မြင်ကွင်းတစ (သက်ထွန်း)
Posted by khin chan myae on December 17, 2012 1 Comment
ယခု တွေ့ မြင်နေ ရသည်က နိုင်ငံရေးပွဲစားများသာ၊ ဘာကြောင့်ဆို ပြည်သူ့ဖက်ကရပ်တည်ပြီး ပြောဆိုလုပ်ဆောင်ကြ သည် မဟုတ်ဘဲ၊ အုပ်ချုပ်သူနှင့် ပြည်သူလူထု၏ အကြားတွင် ကြားဝင်စေ့စပ်သူများအဖြစ်ဖြင့်သာ ပြောဆိုလုပ်ဆောင် နေကြသလို၊ တချို့ကလည်း ပြည်သူလူထုသဘောထားနှင့် လက်ရှိလုပ်ရပ်များမှာ (လက်ပံတောင်းတောင်ကိစ္စ၊ မိုးထိ မိုးမိ ကိစ္စအပါအ၀င် အခြားလယ်သမား၊ အလုပ်သမားများ၏ ဘ၀ရပ်တည်ရေးအတွက် ဆန္ဒထုတ်ဖော် တိုက်ပွဲဝင်မှုများ အပေါ်တွင်သာမက အစိုးရဆိုသူများမှ တရားလက်လွတ် ဖမ်းဆီးခြင်း၊ အကြမ်းဖက် လုပ်ဆောင်ခြင်းများနှင့် နောက် ဆက်တွဲဖြစ်ရပ်များသည်) ၎င်းတို့နှင့် တိုက်ရိုက်သက်ဆိုင်ခြင်း မရှိသလို သဘောထားမျိုးနှင့် အမြင်မတော်၍သာ ၀င် ပြောရသလိုလို၊ ပြောပြန်တော့လည်း အုပ်ချုပ်သူများဘက်မှ အမြင်စောင်းမည်စိုးသဖြင့် စကားကို လှည့်ပတ်ပြောနေ ကြပြန်တာကြောင့် ဖြစ်ပါတယ်။
တကယ်တော့ ပြည်သူအတွက် မိမိနှင့်အုပ်ချုပ်သူများကြား အထင်အမြင်လွဲမှားမှု (သို့) အုပ်ချုပ်သူများမှ မိမိအပေါ် အ မြင်မကြည်လင်မှု (သို့) အုပ်ချုပ်သူနဲ့မိမိ၏ ကြားရထားတဲ့ အခွင့်အလမ်းများပျက်ပြားသွားခြင်း၊ ယုတ်လျော့သွားခြင်း မျိုး အဖြစ်မခံလိုတဲ့ သဘောထားမျိုးဟာ ပြည်သူကို ဦးဆောင်နေ (သို့) လိုသူများအတွက် အင်မတန်မှ မှားယွင်းတဲ့ အ တွေးအခေါ်တရပ်သာ ဖြစ်ပါတယ်။
ပြည်သူကို ဦးဆောင်ဦးရွက် ပြုနိုင်သူတွေက တာဝန်ကိုရှောင်လွဲနေမှုဟာ ပြည်သူလူထုအတွက် အလွန်ကြေကွဲဘွယ် ကောင်းတဲ့ အခြေအနေပဲဖြစ်တယ်။ ဤနိုင်ငံသည် တည်ငြိမ်တိုးတက်သည့် နိုင်ငံရေးအခြေအနေမျိုး၊ စီးပွားရေးအခြေ အနေမျိုးနှင့် လူမှုအဖွဲ့အစည်းများရှိနေပြီဟု ထင်မြင်ယူဆချက်မျိုး အားကောင်းနေပြီလော၊ ပြည်သူလူထုကို ဦးဆောင် ကိုယ်စားပြုသည့် အတိုက်အခံမျိုး မလိုအပ်တော့ပြီဟု ခံယူချက်များရှိနေကြပြီလော။ ဤသို့ဖြစ်ပါက ကြောက်မယ်ဖွယ် ကောင်းသည့် အတွေးအခေါ်များသည် အတိုက်အခံ ဒီမိုကရေစီအင်အားစုများကြား လွှမ်းမိုးနေပြီဟုဆိုရတော့မှာ ဖြစ်ပါ တယ်။
ဘာကြောင့်ဆို ကြံ့ဖွံ့အစိုးရဆိုသူများ၏လက်တွင်၊ တိုင်းပြည်သည် စစ်အာဏာရှင်စနစ်၏ ဆိုးဝါးသည့်အကျိုးဆက်များ အား ဆက်လက်ခံစားနေမြဲ၊ လွတ်မြောက်ရန် ကျိုးစားနေရဆဲရှိတုန်းပဲ ဖြစ်တယ်၊ သေချာသည့်အချက်အလက်များက တော့ ပြည်သူလူထု၏ စားဝတ်နေရေးနှင့် ဘ၀ရှင်သန်ရေးနှင့် ဘ၀လုံခြုံရေးအခြေအနေများသည် အနိမ့်ဆုံးရေချိန်မှတ် သို့ လျောကျနေဆဲ၊ တိုင်းပြည်၏ စီးပွားရေးအခန်းကဏ္ဍတခုလုံးသည်လည်း စစ်ခေါင်းဆောင်ဟောင်းများနှင့် ၎င်းတို့၏ လက်ဝေခံဖြစ်သည့် ခရိုနီများ၏လက်တွင်း၌သာ တည်ရှိမြဲတည်ရှိနေခြင်း၊ ၎င်းတို့၏အကျိုးစီးပွားနှင့်လုပ်ပိုင်ခွင့်များအား လက်ရှိကြံ့ဖွံ့အစိုးရဆိုသည်မှ ဆက်လက်ကာကွယ်ထိန်းသိမ်းမှု ပြုလုပ်နေရခြင်း၊ တရားရေးမဏ္ဍိုင်အနေဖြင့် ယိုယွင်း ပျက်ဆီးမြဲ ပျက်ဆီးလျက်ရှိနေပြီး၊ ဥပဒေ၏အထက်တွင် စစ်တပ်နှင့်အာဏာပိုင်အသိုင်းအ၀ိုင်းက ရှိနေပြီး၊ ပြည်သူလူ
ထုအား ဖိနှိပ်အနိုင်ကျင့်ရန်အတွက်သာ ဥပဒေကို ကျင့်သုံးလျက်ရှိနေခြင်း၊ ပြည်တွင်းစစ်မီး ဆက်လက်တောက်လောင် လျက်ရှိနေခြင်း၊ တိုင်းပြည်၏ ပကတိလိုအပ်ချက်များ (တိုင်းပြည်ငြိမ်းချမ်းရေး၊ တည်ငြိမ်တိုးတက်မှုရှိရေး၊ အမျိုးသား ညီညွတ်မှု ပြန်လည်တည်ဆောက်နိုင်ရေး စသည်တို့အတွက်၊ စစ်မှန်သည့် ညှိနိုင်း ဆွေးနွေးမှုမျိုးကို တိုင်းရင်းသားများ နှင့်သော်လည်းကောင်း၊ အခြား နိုင်ငံရေးအင်အားစုများနှင့်သော်လည်းကောင်း ပြုလုပ်ခြင်းမရှိဘဲ )၊ မသိကျိုးကျွံ လျှစ် လျူရှုထားပြီး တဖက်တွင်လည်း အစိုးရ၏ ငြိမ်းချမ်းရေးကိုယ်စားလှယ်အဖွဲ ဟုဆိုကာ အကောင်အထည်ဖော်မှုမရှိသော စကားများအား လှည့်ပတ်ပြောဆိုရန်အတွက် လူအချို့အား ပြည်တွင်းပြည်ပသို့ စေလွှတ်ပြီး ပြည်သူလူထုတရပ်လုံးနှင့် နိုင်ငံတကာအား လိမ်ညာနေပြီး၊ စစ်အာဏရှင်စနစ် တည်မြဲရေးအား အခြေပြု ရေးဆွဲထားသည့် ဖွဲ့စည်းအုပ်ချုပ်ပုံ ဥပ ဒေအား အသက်သွင်းတည်မြဲနိုင်ရန် အလို့ငှာ ဆက်လက်လုပ်ဆောင်နေခြင်း စတဲ့ စက်ဆုပ်ဖွယ်ကောင်းတဲ့ ဖြစ်စဉ်တွေ နဲ့ ရွေ့ရှားနေခြင်းသာဖြစ်တယ်။
တချိန်တည်းမှာ စစ်အာဏာရှင်စနစ်ကို ထောက်ပြဝေဖန်သူ၊ ဆန့်ကျင်သူမှန်သမျှအတွက် ကြံ့ဖွံ့အစိုးရမှာ ဒီမိုကရေစီ မရှိ ပါဘူး၊ သူတို့ နိုင်ငံရေးဝန်းကျင်နဲ့ စနစ်ကို တုန်ခါစေမယ့်လုပ်ရပ်မျိုး၊ အာဏာပါဝါ လျော့ပါးစေမယ့်အဖြစ်မျိုးတွေဆိုရင် ရက်ရက်စက်စက်ဖယ် ရှင်းဖို့ရာ ဘယ်သောအခါမှ လက်တွန့်သွားမှာမဟုတ်ပါဘူး၊ စစ်အုပ်စုရဲ့မဟာဗျူဟာအရ လော လောဆယ် ရေတိုလုပ်ငန်းစဉ်အဖြစ် ဦးသိန်းစိန်ခေါင်းဆောင်တဲ့ ကြံ့ဖွံ့အစိုးရတာဝန်ယူလုပ်ဆောင်နေရတာက နတ၀၊ နအဖ စစ်ခေါင်းဆောင်ဟောင်းတွေ (အဓိက သန်းရွှေ သေလွန်သည်အထိ) တိုင်းပြည်က မတရားခိုးယူသိမ်းပိုက်ထား တဲ့ ပစ္စည်းဥစ္စာတွေကို ခံစား စံစားပြီး အေးချမ်းစွာပျော်ပါးနေနိုင်ရေးအတွက် စနစ်တကျ အကာအကွယ်ပေးနိုင်ရေးပဲ ဖြစ်တယ်၊ ရေရှည်လုပ်ငန်းစဉ်အဖြစ်ကတော့ စစ်အာဏာရှင်စနစ် တရားဝင်ထူထောင်နိုင်ရေးပဲ ဖြစ်ပါတယ်။ ဒီမိုကရေစီ မဟုတ်ပါဘူး။
ဒါကြောင့် နိုင်ငံရေးအရ လိုအပ်ချက်ဖြစ်သည့် ၂၀၀၈ ဖွဲ့စည်းပုံအခြေခံဥပဒေ (စစ်အာဏာရှင်စနစ်အား တရားဝင် ထူ ထောင်နိုင်ရေးအတွက် ပြဋ္ဌာန်းထားသည့် ဖွဲ့စည်းပုံ) ကို ပြင်ဆင်ခြင်း သို့တည်းမဟုတ် ဖျက်သိမ်းခြင်းပြုလုပ်ပြီး၊ အမျိုး သားညီညွတ်ရေးတည်ရှိစေမည့် စစ်မှန်သော ပြည်ထောင်စုတခုအဖြစ် တည်ဆောက်ရေး၊ ဒီမိုကရေစီအချက်များဖြင့် အ ခြေခံသည့် နိုင်ငံရေးဝန်းကျင်တရပ်တည်ရှိမှု၊ လူအခွင့်အရေး ချိုးဖောက်ခံရခြင်းများအား ကာကွယ်နိုင်မှု စသည့် အခြေ ခံကျလိုအပ်ချက်များဖြင့် ရေးဆွဲထားသည့် ဖွဲ့စည်းအုပ်ချုပ်ပုံအခြေခံဥပဒေတရပ် ပေါ်ပေါက်ရေးကို မျက်ခြေမပြတ်သင့် ပါဘူး။
လက်ရှိအနေအထားတွင် တိုင်းပြည်၏ ပကတိလိုအပ်ချက်အား ခဏဘေးဖယ်ထားသည့် သဘောသဘာဝမျိုးကို အ တိုက်အခံအင်အားစုများအတွင်း တွေ့နေရပြီး၊ စစ်တပ် (၀ါ ) ကြံ့ဖွံ့အစိုးရနှင့် အဆင်ပြေရေးဆိုသည့်အချက်မှာ ပိုအား ကောင်းနေပေတယ်၊ ဒါ့အတွက် နောက်ဆက်တွဲ အကျိုးဆက်အဖြစ် ပြည်သူလူထုအား တိုက်ရိုက်ဦးဆောင်မှုပေးခြင်းမျိုး မပြုတော့ဘဲ ရှောင်ရှားလာကြတာကို တွေ့ကြုံရပါတော့တယ်။ ထိုကဲ့သို့အခြေအနေမျိုးတွင် ပြည်သူလူထုအနေဖြင့် မည်သို့ခံစားမှုမျိုး ဖြစ်ပေါ်လာပြီး၊ မည်သို့တုံ့ပြန်တတ်သနည်း ဆိုသည်ကို ဦးဆောင်မှု အခန်းကဏ္ဍတွင် ရှိနေကြသော သူများအနေနဲ့ လေးလေးနက်နက် သတိချပ်သင့်ပါတယ်။
ပြည်သူလူထု၏ အလွန်ရိုးရှင်းသော တုံ့ပြန်ချက်မှာ ၎င်းတို့ကြုံတွေ့ခံစားနေရမှုများအား အကြောက်တရားမဲ့စွာ ဖွင့်ဟ ဖော်ထုတ်ပြသခြင်းသာ ဖြစ်ပါလိမ့်မယ်၊ ဘာကြောင့်ဆို တရားလက်လွတ် ဖိနှိပ်မှုများကို ခံနေရခြင်းရဲ့အဆုံးစွန်မှာ (အ ကြောက်တရားဆိုတာ ကုန်ဆုံးသွားပြီး) တော်လှန်ပုန်ကန်ခြင်းဆိုတာသာ ရှိနေတဲ့အတွက်ပဲ ဖြစ်ပါတယ်။ လက်ရှိမှာ လည်း ပြည်သူတရပ်လုံး ကြုံတွေ့နေရသည်က အာဏာပိုင်အဆင့်ဆင့်၏ ဖိနှိပ်မှုကိုခံရခြင်း၊ ဘ၀လုံခြုံမှုမရှိတော့ခြင်း၊ တရားဥပဒေ၏ ကာကွယ်မှုကို ကောင်းစွာမရရှိတော့ဘဲ တရားလက်လွတ် အနိုင်ကျင့်ခံရမှုများ အမြဲတွေ့ကြုံနေရခြင်း၊ နိုင်ငံသားတဦးအနေဖြင့် လွတ်လပ်မှု မရှိသည့် အခြေအနေသို့ကျဆင်းသွားပြီဟု ခံစားမှုကြီးမြင့်လာခြင်း၊ ဘိုးစဉ်ဘောင် ဆက် နေထိုင်လာကြသည့်နေရာများ လုပ်ကိုင်စားသောက်ရာနေရာများမှ မောင်းထုတ်ခံနေရခြင်း၊ ကျန်းမာရေးစောင့် ရှောက်မှု ကင်းမဲ့ခြင်း၊ အလုပ်အကိုင်မရှိမှု တိုးတက်များပြားလာခြင်း၊ ကုန်ဈေးနှုန်းကြီးမြင့်မှု ပိုမိုလာခြင်း အစရှိတဲ့ အခြေ ခံကျကျ အချက်တွေကြောင့် ပြည်သူလူထုဟာ လူချင်းတူတူ သူချင်းမျှမျှ ဘ၀မျိုးမရှိကြတော့ဘဲ၊ စားစရာမရှိ နေစရာ နတ္ထိ အနေအထားမျိုးကို တွန်းပို့ခံလိုက်ရပြီ ဖြစ်ပါတယ်။
ဤအခြေအနေမျိုးတွင် ပြည်သူလူထု၏ အလွန်ရိုးရှင်းသောတုံ့ ပြန်ချက်မှာ ၎င်းတို့ ကြုံတွေ့ခံစားနေရမှုများအား အ ကြောက်တရားမဲ့စွာ ဖွင့်ဟဖော်ထုတ်ပြသခြင်းသာ ဖြစ်ပေလိမ့်မည်၊ ဘာကြောင့်ဆို တရားလက်လွတ် ဖိနှိပ်မှုများကို ခံ နေရခြင်းရဲ့အဆုံးစွန်မှာ (အကြောက်တရားဆိုတာ ကုန်ဆုံးသွားပြီး) တော်လှန်ပုန်ကန်ခြင်းဆိုတာသာ ရှိနေတဲ့ အတွက် ပဲဖြစ်တယ်။ ပြည်သူလူထုသည် ၎င်းတို့၏ အခြေအနေအားဖော်ထုတ်ပြသရာတွင် အုပ်ချုပ်သူများကဲ့သို့ နိုင်ငံရေးစကား လုံးများ၊ နိုင်ငံရေးကစားကွက်များနှင့်မလုပ်တတ်၊ သူတို့လိုအပ်ချက်များ၊ သဘောထားများကို ရိုးရိုးရှင်းရှင်းသာ ဖော် ထုတ်မည်ဖြစ်သည်၊ သို့သော် ပြည်သူသည် မည်သည့်အခါမှ မမှား၊ ထို့ကြောင့် မည်သည့်အတွက်ကြောင့် ဖြစ်သည်ကို အခြေခံကျကျ (အဓိကအကြောင်းရင်းအား) လေ့လာရှာဖွေခြင်း၊ သုံးသပ်ဆင်ခြင်ခြင်း၊ အဖြေရှာဖော်ထုတ်ခြင်းနှင့် ပြင် ဆင်ဆောင်ရွက်ခြင်းများကို သာပြုရမှာဖြစ်ပါတယ်။
ပြည်သူကို ဦးဆောင်သူများသည် ပြည်သူ့အကျိုးစီးပွားကို ဦးထိပ်ထားရသည်၊ ပြည်သူ့အသံ ပြည်သူ့ဘ၀၊ ပြည်သူ၏ သ ဘောဆန္ဒအား အလေးအနက်ထားရသည်၊ နိုင်ငံတော် ဆိုသည်မှာ ပြည်သူမရှိဘဲ ဖြစ်တည်နိုင်သည်မဟုတ်ဆိုသည်ကို မမေ့အပ်သလို၊ အစိုးရဆိုသည်မှာလည်း တိုင်းပြည်တခု၏ ဖြစ်တည်ရေးတွင် အစိတ်အပိုင်းတခုသာဖြစ်သည်ဆိုသည်ကို နားလည်သင့်ပါတယ်။ ဒါ့အပြင် ပြည်သူအား ဦးဆောင်မှုပြုနေပြီး ပြည်သူ့အကျိုးစီးပွားကို ကြည့်သူများအနေနဲ့သတိပြု သင့်တာက နိုင်ငံတော်နဲ့အစိုးရ အနက်အဓိပါယ်အားဖြင့်သာမက သဘောသဘာဝအားဖြင့်လည်း အလွန်ကွာခြားတယ် ဆိုတာပါပဲ။
နိုင်ငံတော်တခုရဲ့ဖြစ်တည်မှုမှာ အစိုးရဆိုတာ နိုင်ငံတော်ရဲ့ အစိတ်အပိုင်းယန္တရားတခုသာဖြစ်ပြီး နိုင်ငံတော်အတွင်းမှာ ရှိတဲ့ ပြည်သူလူထုရဲ့အကျိုးစီးပွားနဲ့ကောင်းကျိုးကိုသာ လုပ်ဆောင်ကြရမှာ ဖြစ်ပါတယ်၊ သို့ပေမယ့် ဗမာနိုင်ငံက စစ်အာ ဏာရှင်တွေဟာ အစိုးရတရပ်အနေနဲ့သာမကတော့ဘဲ၊ နိုင်ငံတော်သည် အစိုးရ၊ အစိုးရသည် နိုင်ငံတော်ဆိုတဲ့ အသွင် သဏ္ဌာန်မျိုးနဲ့ နိုင်ငံတော်ရဲ့အကြွင်းမဲ့အာဏာကို ၎င်းတို့အကျိုးစီးပွား (အဓိကအားဖြင့် အာဏာတည်မြဲရေး) အတွက် အလွဲသုံးစား လုပ်လေ့ရှိသည်ကို အမြဲမပြတ် တွေ့ရမှာဖြစ်တယ်။ ဒါကြောင့် ပြည်သူအကျိုးစီးပွားကို မျက်နှာလွှဲ ခဲပစ်လုပ် တဲ့ အစိုးရမျိုးကို ဆန့်ကျင်တာဟာ နိုင်ငံတော်ကို သစ္စာရှိခြင်းသာဖြစ်ပါတယ်။ ဒီလိုမဟုတ်ဘဲ လက်တလော အာဏာရှိ သူကိုပဲ မျက်နှာသာပေး ပေါင်းဖက်ကြမယ်ဆိုရင်တော့ ပြည်သူကို အနိုိုင်ကျင့်နှိပ်စက်ရာမှာ ပူးပေါင်းပါဝင်မှု ပြုနေသလို ဖြစ်ပြီး၊ နိုင်ငံတော်ကိုလည်း ဆန့်ကျင်ရာရောက်သွားမှာ ဖြစ်ပါတယ်။
ဘယ်သူပဲဖြစ်ဖြစ် ပြည်သူရဲ့ ကောင်းကျိုးဆိုးပြစ်အား ရပ်ခံခြင်းမပြုဘဲ (ပြည်သူ၏ ဖြစ်တည်မှုအားလုံးအား တာဝန်ခံမှု မရှိဘဲ ) ပြည်သူအား ဦးဆောင်သည်ဆိုခြင်းဟာ အင်မတန် အောက်တန်းကျသည့် သဘောထားမျိုး၊ လုပ်ရပ်မျိုးပဲဖြစ် တယ်၊ သေချာတာက ထိုကဲ့သို့ပြုမှုဆောင်ရွက်ချက်မျိုးဟာ ၎င်းတို့၏ ပုဂ္ဂလိက စိတ်ဝင်စားမှုနှင့် အကျိုးစီးပွားအပေါ်တွင် သာ အခြေခံနေတယ်ဆိုတာ ရှင်းရှင်းလင်းလင်း မြင်တွေ့ရမှာ ဖြစ်ပါတယ်။
အုပ်ချုပ်သူဖြင့် ပူးပေါင်းဆောင်ရွက်မှသာ တိုင်းပြည်တိုးတက်မည် တည်ငြိမ်မည်ဆိုတဲ့ အတွေးအခေါ်ဟာ ဘယ်ကနေ ဆင်းသက်လာသလဲဆိုတာ ပြန်ပြီးဆန်းစစ်ကြည့်ဖို့လိုနေပါတယ်။ ပြည်သူကိုအခြေမခံဘဲ ဘယ်နိုင်ငံမှ တိုးတက်မှု မရှိ နိုင်ခဲ့သလို၊ တည်ငြိမ်အေးချမ်းမှုလည်း မရနိုင်ခဲ့ပါဘူး၊ ပြည်သူကို ကိုယ်စားမပြုတဲ့ နိုင်ငံရေးရေပေါ်ဆီ၊ စီးပွားရေးရေပေါ် ဆီသက်သက်တွေနဲ့ ပူးပေါင်းလုပ်ဆောင်မှုကသာ နိုင်ငံတော်ကျဆုံးမှုကို ဖြစ်စေလိမ့်မယ်ဆိုတာ သတိထားသင့်တယ်။
လွတ်လပ်မှုမရှိတဲ့နိုင်ငံမှာ ပွင့်လင်းဖို့ဆိုတာ အိပ်မက်တခုသာသာပါပဲ။ ဘယ်လိုနိုင်ငံမျိုးမှာမဆို ပြည်သူတွေရဲ့အခြေခံ လွတ်လပ်မှုကို ဖွင့်မထုတ်ပေးဘဲ၊ (ကိုယ်ပိုင် သဘောဆန္ဒအရ ထုတ်ဖော်ပြောဆိုခွင့်၊ ပါဝင်ဆောင်ရွက်ခွင့်၊ ငြင်းပယ်ပိုင် ခွင့်) တိုးတက်တဲ့ လူအဖွဲ့အစည်းတခု ဖြစ်တည်လာဖို့ရာ မျော်လင့်ချက်မဲ့လှပါတယ်၊ အဲဒီလို အနေအထားမျိုးမရှိသေး တဲ့ အချိန်မှာ ပြည်သူကို ဦးဆောင်နေသူတွေနဲ့ ပြည်သူတွေကို ထဲထဲဝင်ဝင် ထိတွေ့နေသူတွေရဲ့ တိမ်းညွတ်မှုဟာ အ လွန်အရေးပါ ပါတယ်။ ပြည်သူတွေအနေနဲ့ လူ့အဖွဲ့အစည်းတရပ် ခိုင်ခိုင်မာမာတည်ရှိမှုရဲ့ ထိရောက်မှုနဲ့တန်ဘိုးကို နား လည်သိမြင်လာတဲ့အခါ ဖိနှိပ်မှုတွေနဲ့တရားမဲ့မှုတွေကို ရဲရဲရင့်ရင့် ငြင်းဆန်လာကြပါလိမ့်မယ်၊ ထို့အတူပဲ ပြည်သူ့ဖက်က နေ ရပ်ပြီး၊ ပြည်သူ့နစ်နာမှုနဲ့ အကျိုးစီးပွားကို ကာကွယ်တဲ့ ပြောဆိုလုပ်ဆောင်မှုတွေကြောင့်ရတဲ့ အုပ်ချုပ်သူလူတန်း စားရဲ့ ငြိုငြင်မှုကို အချိန်အခါမရွေးလက်ခံရဲတာ လူထုခေါင်းဆောင်တွေရဲ့ သဘာဝပဲ ဖြစ်တယ်။
အုပ်ချုပ်သူတွေဟာ ပြည်သူရဲ့အခြေခံကျတဲ့ လိုအပ်ချက်တွေကို ဖြည်းဆည်းပေးဖို့မစဉ်းစားဘဲ ဒီမိုကရေစီအခြေခံ သ ဘောတရားတွေ ဆောင်ရန်ရှောင်ရန်အချက်အလက်တွေကို ပြည်သူတွေကြားထဲရောက်အောင်တော့ (နားလည်သ ဘောပေါက်လာသည်အထိ ) မလုပ်ကြဘဲ၊ ထစ်ကနဲရှိ ဖမ်းလိုက်ဆီးလိုက် ထောင်ချလိုက်နဲ့၊ ဒါဟာ ဘာကိုဖော်ပြနေသ လဲဆိုရင် စစ်အာဏာရှင်စနစ်အတိုင်းပဲ ရွေ့လျားနေတယ်ဆိုတာ ထင်သာမြင်သာရှိလွန်းနေပါတယ်၊ ဒါကို မသိသား ဆိုးဝါးစွာ ကာကွယ်ပြောဆိုမှုတွေ ရှိနေပါသေးတယ်။ (ရဟန်းသံဃာတွေနဲ့ ပြည်သူတွေကို တောင်းပန်ပြီး ကျေနပ်ပါလို့ ပြောလို့မရဘူး၊ ကျေနပ်အောင်ကို ၀န်ချတောင်းပန်ရမှာ ဖြစ်တယ်။ နစ်နာမှုတွေကို ပြန်လည်ဖြည့်ဆည်းပေးရမှာဖြစ်တယ်၊ တောင်းဆိုမှုတွေကို ညှိနိုင်းဆောင်ရွက်ပေးရမှာ ဖြစ်တယ်၊)
အစိုးရတရပ်အနေနဲ့သမတ ကမသိလို့ပါ၊ အောက်ခြေကလုပ်တာပါ ဆိုတဲ့စကားမျိုးဟာ လမ်းဘေးစကားသာဖြစ်တယ်၊ (ဒီလိုဖြစ်ပျက်နေတာတွေ၊ ဒါဟာ အရေးကြီးတဲ့ အခြေအနေမျိုးဆိုတာ မသိဘူးဆိုရင်တော့ တော်တော်လေးကို အသုံးမ ကျဘူးလို့ ပြောရမှာပဲ )။ ဖြစ်ပျက်ပြီးတဲ့ နောက်မှာတော့ သိသည်ဖြစ်စေ မသိသည်ဖြစ်စေ သမတဆိုသူကစပြီး သက် ဆိုင်ရာ ၀န်ကြီးဌာနက တာဝန်ရှိသူများ အဆုံး (ယခုဖြစ်ပျက်မှုများအတွက် ) အားလုံးမှာတာဝန်ရှိတာ ဖြစ်တယ်၊ တာဝန် ယူဖြေရှင်းရမယ်။ အောက်ခြေက ကောင်းတာလုပ်တဲ့အခါ သမတကြီးအစိုးရဆိုပြီး သမတဆိုသူကို ဆိုင်းဘုတ်တတ် ပြောပြီး၊ မကောင်းတာကျတော့မှ မသိလို့ပါဆိုပြီး ပြဿနာကိုမဖြေရှင်းရဘဲ ခွင့်လွတ်စကားပြောရတော့မလိုလို။
ဒီနေရာမှာ နည်းဗျူဟာတို့ မဟာဗျူဟာတို့ဆိုတဲ့စကားလုံးနဲ့ ကာကွယ်လို့ မရပါဘူး၊ အုပ်ချုပ်သူကို အမှန်အတိုင်း မြင် အောင်ကြည့်ကြဖို့ လိုပါတယ်။ ၂၄ နှစ်တာ သားသတ်သမားအလုပ် လုပ်ခဲ့သူက အ၀တ်သစ်လဲပြီး လက်ယပ်ပြတာကို သူတော်စင်တယောက်လို ချီးပနေကြပြီး၊ တသက်လုံးပဲ ဘုရားတည် ကျောင်းဆောက်လုပ်လာခဲ့တဲ့သူလိုလို။ (သား သတ်သမားစိတ်မပျောက်ဘူး မူရင်း အတိုင်းပဲဆိုတာကို နိုင်ငံရေးအကျဉ်းသားများနဲ့ ပတ်သက်လို့ အမေးအဖြေလုပ်တဲ့ အချိန်မှာ (ဘီဘီစီနဲ့ အင်တာဗျူး) ထင်ထင်ရှားရှား ထုတ်ပြလာတယ်၊ ကိုယ်ယုံကြည်တာ ကိုယ်လုပ်တယ်ဆိုတဲ့ စကား အရ နိုင်ငံရေးအကျဉ်းသားတွေကို မတရားဖမ်းဆီးတာ ထောင်ချတာ ညှဉ်းပန်းနှိပ်စက်မှုပြုလုပ်တာတွေဟာ သူ့ရဲ့ ယုံ ကြည်မှုလို့ဆိုတော့ ဒါ ဘယ်လိုလူမျိုးလဲ ဆိုတာ ရှင်းနေပါပြီ)။
နိုင်ငံတကာနဲ့ တချို့ အန်ဂျီအိုအဖွဲ့တွေကတော့ မြောက်ထိုးပင့်ကော် ပြောဆိုနေကြတာပါပဲ၊ ဒါက သူတို့ရဲ့အလုပ်ဖြစ် တယ်၊ သူတို့အကျိုးရှိဖို့မဟုတ်တာကို အဟုတ်လုပ်ပြောဖို့နဲ့ ဖြားယောင်းသွေးဆောင်တာ သူတို့ရဲ့ အဓိကလုပ်ဟန်တခုပဲ ဖြစ်တယ်ဆိုတာ သဘောပေါက်သင့်ပါတယ်၊ စစ်အာဏာရှင်တွေကို မြောက်ပင့်ပြောဆိုပြီး ဖြားယောင်းတာနဲ့ ဒီမိုကရေစီ ရမယ်ထင်နေပါလား၊ ရှေ့တိုးအောင် (တနည်း) နောက်ပြန်မလှည့်အောင်ဆိုပြီး အုပ်ချုပ်သူအလိုကျ ငိုပြဆိုငိုပြ ရယ်ပြ ဆို ရယ်ပြနဲ့ ကိုယ့်ကိုကိုယ် သိက္ခာမဲ့အောင်မလုပ်ကြဖို့ လိုပါတယ်။
ပိုအရေးကြီးတာကတော့ စစ်တပ်စိတ်ဆိုးရင်ပဲ တိုင်းပြည်က နေ့ချင်းညချင်း ပျက်တော့မယောင်ယောင် အတွေးအခေါ် တွေကို ဖြန့်ကျက်ပြီး (နေစရာမဲ့ စားစရာမဲ့ အလုပ်မဲ့အကိုင်မဲ့ဖြစ်ပြီး) စုတ်ပြတ်သပ်နေတဲ့ ပြည်သူတွေရဲ့ရင်ဖွင့်သံတွေ ကို တကယ့်စာနာစိတ်နဲ့ နားလည်မကြည့်ကြဘဲ၊ တရားမျှတမှုနဲ့ သူတို့ဘ၀တွေကို အလျော်အစားလုပ်နေရချိန်မှာ နောက်ပြန်လှည့်အောင်လုပ်နေ သူများလို့ အပြစ်တင်မျက်လုံးတွေနဲ့ ကြည့်လိုကြည့်၊ တိုင်းပြည်ကို ဖျက်လိုဖျက်ဆီး လုပ် နေသူများလို့ အပြစ်တင်ရှုံ့ချတဲ့ စကားတွေပြောလိုပြောနဲ့၊ ကိုယ့်ပြည်သူ ကိုယ်ချမနင်းကြပါနဲ့၊ ပြည်သူဟာ အကာကွယ် မဲ့တဲ့ ဘ၀တွေနဲ့ အသက်ရှင်နေရသူတွေ ဖြစ်နေပါပြီ၊ ပြည်သူကို ချစ်ရင်အကာအကွယ်ပေးပါ၊ မှန်ကန်တဲ့ ဦးဆောင်မှုကို ပေးပါ။
တိုင်းပြည်ရဲ့အပြောင်းအလဲဆိုတာ ဘာကိုပြောတာပါလဲ၊ နိုင်ငံရေးအကျဉ်းသား အတော်များများပြန်လွတ်လာတယ်၊ စစ် အုပ်စုခင်းတဲ့ နိုင်ငံရေးလမ်းကြောင်းပေါ်ဝင်လျောက်ခွင့်ရတယ်၊ စစ်အုပ်စုနဲ့ ကြံ့ဖွံ့အစိုးရကို မဆန့်ကျင်တဲ့ အရာတွေလုပ် လို့ရတယ်၊ သတင်းမီဒီယာတွေက ဟိုနည်းနည်း ဒီနည်းနည်းပြောလို့ရလာတယ် (စစ်အုပ်စုကို တိုက်ရိုက်မထိပါးသော)၊ အဲဒီရဲ့ဟိုဖက်မှာ စစ်အာဏာရှင်စနစ်ကို လုံးဝတရားဝင် အသက်သွင်းထားတဲ့ ၂၀၀၈ အခြေခံဥပဒေ၊ တောက်လောင်
နေဆဲ ပြည်တွင်းစစ်မီး၊ စစ်မှန်တဲ့ ပြည်ထောင်စုတခု တည်ဆောက်ဖို့ရာအလှမ်းဝေးနေတုန်း၊ အမျိုးသားညီညွတ်ရေးက ပျောက်ဆုံးနေဆဲ၊ ပြည်သူတွေရဲ့ဘ၀ တည်ငြိမ်အေးချမ်းမှုရဖို့ဆိုတာ ဘယ်ဆီနေမှန်းမသိ၊ တိုင်းပြည်ရဲ့ရေ မြေသဘာဝ တောတောင် မြစ်ချောင်း အင်းအိုင်ပါမကျန် စစ်ခေါင်းဆောင်တွေနဲ့ သူတို့လက်ဝေခံ ခရိုနီတွေရဲ့ ကိုက်ဖဲ့စားမျိုမှုကို သွေး သံရဲရဲခံနေရတုန်း။
ကဲ .. မှော်ဆရာရဲ့အ၀တ်နက်စလို ဟန်ဆောင်လှည့်ဖျားမှုတွေ ပြည့်နေတဲ့ တိုင်းပြည်အပေါ်ယံသရုပ်ကို ဘေးဖယ်ပြီး ပြည်သူနဲ့တိုင်းပြည်ရဲ့အစစ်အမှန် မြင်ကွင်းကိုကြည့်ကြပါ၊ ခံစားကြပါ၊ အဲဒီရဲ့နောက် ပြည်သူ ဘာလိုအပ်နေတယ်ဆိုတာ ရှင်းလင်းစွာ သိနားလည်လာကြပါလိမ့်မယ်။ ပြည်သူတွေဟာ လူပီသစွာ အသက်ရှင်ခွင့်ကို တောင်းဆိုနေတယ်ဆိုတာ ကြားကြရပါလိမ့်မယ်။
သက်ထွန်း
(ဓါတ်ပုံ .. OpenSociety Monywa ဖေ့စ်ဘုတ်မှ)
+Post+Card+1+(final).jpg)
+Post+Card+2+(final).jpg)
