ကီလို ၉၀၀၀ နီးပါး ကျောက်စိမ်းတုံးကြီးနှစ်တုံး လိမ်လည်ခံရမြန်မာနိုင်ငံကျောက်စိမ်းနှင့် ကျောက်မျက်ရတနာတူးဖော်ရေး နှင့်ရောင်းဝယ်ရေး ကုမ္ပဏီတစ်ခု ဖြစ်သည့် သီတာမြနန်းကျောက် မျက်ကုမ္ပဏီပိုင် ဖားကန့်ဒေသ ထွက် ယူရိုငွေ ၁ ဒသမ ၈ သန်း တန် ကျောက်စိမ်း အရိုင်း နှစ်တုံး အား တရုတ်ပြည်သူ့သမ္မတနိုင်ငံ ရှိ ကျောက်မျက်ကုမ္ပဏီတစ်ခုက လိမ်လည်မှု ပြုလုပ်ခဲ့ကြောင်း သတင်း ရရှိသည်။
သီတာမြနန်း ကျောက်မျက် ကုမ္ပဏီပိုင် ၈၈၀၀ နှင့် ၈၉၀၀ ကီလိုဂရမ်ရှိ ကျောက်စိမ်းအရိုင်း တုံး နှစ်တုံးအား လွန်ခဲ့သည့် ၅ နှစ်ခန့် ၂၀၀၇ ခုနှစ်က ရန်ကုန် တွင် ပြုလုပ်ခဲ့သည့် (၂၂)ကြိမ် မြောက် မြန်မာ့ကျောက်မျက်ပြပွဲ တွင် တရုတ်ပြည်သူ့သမ္မတနိုင်ငံ မှ ချန်လုံကျောက်မျက်ကုမ္ပဏီသို့ အရောင်းအ၀ယ်ပြုလုပ်ရန် ယုံ ကြည်စွာ အပ်နှံခဲ့ကြောင်း သိရသည်။
ထို့နောက် ချန်လုံကုမ္ပဏီမှ တရုတ်ပြည်သူ့သမ္မတနိုင်ငံ ကွမ် တုံပြည်နယ်ရှိ ၎င်းတို့၏ ကုမ္ပဏီ ရုံးခွဲသို့ အဆိုပါကျောက်စိမ်းအရိုင်း တုံးနှစ်တုံးအား သယ်ယူပို့ဆောင် ခဲ့ကြောင်း၊ ထိုကဲ့သို့ သယ်ယူရာ တွင်လည်း အခွန်အခနှင့် ပတ် သက်သည့် ကုန်ကျစရိတ်အားလုံး ကို သီတာမြနန်းကုမ္ပဏီက ပေး အပ်ခဲ့ကြောင်း သိရသည်။
တရုတ်ပြည်သူ့သမ္မတနိုင်ငံသို့ ကျောက်စိမ်းနှစ်တုံး ရောက်ရှိချိန် တွင်ချန်လုံကုမ္ပဏီဘက်မှ တရား ၀င်တင်သွင်းမှု၊ အကောက်ခွန်ပေး ဆောင်မှုအခွန်ဆောင်ပြီးကြောင်း သက်သေခံလက်မှတ်များကို ပြန် လည်ပေးအပ်ခြင်း မရှိသဖြင့် စ တင်၍ ပြဿနာဖြစ်ပွားခဲ့ ကြောင်း သီတာမြနန်းကုမ္ပဏီ ပိုင်ရှင် ဦးလှထွန်းထံမှ သိရသည်။
"ဒီကျောက်စိမ်းတုံးကိစ္စတွေ ပြေလည်ဖို့ သူတို့ကို အကြိမ်ကြိမ် ညှိနှိုင်းခဲ့တယ်။ သူတို့ဘက်က ဘာမှမတုံ့ပြန်ဘူး။ အခုကျောက် စိမ်းတုံးတွေက တရုတ်ပြည် ရောက်နေလို့ တရုတ်ပြည်အထိ သွားပြီး အမှုဖွင့် တရားစွဲဆိုရခြင်း ဖြစ်ပါတယ်။ တကယ်လို့ ဒီကျောက်စိမ်းတုံး (၂)တုံးဟာ တရုတ်ပြည်ထဲကို တရားမ၀င် တင်သွင်းတာဆိုရင် အသိမ်းခံရ ပြီး သွင်းတဲ့သူလည်း ဥပဒေအရ အရေးယူခံရမှာပါ"ဟု သီတာ မြနန်းကုမ္ပဏီ၏ ရန်ကုန်ကိုယ် စားလှယ် ဦးကျော်ကျော်ဟိန်းက Business Today သို့ ပြော သည်။
တရားစွဲဆိုရာတွင် ချန်လုံ ကုမ္ပဏီဥက္ကဋ္ဌ ဦးရန်ကြားဆိုက် နှင့် တရုတ်နိုင်ငံသား လျန်စွတ် ဖိန်တို့ကို တရုတ်ပြည်သူ့သမ္မတ နိုင်ငံ၊ ကွမ်တုံးပြည်နယ်၊ ဖူစန်း မြို့ရှိ အလတ်စား ပြည်သူ့တရား ရုံးတွင် တရုတ်ပြည်သူ့သမ္မတ နိုင်ငံ ပုဒ်မ ၂၄၂အရ ၂၀၁၂ခုနှစ်၊ ဖေဖော်ဝါရီလအတွင်း တရား စွဲဆိုထားကြောင်း သိရသည်။
ထို့အပြင် သီတာမြနန်း ကုမ္ပဏီပိုင် ကျောက်စိမ်း နှစ်တုံး ကို ဦးရန်ကြားဆိုက်ပိုင် တရုတ် ပြည်သူ့သမ္မတနိုင်ငံ၊ ကွမ်တုံးပြည် နယ်၊ တာ့ယိတုန်းလမ်း၊ အမှတ် (၁၅)တွင် ထားရှိပြီး ၎င်းကျောက်စိမ်းနှစ်တုံးကို မည်သူမျှကိုင်တွယ် ခွင့်မရှိစေရန် အာဏာပိုင်များက ပိတ်ပင်ထားကြောင်း သိရသည်။
ညွှန်း - ယနေ့စီးပွားရေးဂျာနယ် - http://www.businesstoday.com.mm/index.php?option=com_content&view=article&id=3825:2012-03-10-04-42-03&catid=52:home
+Post+Card+1+(final).jpg)
+Post+Card+2+(final).jpg)
No comments:
Post a Comment