်းအောင် ကိုင်ဆောင်ပြီး ရည်မှန်းချက်အတိုင်း ၂၄နာရီလျှပ်စစ်မီး ရရှိရေး ဆန္ဒထုတ်ဖော်ခဲ့ ကြပါသည်။

ဓာတ်ပုံ သားစိုးလေးအား ကျေးဇူးတင်ပါသည်..။

Sunday, May 27, 2012

အစာငတ်ခံဆန္ဒပြသူအလုပ်သမား တစ်ဦး ဆေးရုံပို့ရ

2012-05-27ရန်ကုန် သရဖူ သံမဏိစက်ရုံမှာ အခြေခံလစာတိုးမြှင့်ရေး အစာငတ်ခံ ဆန္ဒပြနေ သူ တွေထဲက တစ် ဦးကို မှော်ဘီပြည်သူ့ဆေးရုံကို မနေ့က ပို့ဆောင်လိုက်ရပါတယ်။

ရန်ကုန်တိုင်း မှော်ဘီမြို့နယ် မြောင်းတကာ စက်မှုဇုန်က Yangon Crownရန်ကုန်သရဖူ သံမဏိစက်ရုံ အလုပ်သမားများ အခြေခံလစာ တိုးမြင့်ပေးဖို့ အပါအ၀င် အလုပ် သမား အခွင့်အရေး ရရိရေးအတွက် ၂၀၁၂ ခုနှစ် မေလ ၂၇ နေ့က အစာငတ်ခံ ဆန္ဒပြနေကြစဉ်။
ပြီးခဲ့တဲ့ သောကြာနေ့က အလုပ်သမား ခေါင်းဆောင် ၂၅ ဦး စတင် အစာငတ်ခံ ဆန္ဒပြခဲ့ရမှာ နောက်ထပ် ၁၅ ဦး ပူးပေါင်းပါဝင်ပြီး အလုပ်သမား ၄၀ ဆက်လက် အစာငတ်ခံ ဆန္ဒပြနေတာ ဖြစ်ပါတယ်။
ဆန္ဒြုပသူတွေထဲက ၄ ဦး ကျန်းမာရေး အခြေအနေ ဆိုးရွားနေပြီး သူတို့ထဲက တစ်ဦးကို မနေ့က ဆေးရုံပို့လိုက်ရတယ်လို့ အစာငတ်ခံဆန္ဒပြနေသူ တစ်ဦးက RFA ကို ပြောပါတယ်။
"လက်ရှိကတော့ ကျနော်တို့ ဒီနေ့နဲ့ဆို ၃ ရက်ရှိပြီ။ ဒုတိယမြောက်နေ့မှာ တစ်ယောက်ကတော့ ဆေးကုသမှုခံယူထားရပါတယ်။ ၃ ရက်လောက် ထမင်းမစားတော့ နုံးချည့်နေတဲ့အနေအထား ရှိပါတယ်။ ရေပဲသောက်ပါတယ်။ ဒါပေမဲ့ မရမချင်း ဆန္ဒပြမယ်ဆိုတဲ့ စိတ်ရှိတဲ့အတွက် ဘယ်လိုပဲ ဖြစ်နေဖြစ်နေ ဆေးကုသမှုတောင် မခံယူဘဲ ဆန္ဒပြဖို့ပါ။"

ရန်ကုန်တိုင်း မှော်ဘီမြို့နယ် မြောင်းတကာ စက်မှုဇုန်က Yangon Crown ရန်ကုန်သရဖူ သံမဏိစက်ရုံအလုပ်သမား ၃ ရာခန့်ဟာ အခြေခံလစာ တိုးမြင့်ပေးဖို့၊ အချိန်ပို လုပ်အားခ သတ်မှတ်ပေးဖို့၊ ခွင့်ရက်နဲ့ ပိတ်ရက်တွေ ညှိနှိုင်းပေးဖို့၊ စတာတွေ အပါအဝင် အချက် ၁၃ ချက်ကို ပြီးခဲ့တဲ့ မေလ ၂၁ ရက်နေ့က စတင် ဆန္ဒပြတောင်းဆိုနေကြတာဖြစ်ပါတယ်။

အလုပ်သမားတွေရဲ့ အဓိက တောင်းဆိုချက်ဖြစ်တဲ့ အခြေခံလစာ တိုးမြှင့်ပေးရေးကို အလုပ်ရှင်က မလိုက်လျောတဲ့အပြင် ဆန္ဒပြ အလုပ်သမားတွေကို အလုပ်မှ ထုတ်ပယ်ကြောင်း ကြေညာချက် ထုတ်ပြန်ထားတယ်လို့လည်း သိရပါတယ်။

ထာဝရငြိမ်းချမ်း 67 လက်မှတ်ရေးထိုး လှုပ်ရှားမှု

နေမျိုး | ကြာသပတေးနေ့၊ မေလ ၂၄ ရက် ၂၀၁၂ ခုနှစ် ၂၁ နာရီ ၄၄ မိနစ် 

နယူးဒေလီ (မဇ္ဈိမ) ။ ။ တနှစ်ခန့်ကြာ ကချင်ပြည်နယ်တွင်း ထိုးစစ်များ အပါအဝင် နှစ်ပေါင်း ၆ဝ ကျော်
ပြည်တွင်းစစ် ရပ်စဲခြင်း မရှိသေး၍ “ထာဝရငြိမ်းချမ်း 67” ခေါ် လက်မှတ်ရေးထိုး လှုပ်ရှားမှုတခု စတင်တော့မည်ဟု သိရသည်။

ပြည်တွင်းငြိမ်းချမ်းရေးအတွက် စတင် လက်မှတ်ရေးထိုး အရေးဆိုကြမည့် ထာဝရငြိမ်းချမ်း 67 လှုပ်ရှားမှု ဖွင့်ပွဲကို Generation Wave မျိုးဆက်သစ် လူငယ်များက ကမကထပြုကာ မေလ ၂၅ ရက်နေ့နံနက်တွင် ရန်ကုန်မြို့၊
တော်ဝင်နှင်းဆီ၊ သီရိခန်းမ၌ ကျင်းပသွားရန် စီစဉ်ထားကြောင်း စည်းရုံးရေးနှင့် စွမ်းရည်မြှင့်တင်ရေးတာဝန်ခံ ကိုဝေဖြိုး က ပြောသည်။

“ဘဘဦးဝင်းတင်၊ အန်တီ ဒေါ်အောင်ဆန်းစုကြည်၊ ကိုမင်းကိုနိုင်၊ ၈၈ မျိုးဆက် ကျောင်းသားတွေလည်း ဖိတ်ထားတယ်။ CSO က ဒေါက်တာကျော်သူ၊ အနုပညာ အသိုင်းအဝိုင်းထဲက လူငယ် အဘောက်၊ စတုန်း၊ ရသတို့လို လူငယ်အဆိုတော်တွေလည်း ဖိတ်ထားပါတယ်။ စာရေးဆရာတွေထဲက ဆရာမ ဂျုး တို့ကိုလည်း ဖိတ်ထားပါတယ်” ဟု မဇ္ဈိမကို ပြောသည်။
67
အစီအစဉ် အသေးစိတ်နှင့် လှုပ်ရှားမှုအကြောင်း အသေးစိတ်ကိုဖတ်ရှုရန် ပုံကိုကလစ်၍ pdf ဖိုင်ရယူနိုင်ပါသည်

တိုင်းရင်းသားအချင်းချင်း အငြင်းပွားနေမှုများကို လက်နက်စွဲကိုင် သတ်ဖြတ်တိုက်ခိုက် အဖြေရှာနေခြင်းများ အကြွင်းမဲ့ ရပ်ဆိုင်းရန်နှင့် စစ်မှန်သည့် ငြိမ်းချမ်းရေးအတွက် ရဟန်းရှင်လူ တိုင်းရင်းသား ပြည်သူအပေါင်းမှ စုပေါင်း လက်မှတ်ရေးထိုး တောင်းဆိုသွားရန် နှိုးဆော် တိုက်တွန်းထားသည်။

နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်၏ ၆၇ နှစ်မြောက် မွေးနေ့ ဇွန်လ ၁၉ ရက်နေ့တွင် ထာဝရ ငြိမ်းချမ်းရေး လိုလားသူ ပြည်သူများ၏ လက်မှတ်များကို ဒေါ်အောင်ဆန်းစုကြည်ထံ ပေးအပ်သွားမည်ဟု ဆိုသည်။ ထို့ကြောင့်ပင် လှုပ်ရှားမှုအမည်အား ထာဝရငြိမ်းချမ်း 67 ဟု အမည်ပေးထားသည်ဟု ဆိုသည်။

လက်ရှိ မြန်မာ့ နိုင်ငံရေးအပြောင်းအလဲများကို နိုဘယ်လ်ဆုရှင် ဒေါ်အောင်ဆန်းစုကြည်နှင့် နိုင်ငံတော် သမ္မတကြီး ဦးသိန်းစိန်တို့က လက်တွဲဦးဆောင်ကာ ဖန်တီးဖော်ဆောင်နေကြောင်း Generation Wave ၏ အသိပေးနှိုးဆော် ပန်ကြားလွှာတွင် ဖော်ပြထားသည်။

သို့သော် အထူးသဖြင့် ကချင်ပြည်နယ်တွင် စစ်မက်များ ဆက်လက်ဖြစ်ပွားနေပြီး အခြား တိုင်းရင်းသားဒေသများ တွင်လည်း စစ်မှန်သည့်ငြိမ်းချမ်းရေး ရရှိရန် လိုအပ်နေသေးကြောင်း ဆိုသည်။

“ကမ္ဘာ့ငြိမ်းချမ်းရေး နိုဘယ်လ်ဆုရှင် အန်တီစု အနေနဲ့က ကျနော်တို့နိုင်ငံမှာ ဖြစ်နေတဲ့ ပြည်တွင်းစစ် ပဋိပက္ခတွေကို လူထုခေါင်းဆောင်အနေနဲ့ ဖြေရှင်းနိုင်လိမ့်မယ်လို့ ကျနော်တို့ ယုံကြည်တယ်။ အန်တီ ဦးဆောင်ရင် ပြည်တွင်းစစ် ရပ်စဲရေး ကိစ္စတွေကို အောင်မြင်အောင် လုပ်နိုင်လိမ့်မယ်လို့ ကျနော်တို့ ယုံကြည်တယ်” ဟုလည်း ကိုဝေဖြိုးက
ပြောသည်။

နိုင်ငံတော်သမ္မတနှင့် ဒုသမ္မတများ ဦးဆောင်၍ ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီကိုလည်း
မေလ ၃ ရက်နေ့က ဖွဲ့စည်းထားပြီး ဖြစ်သည်။

ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်၊ နိုင်ငံတော်အစိုးရနှင့် တိုင်းရင်းသားခေါင်းဆောင်များ လက်တွဲ ပူးပေါင်း အမြန်ဆုံးဖော်ဆောင်ရန် တိုက်တွန်းထားသည်။

လာမည့် ဇွန်လ ၉ ရက်နေ့ဆိုလျှင် ကချင်ပြည်နယ်အတွင်း ထိုးစစ်ဆင်တိုက်ခိုက်မှုမှာ တနှစ်တင်းတင်း ပြည့်တော့ မည်ဖြစ်ပြီး အစိုးရ၏ ထိုးစစ်များကြောင့် စစ်ဘေးရှောင်၊ စစ်ပြေးဒုက္ခသည် ခန့်မှန်းခြေ လူပေါင်း ၅၀,၀၀၀ ခန့် အိမ်ယာများအား စွန့်ခွာ ထွက်ပြေးခဲ့ကြရသည်။

“စစ်ကြောင့်ဒုက္ခရောက်နေတဲ့ ကလေးငယ်တွေ၊ အမျိုးသမီးတွေရဲ့ ပုံတွေကို ကျနော်တို့ ဗွီနိုင်းတွေနဲ့ ဘုတ်ထောင် ပြီးတော့ ကျနော်တို့ အဖွဲ့ဝင်တွေနဲ့ အတူတူလိုက်ကောက်မယ်။ ငြိမ်းချမ်းရေးဆိုတာ လူတိုင်းနဲ့ သက်ဆိုင်ပါတယ်။ တကယ်မရသေးတဲ့ ငြိမ်းချမ်းရေးအတွက်ကို လူတိုင်းလူတိုင်း ပါဝင်လက်မှတ်ရေးထိုးစေချင်ပါတယ်” ဟု ကိုဝေဖြိုးက
ပြောသည်။

နယ်မြို့များတွင် လူငယ်အဖွဲ့များနှင့် ရွာခံများ စုပေါင်း၍ ဟောပြောပွဲများ ကျင်းပကာ လက်မှတ်များစုဆောင်း
ကောက်ခံသွားမည်ဖြစ်ပြီး ရန်ကုန်မြို့ရှိ လမ်းဆုံ၊လမ်းဂွများတွင် ကျယ်ကျယ်ပြန့်ပြန့် လှုပ်ရှားသွားမည်ဖြစ်ကြောင်း ကိုဝေဖြိုးက ဆက်ပြောသည်။

ကောက်ခံရရှိသည့် လက်မှတ်များအား ဒေါ်အောင်ဆန်းစုကြည်၊ အစိုးရနှင့် ကချင်လွတ်လပ်ရေးအဖွဲ့ KIO နှင့် အခြား တိုင်းရင်းသား လက်နက်ကိုင် အဖွဲ့အစည်းများကို ပေးအပ်သွားမည်ဟု သိရသည်။

အလုပ်သမားတွေရဲ့ စည်းလုံးညီညွတ်မှုနဲ့ ရဲဝန့်တဲ့သတ္တိကြောင့် လိုအပ်ချက်တွေပြည့်ပြိ

စက်ရုံ ၂ ရုံက အလုပ်သမားတွေ တောင်းဆိုချက်ရပြီ
2012-05-26
အခြေခံလုပ်ခလစာ တိုးမြှင့်ပေးဖို့ တောင်းဆိုနေတဲ့ ရန်ကုန်မြို့ လှိုင်သာယာစက်မှုဇုန်က အထည်ချုပ် စက်ရုံ ၂ ရုံမှာ အလုပ်ရှင်က လိုက်လျောတဲ့အတွက် ဒီနေ့ ပြေလည် မှုရသွားပြီလို့ သတင်းရရှိပါတယ်။

ရန်ကုန်မြို့ လှိုင်သာယာစက်မှုဇုံရှိ စပယ်ပွင့် အထည်ချုပ်စက်ရုံမှ အလုပ်သမများ မေလ ၁၆ ရက်နေ့က ဆန္ဒပြနေစဉ်။
အဲဒီလို ပြဿနာပြေလည်သွားတဲ့ စက်ရုံတွေက တရုတ်အမျိုးသားပိုင် ပုလဲနဲ့ စပယ်ပွင့် အထည်ချုပ် စက်ရုံတွေ ဖြစ်တယ်လို့ အလုပ်သမားတွေဘက်က ကူညီနေတဲ့ ၈၈ မျိုးဆက် ကျောင်းသားများအဖွဲ့က မမာမာဦးက ပြောပါတယ်။"ပုလဲ အထည်ချုပ်စက်ရုံရယ်၊ စပယ်ပွင့် အထည်ချုပ်စက်ရုံရယ် အဲဒီ စက်ရုံ နှစ်ရုံကို ပိုင်တာက တရုတ် သူဌေးမတစ်ယောက်ထဲပဲ။ သူပိုင်တဲ့ စက်ရုံ ၂ ရုံစလုံးကို အရင်ရက်က ကလေးမလေးတွေက ပိုက်ဆံတိုးပေးဖို့ တောင်းဆိုချက်ကို သူက ပြေလည်အောင်ညှိနှိုင်းပေးလိုက်ပြီ။ အခြေခံလစာက မတူဘူး။ အနိမ့်ဆုံးက ရှစ်ထောင်။ အများဆုံးက တစ်သောင်း နှစ်ထောင်။ အခု နှစ်သောင်းစီပေါ့နော်။ ရှစ်ထောင်သမားကိုလည်း တိုးပေးတယ်။ တစ်သာင်း နှစ်ထောင်သမားကိုလည်း တိုးပေးလိုက်တယ်။"
ပုလဲနဲ့ စပယ်ပွင့် အထည်ချုပ်စက်ရုံ အလုပ်သမားတွေက ပြီးခဲ့တဲ့ မေလ ၇ ရက်နေ့ စလို့ တောင်းဆိုနေခဲ့ပြီး အခုပြေလည်သွားတာပါ။ ဒါပေမယ့် အခြားစက်ရုံတွေမှာတော့ ဒီနေ့အထိ ပြေလည်မှု မရသေးဘူးလို့ သိရပါတယ်။
ဒါကြောင့် နေမင်းအောင်စက်ရုံ အလုပ်သမားတွေ အတွက်ကိုလည်း ၈၈ မျိုးဆက်ကျောင်းသားများ အဖွဲ့က ကိုအောင်သူက စက်ရုံတာဝန်ရှိသူတွေနဲ့ ဒီနေ့ သွားရောက် ညှိနှိုင်းနေတယ်လို့ မမာမာဦးက ပြောပါတယ်။
အလုပ်သမား ၂၅ ဦး အစာငတ်ခံ ဆန္ဒပြနေတဲ့ ရန်ကုန်တိုင်း၊ မှော်ဘီမြို့နယ်၊ မြောင်းတကာက Crown သံမဏိစက်ရုံမှာ ပြေလည်မှု မရသေးဘူးလို့ ကြားရတဲ့အပြင် အဲဒီစက်ရုံကို သွားရာလမ်းက ဆိုက်ကယ်ကယ်ရီတွေ၊ အငှားယာဉ်တွေကို ကန့်သတ်ထားလိုက်တယ်လို့ သိရပါတယ်။

အိန္ဒိယက မြန်မာကို စစ်ပစ္စည်းတွေ ဆက်ရောင်းနေ

2012-05-26
အိန္ဒိယအစိုးရက သူတို့အနေနဲ့ မြန်မာအစိုးရတပ်ဖွဲ့တွေကို စစ်လက်နက်ပစ္စည်းတွေ ဆက်လက် ထောက်ပံ့ပေးပို့နေကြောင်း ပြောကြားလိုက်ပါတယ်။

အိန္ဒိယနိုင်ငံ တလန်ဂါနာပြည်နယ် အိုစ်မန်နီယာ တက္ကသိုလ်ဝင်းအတွင်း ၂၀၁၁ ခုနှစ် ဇူလိုင်လ ၆ ရက်နေ့က ဆန္ဒပြမှုကို လုံထိန်းရဲများ မျက်ရည်ယိုဗုံးများနှင့် ပစ်ခတ် ဖြိုခွဲနေသည့် မှတ်တမ်းပုံ ဖြစ်ပါသည်။
အိန္ဒိယ၀န်ကြီးချုပ် မန်မိုဟန်ဆင်းရဲ့ မနက်ဖြန် စတင်မဲ့ မြန်မာနိုင်ငံ ခရီးစဉ် နဲ့ ပတ်သက်ပြီး   မေလ ၂၅ ရက်နေ့ က ပြုလုပ်တဲ့            
သတင်းစာရှင်းလင်းပွဲမှာ အိန္ဒိယနိုင်ငံခြားရေးဌာန အတွင်းဝန် Ranjan Mathai က ပြောကြားခဲ့တာ ဖြစ်ပါတယ်။ အဲဒီလို မြန်မာအစိုးရတပ်ဖွဲ့တွေကို လက်နက်တွေ ထောက်ပံ့ပေးတဲ့ ကိစ္စဟာ မနက်ဖြန်သွားရောက်မဲ့ သူတို့ရဲ့ ၀န်ကြီးချုပ် ခရီးစဉ်နဲ့ မသက်ဆိုင်ဘူးလို့ အိန္ဒိယအတွင်းဝန်က ပြောပါတယ်။
"ကျွန်တော်တို့ အိန္ဒိယကနေ မြန်မာအစိုးရ တပ်ဖွဲ့တွေကို စစ်ဖက်နဲ့ ပတ်သက်တဲ့ သင်တန်းတွေ ဆက်လက်ပြီး ပေးနေတာဟာ (၂) နိုင်ငံ စစ်ရေး ပူးပေါင်းမှုနဲ့ စွမ်းရည်မြှင့်တင်ရေး အစီအစဉ်တွေရဲ့ အစိတ်အပိုင်း တရပ် ဖြစ်ပါတယ်။ ဒါအပြင် မြန်မာအစိုးရ တပ်ဖွဲ့တွေကို စစ်လက်နက်တွေ ဆက်လက်ပြီး ထောက်ပံ့ ပေးနေတာဟာ နိုင်ငံရေးနဲ့ မပတ်သက်ပါဘူး။ အဲဒီလို လက်နက်တွေ ထောက်ပံ့ပေး နေတယ်ဆိုတာ ဟုတ်ပါတယ်" လို့ သူကပြောသွားပါတယ်။>သံဃာတော်တွေ ဦးဆောင်တဲ့ (၂၀၀၇) ရွှေဝါရောင် တော်လှန်ရေးကို လက်နက်နဲ့ အကြမ်းဖက် ဖြိုခွင်းပြီးနောက် မြန်မာအစိုးရကို လက်နက်ရောင်းချ ထောက်ပံ့တာ မပြုလုပ်တော့ဘူးလို့ အိန္ဒိယအစိုးရက ကြေညာခဲ့ဖူးပါတယ်။
အိန္ဒိယ၀န်ကြီးချုပ် မန်မိုဟန်ဆင်း ရဲ့ မနက်ဖြန် စတင်မဲ့ မြန်မာနိုင်ငံ ခရီးစဉ် နဲ့ ပတ်သက်ပြီး မေလ ၂၅ ရက်နေ့က အိန္ဒိယ နိုင်ငံခြားရေးဌာန အတွင်းဝန် Ranjan Mathai က သတင်းစာရှင်းလင်းပွဲ ပြုလုပ်ခဲ့ပါတယ်။
အိန္ဒိယနိုင်ငံခြားရေးဌာန အတွင်းဝန်ရဲ့ အဲဒီလို မြန်မာနိုင်ငံကို လက်နက်တွေ ထောက်ပံ့ပေးနေတယ်ဆိုတဲ့ အကြောင်း အပါအ၀င် အိန္ဒိယ၀န်ကြီးချုပ် မန်မိုဟန်ဆင်း ရဲ့ မြန်မာနိုင်ငံ ခရီးစဉ်နဲ့ ပတ်သက်တဲ့ သတင်းစာ ရှင်းလင်းပွဲ အပြည့်အစုံကို RFA အဖွဲ့သား ကိုခင်မောင်စိုးမင်းက တင်ဆက်ထားပါတယ်။
ဆက်သွယ်မေးမြန်းချက်။
အသံဖိုင်ယူရန်။

Saturday, May 26, 2012

မြောင်းတကာစက်မှုဇုန် Yangon Crownသံမဏိစက်ရုံမှ
အစာငတ်ခံဆန္ဒထုတ်ဖော်သူကိုတင်မိုးဝင်း၏ သေတမ်းစာ(၂)


မြောင်းတကာစက်မှုဇုန် ရန်ကုန်Crown သံမဏိစက်ရုံမှ အခြေခံအလုပ်သမားရပိုင်ခွင့်များအတွက်
အစာငတ်ခံဆန္ဒထုတ်ဖေါ်နေသောအလုပ်သမားတစ်ဦး၏သေတမ်းစာ
အမည် - တင်မိုးဝင်း
အသက် - ၂၅ နှစ်
ယခုအချိန်မှစ၍ ကျွန်တော်၏ ဘဝသည် နဂုံးချုပ်သွားပြီဟု သတ်မှတ်လိုက်သည်။ ဤစာကို ကျွန်တော်ရဲ့ သေတမ်းစာအဖြစ် ရေးသားခဲ့သည်။ ကျွန်တော့်ဘဝရဲ့ နောက်ဆုံးသေတမ်းစာကို ကျွန်တော်၏ အဖေအမေနှင့်အတူ ရွှေညဝါဆရာတော်ဘုရားကြီးအပါအဝင် မေတ္တာရှင်များ မြန်မာတစ်နိုင်ငံ
လုံးမှာရှိသမျှ အလုပ်သမားများသိစေရန် ရေးသားခဲ့ခြင်းဖြစ်သည်။ ကျွန်တော်သည် အသက်ခန္ဓာ
ကွဲကွာပြီး သေဆုံးသွားသည့်တိုင် အလုပ်သမားများ၏ ဆန္ဒမပြည့်ဝခဲ့ပါက ဝိညာဉ်အဖြစ်နှင့် ဆက် လက်တောင်းဆိုဆန္ဒပြသွားမည်ဖြစ်သည်။ ထို့ကြောင့် ကျွန်တော်သေ ဆုံးပြီးနောက်မှာ ကျွန်တော့် အတွက် အမျှမပေးဝေရန်နှင့် ကျွန်တော်၏ဝိညာဉ်အား ဆက်လက်ဆန္ဒပြတောင်းဆိုခွင့်ပြုပါရန် ကျန် ရှိနေမယ့် လူအားလုံးထံ မေတ္တာရပ်ခံတောင်းဆိုလိုက်ပါသည်။
အလုပ်သမားအားလုံးရဲ့ ဆန္ဒပြည့်ဝ တဲ့အချိန်မှကျွန်တော်သာဓုသုံးကြိမ်ခေါ်၍ ဖြစ်လေရာဘုံ ဘဝက နေ ဝမ်းသာနေမှာ ဖြစ်သလို အလုပ်သမားအားလုံးရဲ့ ဆန္ဒမပြည့်ဝခင် အမျှပေးဝေခဲ့ပါကကျွန်တော်
လုံးဝလုံးဝ သာဓုခေါ်ပြီး ကျွတ်တမ်းဝင်မည်မဟုတ်ကြောင်း သိစေရန်နှင့် ကျွန်တော်၏ နောက်ဆုံး ဆန္ဒကို လိုက်လျောရန် မှာကြားခဲ့သည်။ ကျွန်တော့်ဘဝရဲ့ အဓိကကျေးဇူးရှင် အဖေနှင့်အမေအား ကျွန်တော် ရိုသေစွာ ဦးသုံးကြိမ်ချ၍ နှုတ်ဆက်ခဲ့သည်။ မြန်မာအလုပ်သမားအားလုံးကို ကျွန်တော့် အတွက် ဝမ်းမနည်းရန်နှင့် ဆန္ဒမပြည့်ဝမချင်း အမျှမပေးဝေရန် မှာကြားခဲ့သည်။ ရွှေညဝါဆရာတော် ဘုရားကြီးအပါအဝင် ကျေးဇူးရှင်အားလုံးရဲ့ ကျေးဇူးတွေကို ဖြစ်လေရာဘဝကနေ ကျေအောင် ဆပ်သွားပါမည်ဟု ကတိသစ္စာ မိုးနဲ့မြေကြီးအား သက်သေပြုပြီး တိုင်တည်ခဲ့ပါသည်။ လူသားအားလုံးရဲ့ ဆန္ဒတွေပြည့်ဝပါစေလို့ နောက်ဆုံးဆုတောင်းပေးခဲ့ပါသည်။

တင်မိုးဝင်း (အသက် ၂၅ နှစ်)

Friday, May 25, 2012

အစာငတ်ခံ ဆန္ဒပြ အလုပ်သမားများ ကျန်းမာရေးထိခိုက်နေ

ရန်ကုန်တိုင်း လှိုင်သာယာ စက်မှုဇုန်ရှိ Hi-Mo နှင့် Hight-Art ဆံပင်တု စက်ရုံ နှစ်ရုံတွင် ယမန်နေ့ နံနက်ပိုင်းက စတင် အစာငတ်ခံ ဆန္ဒပြ နေကြသော အလုပ်သမား ၂၀၀၀ နီးပါးအနက် အလုပ်သမ ၂၅၀ ကျော်မှာ ကျန်းမာရေးထိခိုက်မှု ရှိနေကြောင်း သတင်းရရှိသည်။
ယခု လဆန်းမှ စတင်၍ ဆန္ဒပြနေသည့် လှိုင်သာယာ ဆံပင်တု စက်ရုံမှ အလုပ်သမားများ (ဓာတ်ပုံ - ဧရာဝတီ)
၎င်းတို့စက်ရုံမှ ထမင်းဟင်း ချက်မကျွေးတော့သဖြင့် အစာငတ်ခံ ဆန္ဒပြလျက်ရှိရာ အမျိုးသမီးငယ်၂၅၀ ကျော်မှာ အဟာရဓာတ်ချို့တဲ့ခြင်းကြောင့် ကျန်းမာရေးထိခိုက်ခြင်းဖြစ်ကြောင်း စက်ရုံ အလုပ်သမား ခေါင်းဆောင် မသီတာထွန်း က ဧရာဝတီသို့ ပြောသည်။
“ကျမတို့ကို ဆန္ဒပြလို့ဆိုပြီး မနေ့မနက်ကစပြီး သူတို့က ဘာမှ ချက်မကျွေးတော့ဘူး။ အဲဒီကနေ အလုပ်သမားအကုန်လုံးက အစာ မစားဘဲ ဆက်ပြီးဆန္ဒပြတာ ဒီနေ့ညနေအထိပဲ။ ဒီအဆောင်မှာ နေတဲ့လူတွေအားလုံး ရေ၊ မီး ဘာမှမပေးတော့ဘူး။ အခု အစာ မစားရလို့ အားပြတ်ပြီး နေမကောင်းဖြစ်နေတဲ့ လူ ၂၀၀ ကျော်ကိုလည်း ဆေးကုမပေးဘူး။ ပစ်ထားတယ်”ဟု မသီတာထွန်း က ပြောပြသည်။
Hi-Mo နှင့် Hight-Art ဆံပင်တု စက်ရုံ နှစ်ရုံမှ အလုပ်သမများကလည်း အခြေခံ လစာ တိုးပေးရေးနှင့် တင်းကျပ်သော စည်းမျဉ်းများ နှင့် အလုပ်သမား အခွင့်အရေးများ တောင်းဆိုထားမှုကို ယခုလ ၉ ရက်နေ့က စတင်တောင်းဆိုခဲ့ကြခြင်းဖြစ်ပြီး ဒုတိယမြောက် နေ့က လှိုင်သာယာ စက်မှုဇုန် ရှေ့တန်းကြီးကြပ်ရေးရုံးတွင် အလုပ်သမား ခေါင်းဆောင် ၇ ဦးနှင့် အလုပ်ရှင် ကိုယ်စားလှယ်၊ အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန်တို့ သုံးပွင့်ဆိုင် တွေ့ဆုံဆွေး နွေးခဲ့ပြီး တောင်းဆိုချက်များကို သဘောတူခဲ့ပြီးဖြစ်သည်။
သို့သော်လည်း အလုပ်ပြန်ဆင်းချိန်တွင် အလုပ်ရှင်က တောင်းဆိုမှု သဘောတူညီချက်များကို လိုက်လျော မပေးနိုင်ဟု ဆိုကာ ယခုလ ၁၆ ရက်နေ့တွင် အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာနမှ ညွှန်ကြားရေးမှူးချုပ် ဦးဝင်းရှိန် ကိုယ်တိုင် လာ ရောက် ဖြေရှင်းကာ ထပ်မံ၍ သဘောတူ လက်မှတ်ရေးထိုးခဲ့သည်။ ထိုသဘောတူညီချက်ကိုလည်း အလုပ်ရှင်ဘက်မှ ထပ်မံ ဖျက် သိမ်းခဲ့ပြန်သဖြင့် အလုပ်သမားများကမကျေနပ်ဘဲ ဆက်တိုက်ဆန္ဒပြလာခဲ့ကြခြင်းဖြစ်သည်။
“ကိုရီးယား လူမျိုးတွေက ညီမတို့ အလုပ်သမားတွေကို ညတုန်းက ကိုယ်ထိလက်ရောက် ဆောင့်တွန်းတယ်။ ကိုရီးယားလို ဆဲ တယ်။ ရိုက်တယ်။ အဲဒီလိုလုပ်တော့ ကလေးတွေအကုန်လုံးက စိတ်တွေဆိုးပြီးတော့ လုံးဝ မခံနိုင်ဘူးဖြစ်နေကြတယ်”ဟု မသီတာထွန်း က ဆက်ပြောသည်။
ထိုသို့ဖြစ်ပွားပြီးနောက် စက်ရုံပိုင်ရှင် ကိုးရီးယားလူမျိုးအား အလုပ်သမားများက ဝိုင်းဝန်း ဆန္ဒပြခဲ့ကြသည်။ အလုပ်သမားများ အကြား ပိတ်မိနေသည့် ကိုရီးယားနိုင်ငံသားအား ရန်ကုန်အခြေစိုက် ကိုရီးယား သံရုံးတာဝန်ရှိသူများနှင့် မြန်မာအစိုးရ အာဏာပိုင်များက နှစ်နိုင်ငံဆက်ဆံရေး ထိခိုက်မှုမရှိစေရန်ဟုဆိုကာ ယနေ့မနက် ၅ နာရီက စက်ရုံတွင်း ဝင်ရောက် ခေါ်ထုတ်သွားခဲ့သည်။
ကိုးရီးယားလူမျိုးအား ခေါ်ဆောင်သွားစဉ်က အလုပ်သမားရုံးအဖွဲ့တာဝန်ရှိသူများနှင့် ကိုးရီးယားသံရုံးတာဝန်ရှိသူများက ယနေ့ မွန်းလွဲ ၃ နာရီတွင် အလုပ်သမားများ၏ တောင်းဆိုချက်ကို လာရောက်ဖြေရှင်းပေးမည်ဟု ပြောဆိုခဲ့သော်လည်း ညနေ ၅ နာရီခွဲထိ ရောက်ရှိမလာခဲ့သဖြင့် အလုပ်သမားများမှာ ဆက်လက်ဆန္ဒပြလျက်ပင် ရှိနေသည်။
“ကိုရီးယားသံရုံးကလူတွေကလည်း သူတို့လူမျိုးကို သေချာအာမ ခံသွားတယ်။ လေဘာရုံးကလည်း အာမခံသွားတယ်။ အဲဒီအချိန် မလာတော့ ဖုန်းဆက်တော့ မကိုင်ဘူး။ လေဘာရုံးကို ဖုန်းဆက်တော့လည်း လေဘာရုံးကလူတွေက ဖုန်းပိတ်ထားတယ်။ ညီမတို့ ကိုလည်း ပြန်လွှတ်လိုက်ပြီ”ဟု မသီတာထွန်း က ပြောဆိုသည်။
လတ်တလောတွင် ကျန်းမာရေးမကောင်းသူများကို ဆေးကုသပေးမည့်သူများလည်း မရှိသေးကြောင်းနှင့် အစိုးရဘက်မှလည်း ထိရောက်သော အကူအညီများလုပ်ဆောင်ပေးမှု မရှိသေးကြောင်း အလုပ်သမားများက ပြောသည်။
အလားတူ အစာငတ်ခံဆန္ဒပြမှုမျိုး ရန်ကုန်တိုင်းအတွင်းရှိ မှော်ဘီမြို့နယ် မြောင်းတကာ စက်မှုဇုန် Crown သမဏိစက်ရုံရှိ အလုပ် သမား ၂၀ ကျော်ကလည်း ပြုလုပ်နေသည်။
ထိုစက်ရုံအလုပ်သမားများမှာ လုပ်အားခ တရက်လျင် ၁၆၀ ကျပ် ရရှိနေမှုကို ၅၀၀ ကျပ် ထိ တိုးမြှင့်ပေးရန် တောင်းဆိုနေပြီး ပြေလည်မှုမရသဖြင့် ယနေ့ ၇ ရက်မြောက်နေ့တွင် အစာငတ်ခံ ဆန္ဒပြ နေခြင်းဖြစ်ကြောင်း သိရ သည်။
“ကျနော်တို့က စက်ရုံရှေ့မှာပဲ အစာငတ်ခံပြီး အေးအေးဆေးဆေးထိုင် ဆန္ဒပြတယ်”ဟု Crown သမဏိစက်ရုံ ဆန္ဒပြ အလုပ် သမား တဦးဖြစ်သူ ကိုဇော်ထက် က ဧရာဝတီသို့ ပြောသည်။
ရန်ကုန်တိုင်းအတွင်း စက်မှုဇုန်များတွင် ဧပြီလ ၂၈ ရက်နေ့မှစတင်ကာ ရွှေပြည်သာ၊ လှိုင်သာယာနှင့် မှော်ဘီမြို့နယ်တို့မှ စက်ရုံ ၉ ခု တွင် အခြေခံ လစာ တိုးပေးရေးနှင့် အလုပ်သမားအခွင့်အရေး တောင်းဆိုခြင်းများကို ပြုလုပ်နေကြပြီး ပြေလည်မှုမရရှိသေးပေ။
အလုပ်သမားများမှာလည်း အလုပ်မဆင်းဘဲဆန္ဒပြနေခြင်းဖြစ်သဖြင့် ဝင်ငွေထိခိုက်မှု၊ စားဝတ်နေရေးပိုမိုကြပ်တည်းမှုနှင့် အလုပ် ဆက်မဆင်းလျှင် အလုပ်ထုတ်မည်ဟု အလုပ်ရှင်၏ ခြိမ်းခြောက်မှုများနှင့် ကြုံတွေ့နေကြရကြောင်း အလုပ်သမားများထံမှ စုံစမ်း သိရှိရသည်။

ဒေါ်အောင်ဆန်းစုကြည် မေလ ၂၉ ရက်နေ့ ထိုင်းနိုင်ငံသွားမည်


ရန်ကုန်(မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်သည် ထိုင်းနိုင်ငံ ဘန်ကောက်မြို့သို့ မေလ ၂၉ ရက်နေ့တွင် သွားရောက်မည်ဖြစ်ပြီး ဘန်ကောက်တွင် ကျင်းပမည့် ကမ္ဘာလုံးဆိုင်ရာ စီးပွားရေးဖိုရမ်သို့ တက်ရောက်မည်ဖြစ်ကြောင်း NLD အတွင်းရေးမှူးအဖွဲ့ဝင် ဦးဉာဏ်ဝင်း က မဇ္ဈိမကို အတည်ပြုပြောကြားသည်။

“ပထမ ၂၈ ရက်နေ့ သွားဖို့ပါ။ အိန္ဒိယဝန်ကြီးချုပ်နဲ့တွေ့ဖို့ တရက် နောက်ဆုတ်လိုက်တယ်။ ဒါကြောင့် ၂၉ ရက် ညနေ သွားဖြစ်မှာပါ”ဟု ၎င်းက ပြောသည်။

ဒေါ်အောင်ဆန်းစုကြည်အနေဖြင့် ထိုင်းနိုင်ငံတွင် မည်မျှကြာအောင် နေထိုင်မည်ဆိုသည်ကိုမူ မပြောနိုင်သေးကြောင်း ဦးဉာဏ်ဝင်း က ပြောသည်။

ခရီးစဉ်တွင် ကိုယ်ရေးအရာရှိ အပါအဝင် တက္ကသိုလ်ရိပ်သာ ခြံဝင်းအတွင်းမှ ပုဂ္ဂိုလ် သုံးဦးခန့် ဒေါ်အောင်ဆန်းစုကြည်
နှင့် အတူလိုက်ပါကြမည်ဟု NLD မှ တာဝန်ရှိသူတဦးက ပြောသည်။

ဒေါ်အောင်ဆန်းစုကြည်၏ နိုင်ငံကူးလက်မှတ်အား အစိုးရအဖွဲ့ တာဝန်ရှိသူများက မေလ ပထမသီတင်းပတ်အတွင်းက
ပေးခဲ့ခြင်း ဖြစ်သည်။ ဤခရီးစဉ်သည် နှစ်ပေါင်း ၂၄ နှစ်အတွင်း ဒေါ်အောင်ဆန်းစုကြည်၏ ပထမဆုံး ပြည်ပခရီးစဉ်ဖြစ်သည်။

ဆန္ဒပြမှုများကို အကြမ်းမဲ့ ဖြေရှင်းရန် အာဆီယံ အကြီးအကဲ တောင်းဆို


 
မဇ္ဈိမသတင်းဌာန ။ ။ မြန်မာနိုင်ငံတွင် ဖြစ်ပေါ်နေသည့် ဆန္ဒပြမှုများသည် ဒီမိုကရေစီ စနစ်တရပ်အတွက် ပုံမှန် ဖြစ်ရိုးဖြစ်စဉ်ပင် ဖြစ်ပြီး အစိုးရ အနေဖြင့် ထိုဆန္ဒပြမှုများကို ထိပ်တိုက်ရင်ဆိုင်တွေ့ကာ အင်အားသုံးဖြေရှင်းသည့် လမ်းစဉ်ကို မသုံးဘဲ ပြေလည်စွာ ကိုင်တွယ်ဖြေရှင်းတတ်ရန် လေ့လာသင်ယူဖို့ လိုအပ်ကြောင်း အာဆီယံ အကြီးအကဲ က ကြာသပတေးနေ့တွင် ပြောဆိုလိုက်သည်။

နိုင်ငံသားများ၏ ငြိမ်းချမ်းစွာ ဆန္ဒထုတ်ဖော်မှုများကို မြန်မာအာဏာပိုင်များ အနေဖြင့် အကြမ်းဖက် အင်အားသုံး
နှိမ်နင်းခြင်း မပြုလုပ်ရန် အရေးကြီးသည်ဟု အာဆီယံ အတွင်းရေးမှူးချုပ် Surin Pitsuwan က ပြောဆိုလိုက်ခြင်းဖြစ်သည်။

လျှပ်စစ်မီး အချိန်မှန် ရရှိရေးအတွက် ငြိမ်းချမ်းစွာ ဆန္ဒပြမှုများ အစပိုင်းရက်များတွင် အာဏာပိုင်များက သည်းခံခဲ့သော် လည်း ကြာသပတေးနေ့ကမူ ပြည်မြို့တွင် ဆန္ဒပြသူများအား ရဲများက ဖြိုခွင်းခဲ့ပြီး မန္တလေးမြို့တွင်လည်း NLD အဖွဲ့ဝင် အများအပြားကို ဖမ်းဆီး ခေါ်ဆောင်သွားကာ စစ်ဆေးမေးမြန်း၍ ပြန်လွှတ်ပေးခဲ့သည်။

“တကယ်လို့ နိုင်ငံတနိုင်ငံ ဒါမှမဟုတ် လူ့အဖွဲ့အစည်း တရပ်ဟာ ဒီမိုကရေစီလမ်းစဉ်ကို ကျင့်သုံးဖို့ ဆန္ဒပြင်းပြနေတယ် ဆိုရင် အဲဒီနိုင်ငံဟာ လူထုလှုပ်ရှားမှုတွေ၊ ဖိအားတွေ၊ တောင်းဆိုမှုတွေ၊ ပဋိပက္ခတွေ၊ သဘောထား တင်းမာမှုတွေ၊ တခါတရံမှာ အကြမ်းဖက်မှုတွေကို ရင်ဆိုင်ဖြေရှင်းနိုင်ဖို့ ပြင်ဆင်ထားဖို့ လိုပါတယ်” ဟု ရိုက်တာ သတင်းဌာနက Surin Pitsuwan ၏ ပြောကြားချက်ကို ကိုးကား ဖော်ပြထားသည်။

“နိုင်ငံတနိုင်ငံ ဒါမှမဟုတ် အစိုးရတရပ်ဟာ ဒါတွေကို ဖြေရှင်းနိုင်ဖို့ လိုပါတယ်” ဟု သူက ဆိုသည်။

မြန်မာနိုင်ငံတွင် ၁၉၆၂ ခုနှစ် အာဏာသိမ်းမှု နောက်ပိုင်းမှစ၍ အာဏာရှင် အဆက်ဆက်သည် လူထု ဆန္ဒပြမှုများအား အကြမ်းဖက် အင်အားသုံး နှိမ်နင်းသည့် လမ်းစဉ်ကို နှစ်ပေါင်း ၅ဝ နီးပါးခန့် အသုံးပြုခဲ့ကြသည်။

ယခု ဆန္ဒပြမှုများသည် မြန်မာအစိုးရ၏ ဒီမိုကရေစီ ပြုပြင်ပြောင်းလဲရေး အားထုတ်မှုများအတွက် တကယ့် စမ်းသပ်စိန်ခေါ်မှု တခုသဖွယ်လည်း ဖြစ်နေသည်ဟု နိုင်ငံရေး အကဲခတ် များက ရှုမြင်ကြသည်။

ဆန္ဒပြသူများအပေါ် အကြမ်းဖက် နှိမ်နှင်းမှုများသည် လက်ရှိအစိုးရနှင့် ဆက်ဆံရေး ပြန်လည်ထူထောင်ကာ မြန်မာနိုင်ငံ အပေါ် စီးပွါးရေးပိတ်ဆို့ အရေးယူမှုများအား ဖြေလျှော့ ဖယ်ရှားပေးနေကြသည့် ဒီမိုကရက်တစ် အစိုးရများ၏ တုံ့ပြန် အရေးယူမှုများကိုလည်း ဖြစ်ပေါ်စေနိုင်သည်ဟု ဆိုကြသည်။

Surin Pitsuwan က မြန်မာနိုင်ငံ၏ ရေပြတ်လပ်မှု ပြဿနာ၊ အစားအစာ ရှားပါးမှု ပြဿနာ၊ သယ်ယူပို့ဆောင်ရေး
ပြဿနာများနှင့် ပတ်သတ်၍ အာဆီယံ အနေဖြင့် အဖွဲ့ဝင် နိုင်ငံများ၏ အတွေ့အကြုံများကို မျှဝေပေးကာ
မြန်မာနိုင်ငံအား ကူညီရန် အသင့်ရှိသည်ဟု ဆိုခဲ့သည်။

အာဆီယံ ၁ဝ နိုင်ငံအနက် အဆင်းရဲဆုံး နိုင်ငံများတွင် အပါအဝင် ဖြစ်သည့် မြန်မာနိုင်ငံ၏ လူဦးရေ သန်း ၆ဝ ခန့်အား လျှပ်စစ်မီး ပေးနိုင်ရေး ပြဿနာသည် မြန်မာအစိုးရ ရင်ဆိုင်နေရသည့် ပြဿနာများထဲမှ တခုဖြစ်သည်။

မြန်မာနိုင်ငံရှိ လူလေးယောက်တွင် တယောက်နှုန်းသာ (၂၅ ရာခိုင်နှုန်း) လျှပ်စစ်မီး သုံးစွဲနိုင်သည်ဟု ခန့်မှန်းချက်များက ဆိုသည်။

ဆန္ဒပြပွဲ ဖြစ်မြောက်ရေး ဦးဆောင်သူများက မြန်မာနိုင်ငံ၌ တနေ့လျှင် ၆ နာရီခန့်မျှသာ အလှည့်ကျ လျှပ်စစ်မီး ရရှိနေချိန်တွင် မြန်မာနိုင်ငံမှ တရုတ်နိုင်ငံသို့ လျှပ်စစ်မီး ရောင်းချနေသည့် မူဝါဒကိုလည်း မေးခွန်းထုတ် ဝေဖန်နေကြ သည်။

Thursday, May 24, 2012

မြန်မာနိုင်ငံသူနိုင်ငံသားအားလုံး - အလင်းရကြပါစေသား





                        ဖြစ်လေရာဘ၀မှာ ရေမီး ၊ ဒုက္ခအကြတ်အတည်းမှ
                         ကင်းဝေးပြီး ရေမီးအစုံနဲ့ စံစား ၊ ခံစားနိုင်ပါစေဗျာ
                          မင်းဆိုးမင်းညစ်အုပ်ချုပ်မှုအောက်က အမြန်ဆုံး
                                   လွတ်မြောက်နိုင်ကြပါစေသား
Supot Statement

Wednesday, May 23, 2012

မြန်မာအလုပ်သမားသမဂ္ဂ ဘုရားသုံးဆူတွင် ဖွဲ့စည်း

 
စံခလပူရီ (မဇ္ဈိမ) ။ ။ ထိုင်းနိုင်ငံသား အလုပ်သမားများကဲ့သို့ တန်းတူ အခွင့်အရေး ရရှိရေး စသည့် ရည်ရွယ်ချက် များဖြင့် ထိုင်း-မြန်မာ နယ်စပ် ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူမြို့တွင် အင်္ဂါနေ့က အထည်အလိပ်နှင့် သားရေအလုပ်သမား သမဂ္ဂကို ဖွဲ့စည်းလိုက်ပြီး၊ ယခုလအတွင်း မှတ်ပုံတင်သွားမည် ဖြစ်ကြောင်း သမဂ္ဂ ဥက္ကဋ္ဌ ထံမှ သိရသည်။

လွတ်လပ်သော အလုပ်သမား သမဂ္ဂများ ဖြစ်မြောက်ရေး ကော်မတီ၏ အကူအညီဖြင့် ဘုရားသုံးဆူမြို့ ဓမ္မဟေဝန် ဘုန်းတော်ကြီးကျောင်း၌ ယနေ့နံနက်ပိုင်းက ဖွဲ့စည်းလိုက်သည့် သမဂ္ဂတွင် လုပ်အားနှင့် လုပ်အားခ မျှတစွာ ရရှိရေး၊ အလုပ်ခွင်အတွင်း ထိခိုက်ဒဏ်ရာ ရရှိပါက ထိုက်သင့်သည့် နစ်နာကြေး ရရှိရေး၊ အလုပ်သမားများ၏ ဘဝမြှင့်တင်ရေး စသည့် ရည်ရွယ်ချက်များလည်း ပါဝင်သည်။

သမဂ္ဂတွင် ဘုရားသုံးဆူမြို့ တဖက်ခြမ်း ထိုင်းပိုင်နက် စေတီစမ်အွန်း၌ အလုပ်လုပ်နေကြသည့် မြန်မာ အလုပ်သမား ၃၀ ဦး ပါဝင်ပြီး၊ မြန်မာဘက်ခြမ်းမှ နံနက် ညနေ အလုပ်တက်ဆင်းကြသူများ ဖြစ်သည်။

“ထိုင်းအလုပ်သမားနဲ့ မြန်မာအလုပ်သမား တန်းတူအခွင့်အရေး မရှိဘူး၊ ကျနော်တို့မှာ နေမကောင်းလို့ ခွင့်တိုင်တာ လည်း ကြည်ကြည်ဖြူဖြူနဲ့ ခွင့်မပေးဘူး၊ လုပ်အားခ ဆိုလို့ရှိရင်လည်း ထိုင်းနဲ့ ကျနော်တို့နဲ့ မတူဘူး၊ ဒါတွေကို
ဖြေရှင်းနိုင်ဖို့ ကျနော်တို့ ဒီသမဂ္ဂကို ဖွဲ့ရတာ ဖြစ်တယ်” ဟု သမဂ္ဂ ဥက္ကဋ္ဌ ကိုဝေဖြိုးက ပြောသည်။

၎င်း၏ အဆိုရ ထိုင်းအလုပ်သမား တဦးလျှင် တရက်လုပ်အားခ အနည်းဆုံး ထိုင်းဘတ်ငွေ ၂၀၀ ကျော် ရရှိပြီး၊
မြန်မာအလုပ်သမားများမှာ ၉ဝ ဘတ်သာ ရရှိသည်။

“ကျနော်တို့ဟာ မြန်မာပိုင်ထဲမှာ သမဂ္ဂကို ဖွင့်ထားတဲ့အတွက် ထိုင်းဘက်ခြမ်းကို သွားပြီးတော့ ဝင်စွက်ဖက်လို့တော့ မရဘူး။ ဒါပေမဲ့ မှတ်ပုံတင်ကျမယ် ဆိုရင်တော့ ထိုင်းအလုပ်သမား သမဂ္ဂနဲ့ ချိတ်ပြီး တန်းတူအခွင့်အရေး ရအောင် လုပ်သွားမယ်” ဟု ကိုဝေဖြိုးက ပြောသည်။

ထိုင်းနိုင်ငံ မဲဆောက်မြို့ အခြေစိုက် ရောင်ခြည်ဦး အလုပ်သမားအဖွဲ့ တာဝန်ခံ ကိုမိုးဆွေက မြန်မာရွှေ့ပြောင်း အလုပ်သမားများအတွက် ထိုင်းနိုင်ငံတွင် အလုပ်သမား သမဂ္ဂ ဖွဲ့စည်းခွင့် မရှိသော်လည်း အလုပ်သမားတိုင်းအတွက် တန်းတူအခွင့်အရေး ရှိကြောင်း၊ ပြည်နယ်အလိုက် အနိမ့်ဆုံး လုပ်အားခကို အစိုးရက သတ်မှတ်ပေးထားကြောင်း
ပြောသည်။

လွန်ခဲ့သည့် ဇူလိုင်လက လုပ်အားခ တရက် ၁၅ ဘတ် တိုးပေးရန်နှင့် တနေ့ အလုပ်ချိန် ၉ နာရီမှ ၈ နာရီသို့ ပြောင်းလဲ သတ်မှတ်ပေးရန်အတွက် စေတီစမ်အွန်းရှိ PTK Basani ဖိနပ်ချုပ် အလုပ်ရုံမှ မြန်မာအလုပ်သမား ၄၀၀ ကျော်
နှစ်ကြိမ်တိုင် ဆန္ဒပြ တောင်းဆိုခဲ့ပြီး နောက်တွင် ထိုင်းအလုပ်ရှင်များက အနိမ့်ဆုံး ၇၀ ဘတ်မှ အမြင့်ဆုံး ၁၁၅ ဘတ်သာ ရရှိသည့် အလုပ်သမားများကို ၈၅ ဘတ်မှ ၁၃ဝ ဘတ်ထိ တိုးပေးခဲ့ပြီး၊ အလုပ်ချိန်ကိုလည်း ၈ နာရီသို့ သတ်မှတ်ပေးခဲ့သည်။ သို့သော်လည်း မြန်မာ နှင့် ထိုင်း အလုပ်သမားများ၏ လုပ်အားခမှာ ကွာဟမှု ရှိနေသေးကြောင်း ကိုဝေဖြိုးက ပြောသည်။

စေတီစမ်အွန်းတွင် ဖိနပ်ချုပ်၊ အထည်ချုပ်နှင့် အခြားစက်ရုံများ၌ အလုပ်လုပ်သည့် မြန်မာ ၅၀၀၀ ကျော် ရှိပြီး၊ အလုပ်ရုံပေါင်း ၄၀ ကျော် ရှိသည်။

မြန်မာနိုင်ငံ အလုပ်သမား အဖွဲ့အစည်း နည်းဥပဒေ အာဏာတည်သည့် မတ်လ ၉ ရက်နေ့မှ စ၍ အဖွဲ့ဝင် ၃၀ ရှိပါက အလုပ်သမား သမဂ္ဂတခုကို တရားဝင် ဖွဲ့စည်းခွင့် ရရှိမည် ဖြစ်ပြီး၊ လက်ရှိတွင် မှတ်ပုံတင်ရန် လျှောက်ထားသည့် အလုပ်သမား အဖွဲ့အစည်း ၁၂ ခု ရှိပြီ ဖြစ်ကြောင်း သိရသည်။

ရန်ကုန်မြို့ မြို့တော်ခန်းမကြီးရှေ့မှာ လျှပ်စစ်မီးရရှိရေးဆန္ဒပြ


ရန်ကုန်မြို့တော်ရဲ့ အချက်အချာကျ မြို့တော်ခန်းမကြီးရှေ့မှာ မေလ ၂၂ ရက်နေ့ညနေက ရဲကားတွေ၊ လက်နက်ကိုင်ဆောင်ထားတဲ့ ရဲတွေ အသင့်အနေအထားရှိနေကြပြီး သူတို့ရဲ့သွင်ပြင်လက္ခဏာတွေက အရေးအခင်းကြီးတခုကို နှိမ်နင်းတော့မည့်အလား။
လျှပ်စစ်မီး ပုံမှန်ရရှိရေးအတွက် ရန်ကုန်မြို့ မြို့တော်ခန်းမရှေ့တွင် ဆန္ဒပြလှုပ်ရှားသူများ (ဓာတ်ပုံ - ခင်သြ / ဧရာဝတီ)
ရဲတွေအနီးမှာတော့ ကျောပိုးအိတ်ကိုယ်စီလွယ်လို့ ကင်မရာတွေ ကိုင်ဆောင်ထားကြတဲ့ သတင်းထောက်တွေ မြောက်မြားစွာ ရှိနေကြတယ်။ ညနေ ခြောက်နာရီ၊ ရုံးဆင်းချိန် လူအသွားအလာတွေ ရှုပ်ထွေးနေပြီး အိမ်ပြန်ဖို့ သွားလာလှုပ်ရှားနေကြတဲ့ ခရီးသွားပြည်သူတွေက ရဲတွေနဲ့ သတင်းထောက်တွေကို ကြည့်ပြီး အံ့သြငေးမောနေကြတယ်။
တချို့ပြည်သူတွေက သတင်းထောက်တွေနဲ့ ရဲတွေရဲ့ မလှမ်းမကမ်းမှာရပ်လို့ စူးစမ်းနေကြတယ်။ ဒီနေ့ ညနေ ၇ နာရီ ရန်ကုန်မြို့ မြို့တော်ခန်းမအနီးမှာ လျှပ်စစ်မီးရရှိရေး ဖယောင်းတိုင်ထွန်းဆန္ဒပြပွဲ ပြုလုပ်ဖို့ ရှိတယ်လို့ Facebook လူမှုကွန်ရက်မှာ ကျယ်ကျယ်ပြန့်ပြန့် သတင်းထွက်ရှိနေတာကြောင့် ရဲတွေ၊ သတင်းထောက်တွေက အသင့်အနေအထား လာရောက်စောင့်ဆိုင်းနေကြတာပါ။
ညနေ ၆ နာရီ ၄၀ မိနစ်ရှိလာပြီ ဖြစ်ပေမယ့် ပတ်ဝန်းကျင်တခုလုံးက လင်းလင်းထင်းထင်း ရှိနေသေးတယ်။ ပုံမှန်ဆိုရင် မီးမလင်းတဲ့ လမ်းဓာတ်မီးတိုင်တွေက ဒီကနေ့မှ ထူးထူးခြားခြား မီးတွေထိန်ထိန်ညီး ထွန်းလင်းနေတယ်။ လမ်းတွေပေါ်မှာတော့ ရဲကားတချို့ လှည့်ပတ်သွားလာလှုပ်ရှားနေတယ်။
ည ၇ နာရီ၊ မှောင်ရီသန်းလာချိန်မှာတော့ မြို့တော်ခန်းမအနီး လက်ရွေးစင် လက်ဖက်ရည်ဆိုင်ရှေ့မှာ အ၀ါရောင် မီးလျှံလေးတွေ မြောက်မြားစွာ ပေါ်ထွက်လာတယ်။ ကျောင်းသားခေါင်းဆောင် ကိုဟန်ဝင်းအောင်၊ အင်္ဂါဝတ်ပြုဆုတောင်းအဖွဲ့က ဒေါ်နော်အုန်းလှအပါအ၀င် လူသုံးဆယ်ကျော်က မီးထွန်းညှိထားတဲ့ ဖယောင်းတိုင်လေးတွေ ကိုယ်စီကိုင်လို့ တန်းစီလမ်းလျှောက်လာကြတယ်။
ဖယောင်းတိုင်လေးတွေ ကိုင်ဆောင်လမ်းလျှောက်လာတဲ့ ဆန္ဒပြသူတွေ သတင်းထောက် မြောက်မြားစွာက ၀ိုင်းအုံ ဓာတ်ပုံရိုက်ကူးကြပြီး တဖျတ်ဖျတ်လင်းနေတဲ့ ကင်မရာအလင်းရောင်တွေကြောင့် လူတွေပိုဝိုင်းအုံ လာကြတယ်။
မြို့တော်ခန်းမဘေးကနေ မဟာဗန္ဓုလလမ်းမဘေး၊ လမ်း ၃၀ ထိပ်ရောက်တယ်ဆိုရင်ပဲ ဆန္ဒပြသူတွေရှေ့က ဒုတိယ ရဲမှူးကြီးတဦးနဲ့ လုံထိန်းရဲတွေပိတ်ရပ်လိုက်တယ်။
“ဖယောင်းတိုင်တွေ မှုတ်လိုက်ပါ။ ဖယောင်းတွေထွန်းပြီး လမ်းမလျှောက်ပါနဲ့” လို့ ရဲအရာရှိက ဖျောင်းဖျတဲ့ လေသံနဲ့ စတင်ပြောတော့ ဆန္ဒပြပွဲဦးဆောင်သူ ဒေါ်နော်အုန်းလှက “ကျမတို့ကို အတင်းမလုပ်နဲ့။ ကျမတို့ရဲ့ ဆန္ဒကို ကျမတို့ ထုတ်ဖော်တာ။ ဒီမိုကရေစီနိုင်ငံမှာ ကိုယ့်ဆန္ဒကိုယ် ထုတ်ဖော်ခွင့်ရှိရမယ်” လို့ ပြန်ပြောတယ်။
ရဲအရာရှိတွေကတော့ မတင်းမမာ အနေအထားမျိုးနဲ့ ဆန္ဒပြသူတွေကို ဆက်ဆံပြီး လမ်းဆက်မလျှောက်ဖို့ တားမြစ်တယ်။
ဆန္ဒပြသူတွေက လမ်းလျှောက်ခွင့် မရရင်လည်း ဆူးလေစေတီပေါ်မှာ မီးပူဇော်မယ်ဆိုတဲ့ ရည်ရွယ်ချက်နဲ့ နောက်ကြောင်းပြန်လှည့် ဆူးလေဘုရားရင်ပြင်တော်ဆီ ဦးတည်လှမ်းလျှောက်သွားကြတယ်။ ရဲတွေကတော့ ဆန္ဒပြသူတွေနဲ့ ထပ်ကြပ်မကွာ လိုက်ပါနေပြီး ဆူးလေစေတီပေါ်ဆီကို တက်နိုင်ဖို့ လမ်းရှင်းပေးတယ်။
လူတွေ ရာပေါင်းများစွာကတော့ ဆူးလေစေတီပေါ်နဲ့ စေတီပတ်ပတ်လည်လည် ကားလမ်းမတွေပေါ်မှာ စုပြုံနေကြပြီ။
“ဒီည ပုံမှန် မဟုတ်ဘဲ မီးတွေထိန်လင်းနေတာ ဆန္ဒပြကြလို့ထင်တယ်။ ဒီပုံစံအတိုင်း မီးရဖို့ဆိုရင်တော့ နေ့တိုင်းဆန္ဒပြရမလိုပဲ” လို့ အသက် ၃၀ ကျော်အရွယ် ရန်ကုန်မြို့ခံတဦးက မှတ်ချက်ပြုတယ်။ သူ့အိတ်ကပ်ထဲမှာတော့ မီးထွန်းညှိမထားတဲ့ အတော်ကြီးမားတဲ့ ဖယောင်းတိုင်ကြီးတခု ရှိနေတယ်။
ည ၇ နာရီ ၃၅ မိနစ်မှာတော့ ဆန္ဒပြကြသူတွေ သူတို့ကိုင်ဆောင်ထားတဲ့ ဖယောင်းတိုင်တွေကို ဘုရားမှာ မီးပူဇော်ပြီး ၀တ်ပြုဆုတောင်းလူစုခွဲလိုက်ကြတယ်။
ဆူးလေစေတီ ပတ်ဝန်းကျင်တခုလုံးမှာ လူစုမကွဲသေးဘဲ လူတွေ ပိုတောင် များပြားလာပါတယ်။
ည ၈ နာရီကျော်မှာ မြို့တော်ခန်းမနဲ့ မျက်နှာချင်းဆိုင် ဆူးလေစေတီမုခ်ဦးရှေ့မှာ အ၀ါရောင် မီးလျှံလေးတွေ ထွက်ပေါ်လာပြန်တယ်။ ဒီတခါ ဖယောင်းထွန်းညှိဆန္ဒပြတာကတော့ သာမန်အရပ်သား ပြည်သူတဦး၊ တိတိကျကျဆိုရင်တော့ အိမ်ရှင်မတဦးဖြစ်ပြီး သူ့ရဲ့ညာဘက်လက်က အ၀ါရောင် တောက်နေတဲ့ မီးလျှံလေးကိုင်၊ ဘယ်ဘယ်လက်မှာတော့ ကလေးငယ်တဦးကို ပွေ့ချီထားတယ်။
အသက် ၅၀ ကျော်အရွယ် မျက်မှန်တပ်ဆင်ထားတဲ့ လူကြီးပိုင်း အမျိုးသားတဦးကလည်း လက်ထဲမှာ ဖယောင်းငယ်လေးကိုင်ပြီး သူ့တို့အနေနဲ့ မီးရဖို့ ငြိမ်းချမ်းစွာ ဆန္ဒပြတဲ့အကြောင်း ထုတ်ဖော်ပြောဆိုနေ ကြတယ်။
ည ၈ နာရီ ၁၀ မိနစ်မှာတော့ လက်ခုပ်သံတွေ တဖြောင်းဖြောင်းရုတ်တရက်ပေါ်ထွက်လာပြီး မြို့တော်ခန်းမနဲ့ ရန်ကုန်မြို့လယ်ခေါင်တခွင်မှာ လက်ခုပ်သံတွေ မြည်ဟည်းသွားတယ်။ လက်ခုပ်သံတွေနဲ့အတူ အ၀ါရောင်မီးလျှံပေါင်း မြောက်မြားစွာ ထွက်ပေါ်လာတယ်။
အ၀ါရောင်မီးလျှံလေးတွေ တောက်ပနေတဲ့ ဖယောင်းတိုင်တွေ ကိုင်ဆောင်ထားကြတဲ့သူတွေ မြောက်မြားစွာ ရှိနေပြီး ကလေးငယ်တွေ၊ လူငယ်လူရွယ်တွေ၊ အမယ်အို၊ အဘိုးအိုတွေ၊ မြန်မာပြည်ဖွား အစ္စလာမ်ဘာသာဝင်တွေ၊ လူထုလူတန်းလွှာ အလွှာပေါင်းစုံက ဖယောင်းတိုင်ငယ်လေးတွေ ကိုင်ဆောင်ထားကြတယ်။
“ပြောတော့ ဂတ်စ်တွေ၊ ဓာတ်ငွေ့တွေ အများကြီးထွက်တယ်ဆို၊ ကျနော်တို့ကို မီးလေးတောင် မှန်မှန်မပေးနိုင်ဘူးလား။ အဲဒါတွေကို တရုတ်ကို ရောင်းတယ်၊ ထိုင်းကိုရောင်းတယ်။ ကျနော်တို့ မြန်မာပြည်သူတွေကတော့ အမှောင်ထဲမှာ တသက်လုံးနေသွားရမလား” လို့ ဆိုလိုက်သူက အသက် ၆၀ ကျော်အရွယ် အမျိုးသားတဦး။
အဲဒီအမျိုးသားက သူက ကျူရှင်ဆရာတဦးဖြစ်ကြောင်း ပြောဆိုပြီး လျှပ်စစ်မီးမရတဲ့အတွက် ကလေးတွေ စာသင်၊ စာကျက် အရမ်းအခက်အခဲ ဖြစ်ရတယ်လို့ ဆိုပါတယ်။
ည ၈ နာရီ ၂၀ မိနစ်မှာ လက်ခုပ်သံတွေနဲ့အတူ “ မီးလာရမယ်” ဆိုတဲ့ ဟစ်ကြွေးသံတွေ လူအုပ်ကြီး ကြားထဲက ထွက်ပေါ်လာတယ်။
“နေပြည်တော်လို မီးလင်းရမယ်” … “ရန်ကုန်မြို့မှာ မီးလာရမယ်” … “၂၄ နာရီ မီးလင်းရမယ်” … “မြန်မာပြည်မှာ မီးရရမယ်” ဆိုတဲ့ အသံတွေက ဆက်တိုက်ဆိုသလို ထွက်ပေါ်လာတယ်။
ဒီကြွေးကြော်သံတွေက ကြိုတင်ပြင်ဆင်ခဲ့တဲ့ အသံတွေမဟုတ်ဘဲ လူတွေရဲ့ ရင်တွင်းကနေ ခံစားချက်တူစွာ ထွက်ပေါ်လာတယ်ဆိုတာ အားလုံးက နားလည်ကြတယ်။
ည ၈ နာရီခွဲမှာတော့ ဖယောင်းတိုင်ထွန်း ဆန္ဒပြပွဲ အောင်မြင်စွာ ပြီးဆုံးကြောင်း လူငယ်အချို့က ကြညာလိုက်ချိန်မှာတော့ လက်ခုပ်သံတွေ သောသောညံ ထွက်ပေါ်လာတယ်။
ဆူးလေစေတီအနီးမှာ စုဝေးနေကြတဲ့ လူစုကြီးက တဖြည်းဖြည်း လူစုခွဲသွားကြပြီ။
ရန်ကုန်မြို့တခွင် လမ်းမကြီးတွေ၊ ရပ်ကွက်တွေမှာ တော့ ပုံမှန်မဟုတ်ဘဲ လျှပ်စစ်မီးတွေ ထိန်ထိန်ညီးနေတယ်။

Tuesday, May 22, 2012

မုံရွာလျှပ်စစ်မီးရရှိရေး ဒုတိယနေ့ ဖယောင်းတိုင်မီးထွန်း ဆန္ဒပြ

 မဇ္ဈိမသတင်းဌာန | ဗုဒ္ဓဟူးနေ့၊ မေလ ၂၃ ရက် ၂၀၁၂ ခုနှစ် ၀၀ နာရီ ၁၇ မိနစ်

နယူးဒေလီ (မဇ္ဈိမ) ။ ။ မုံရွာမြို့ခံလူငယ်များက ဦးဆောင်ကာ လျှပ်စစ်မီး ပုံမှန်ရရှိရေး ဖယောင်းတိုင်မီး ထွန်းညှိ ဆန္ဒပြခြင်းကို မေလ (၂၂) ရက်နေ့ တွင် ဒုတိယနေ့အဖြစ် ည (၈) နာရီခန့်မှစတင်ကာ အသံတိတ် ငြိမ်းချမ်းစွာ ဆန္ဒပြ လမ်းလျှောက် ချီတက်ခဲ့ကြကြောင်း ဆန္ဒပြပွဲတွင် ပါဝင်သူ မုံရွာမြိုခံ ကိုရဲရင့်ကျော်က ပြောသည်။

“အားလုံးငြိမ်းချမ်းစွာ တောင်းဆိုကြတယ်၊ စကားမပြောဘဲနဲ့ မအော်ကြ၊ မဟစ်ကြဘဲနဲ့ ငြိမ်းချမ်းစွာ ချီတက်နေကြပါ တယ်ခင်ဗျ။ ပြည်သူတွေက ဆင်ဆင်ခြင်ခြင် ချီတက်နေတာပါ။ အားလုံးက အသိရှိပါတယ်။ ဖယောင်းတိုင်ထွန်းပြီး သွားမယ်။ လက်ထဲမှာကိုင်တဲ့ ပိုစတာတွေမှာတောင် ပြဿနာဖြစ်နိုင်တဲ့ ဆောင်ပုဒ်တွေ မရေးပါဘူးဗျ။ (၂၄) နာရီ မီးရရှိရေးဘဲ ရေးထားပါတယ်ဗျ။”

မုံရွာမြို့ခံလူထုက (၂၄) နာရီ လျှပ်စစ်မီးရရှိရေး လှုပ်ရှားမှုကို အားပေးထောက်ခံသည့်အနေဖြင့် အလိုအလျှောက် တက်တက်ကြွကြွ ပူးပေါင်းပါဝင်လာကြောင်း သိရသည်။

မုံရွာမြို့အပူချိန်သည် (၄၄) ဒီဂရီစင်တီဂရိတ်ခန့်ရှိနေပြီး မီးမလာသည့်အတွက် လေအေးပေးစက်များ၊ ပန်ကာများ သုံးစွဲနိုင်ခြင်း မရှိသည့်အပြင် သက်ကြီးရွယ်အိုတချို့ အပူဒဏ်မခံနိုင်တော့ပဲ သေဆုံးမှုများ ရှိသည်ဟု သိရသည်။

မုံရွာမြို့လျှပ်စစ်မီးရရှိမှုအခြေအနေမှာ အလှည့်ကျစနစ်ဖြစ်ပြီး ဆင်ခြေဖုံးရပ်ကွက်များတွင် မီးလုံးလုံးမလာကြောင်းနှင့် မုံရွာမြို့တရုတ်တန်းဈေးဘက်ရှိ ငွေကြေးတတ်နိုင်သည့်သူ တချို့သာ မီးစက်အသုံးပြုကြကြောင်း သိရသည်။

ဖယောင်းတိုင်၊ အင်ဗက်တာ၊ မီးစက်များ အသုံးပြုနေရပြီး လျှပ်စစ်မီးရရှိပုံနှင့် ပါတ်သက်သည့် အခြေအနေကို မုံရွာမြို့ခံ အလွတ်သတင်းထောက်တဦးက ယခုလိုပြောသည်။

“ဘယ်လောက်ထိ ဆိုးလဲဆိုတော့ အလှည့်ကျစနစ်နဲ့လည်း အလှည့်ကျ ပုံမှန်မဟုတ်ဘူးပေါ့၊ သဘောက မနက်ဖြန် (၆) နာရီလာမယ့်ရက်ဆိုလည်း လာချင်မှလာမယ်။ ပေးချင်တဲ့အချိန်မှာ ပေးတယ်။ သူတို့ဖြတ်ချင်တဲ့ အချိန်ဖြတ်တယ်။ (၁) နာရီလောက် မီးပေးပြီး ဖြတ်ရင်လည်း ဖြတ်သွားတာပေါ့လေ။”

လျှပ်စစ်မီးမလာမှုကြောင့် ထမင်း၊ ဟင်းချက်ပြုတ်ကြရာတွင် ထင်း၊ မီးသွေးလောင်စာများကို အသုံးပြုရခြင်းကြောင့် မြို့နေလူထုအတွက် မီးဘေးအန္တရာယ် စိုးရိမ်ရကြောင်း သိရသည်။

ပထမနေ့က ဆန္ဒဖော်ထုတ်မှုနှင့် ပါတ်သက်ပြီး မုံရွာမြို့လျှပ်စစ်ရုံးမှ တစုံတရာပြန်လည်ဖြေရှင်းခြင်း မရှိသလို ဖမ်းဆီးမှုများလည်း မရှိကြောင်းနှင့် ဒုတိယနေ့ ချီတက်ရာတွင် ပြည်သူများကလည်း ငြိမ်းချမ်းစွာပင် ဆန္ဒဖော်ထုတ်
နေကြောင်း သိရသည်။

လျှပ်စစ်ရုံးရှေ့မှစတင်ချီတက်ကာ မုံရွာမြို့အလေ့အထအတိုင်း ဗိုလ်ချုပ်အောင်ဆန်း မြင်းစီးကြေးရုပ်ကို ဆန္ဒပြ
ပြည်သူများ စီတန်းလှည့်လည် ခဲ့ကြသည်။ ည (၁ဝ)နာရီခန့်တွင် ဆန္ဒပြချီတက်ပွဲသို့ ပူးပေါင်း ပါဝင်လာသူ ပြည်သူ (၃ဝဝဝ) ခန့်ရှိလာပြီး ဆိုင်ကယ်စီးရေ တထောင်ခန့်ပါရှိလာကြောင်း သိရသည်။

မုံရွာမြို့လျှပ်စစ်ရုံးတွင် ဝန်ထမ်းအချို့ရှိသော်လည်း လျှပ်စစ်မီးရောင်မရှိသလို ပြည်သူများက လျှပ်စစ်ရုံးဘေး ပလက်ဖောင်းများပေါ်တွင် ဖယောင်းတိုင်များ ထွန်းထားသည်မှာ သီတင်းကျွတ်ပွဲကဲ့သို့ ထိန်လင်းနေကြောင်း သူကဆက်ပြောသည်။

မေလ (၂၂)နေ့ထုတ် မြန်မာ့အလင်းသတင်းစာတွင် နွေရာသီဆည်ရေခန်းခြောက်မှုကြောင့် လျှပ်စစ်ဓါတ်အား
ဖြန့်ဖြူးရာတွင် အုပ်စု (၃) ခွဲကာ အလှည့်ကျစံနစ်ဖြင့် ဖြန့်ဖြူးလျှက်ရှိကြောင်း နှင့် လျှပ်စစ်ဓါတ်အား ချွေတာသုံးစွဲရန် အမှတ်(၂) လျှပ်စစ်စွမ်းအားဝန်ကြီးဌာနက အထူးမေတ္တာရပ်ခံထားသည်။

တဆက်တည်းတွင် ရေတိုစီိမံချက်အဖြစ် ဓါတ်အားပေးစက်များ တည်ဆောက်နိုင်ရန် အမေရိကန်နိုင်ငံမှ General Electric ကုမ္ပဏီ၊ Caterpillar ကုမ္ပဏီတို့နှင့် ပူးပေါင်းဆောင်ရွက်နေပြီး ရေရှည်စီမံချက်အနေဖြင့် ရန်ကုန်မြို့အနီး ဂျပန်နိုင်ငံ J-Power ကုမ္ပဏီနှင့် ဖက်စပ်ပြုလုပ်၍ (၆ဝဝ) မဂ္ဂဝပ်ထုတ်လုပ်မည့် ကျောက်မီးသွေးသုံး ဓါတ်အားပေး စက်ရုံနှင့် ကိုးရီးယားသမ္မတ နိုင်ငံ BKB ကုမ္ပဏီနှင့် ပူးပေါင်း၍ (၅ဝဝ) မဂ္ဂဝပ်ဓါတ်အားထုတ်လုပ်နိုင်မည့် သဘာဝ ဓါတ်ငွေ့သုံး ဓါတ်အားပေးစက်ရုံကို တည်ဆောက်ရန် စီစဉ်ဆောင်ရွက်နေသည်ဟု ဖော်ပြထားသည်

 


နောက်ဆုံးသတင်းများ