ပြည်ပရောက်မြန်မာများ လွတ်ငြိမ်းချမ်းသာခွင့် လွှတ်တော်၌ တင်သွင်း

ဧရာဝတီ Friday, 04 February 2011 18:53

အမျိုးသား ဒီမိုကရေစီ အင်အားစု (NDF) ပါတီမှ အနိုင်ရထားသည့် ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြည်ပ ရောက် မြန်မာများ လွတ်ငြိမ်းချမ်းသာခွင့်နှင့် ပတ်သက်၍ အဆိုပြုလွှာ တစောင်ကို ယမန်နေ့က နေပြည်တော်၌ ကျင်းပသော လွှတ်တော် အစည်းအဝေးတွင် တင်သွင်းခဲ့သည်။

ပြည်ပသို့ ရောက်ရှိနေသော မြန်မာနိုင်ငံသားများ အနေနှင့် ပြည်တွင်းသို့ ပြန်သည့်အခါ ဥပဒေ ပုဒ်မများဖြင့် အရေးယူ မခံရ အောင် ဥပဒေကြောင်းအရ တင်သွင်းခြင်း ဖြစ်ကြောင်း ဦးသိန်းညွန့်က ဧရာဝတီသို့ ပြောသည်။

“ပြန်လာတဲ့ လူမှန်သမျှကို အရင်ပစ်မှု တခုခုနဲ့ ကျူးလွန်တယ်လို့ စွပ်စွဲချက်တွေ အားလုံးဟာ အကျိုး မသက်ရောက်စေရဘူး” ဟု ၎င်းက ဆိုသည်။

လွှတ်တော်က အဆိုပြုလွှာကို စိစစ်၍ လက်ခံကြောင်း ကြေညာပါက အဆိုတင်သွင်းရမည်ဖြစ်ကြောင်း၊ ထောက်ခံမည့် သူများ လည်း ပေါ်ပေါက်လာနိုင်ကြောင်း ဦးသိန်းညွန့်က ရှင်းပြသည်။

“အဲဒီမှာ ကျနော်ပြောရမယ့် အချက်တွေကတော့ ဥပဒေ အကြောင်း ပြောမှာဖြစ်သလို နိုင်ငံရေးနဲ့ ပတ်သက်ပြီး ပြောသွားမှာ ဖြစ်ပါတယ်၊ သူတို့ လက်ခံလို့ ရှိရင်လည်း လုပ်လို့ကိုင်လို့ အရေးကြီးတာ ထောင်တံခါး ပွင့်ဖို့အတွက် အဓိက ကျနော် ကြိုးစား သွားမယ်” ဟု ၎င်းက ဆိုသည်။

ဦးသိန်းညွန့်သည် ၁၉၉၀ ရွေးကောက်ပွဲ တွင်လည်း အမျိုးသားဒီမိုကရေစီ အဖွဲ့ချုပ် (NLD) ပါတီမှ အနိုင်ရ လွှတ်တော် အမတ် တဦး ဖြစ်သည်။

၂၀၁၀ ရွေးကောက်ပွဲ မတိုင်ခင်က ဦးသိန်းညွန့်အပါအဝင် NLD အဖွဲ့ဝင်တချို့သည် NLD ပါတီမှခွဲထွက်၍ NDF ပါတီကို တည် ထောင်ခဲ့ကြသည်။

NDF ပါတီ၏ ပြောရေး ဆိုခွင့်ရှိသူ ၃ ဦးမှာ ပါတီ၏ ဥက္ကဋ္ဌ ဒေါက်တာသန်းငြိမ်း၊ ဦးခင်မောင်ဆွေနှင့် ဦးသိန်းညွန့် တို့ဖြစ်ပြီး ဒေါက် တာသန်းငြိမ်းနှင့် ဦးခင်မောင်ဆွေတို့မှာ လွှတ်တော်အမတ်များ အဖြစ် ရွေးကောက်ပွဲ မဝင်ခဲ့ဘဲ ဦးသိန်းညွန့်မှာမူ ရန်ကုန် တိုင်း သင်္ဃန်းကျွန်းမြို့နယ် ပြည်သူ့ လွှတ်တော် မဲဆန္ဒနယ်မှ ၀င်ရောက်ယှဉ်ပြိုင်ခဲ့ရာ အနိုင်ရရှိခဲ့သည်။